> 2012 mes’e fiàrgiu 29 | ilMinuto

Archíviu de sa diri 29/02/2012

Buníficas fantàsima: in Sa Madalena “su mercúriu est dexi bortas prus artu de cussu chi iat a depi essi”

Ascurta custa nova


(S’úrtima nova) – Casteddu, 29 de su mesi de fiàrgiu – Impestadura manna in su mari de Sa Madalena, aundi, mancai ddoi siant stétias is buníficas costadas pagu prus de 30 milionis de euru e determinadas agoa de is traballus de su G8 mancau, si registrat ai custu mamentu preséntzia de prumu, mercúriu e “idrocarburi”. A oi funt 12 is étarus apitzus de is calis tocat a intervenni, ses in prus a petus de su passau. “Est un’impestadura spainada in su territóriu in modu irregulari” – pretzisat, in s’atopu de cida passada cun is giornalistas, su Diretori de su dipartimentu de Tàtari de s’Arpas Antoni Furesi, un’atopu tentu po definiri comenti funt is cosas. Su spricullitu, chi andat a innantis de duus annus e prus, bit spreculitaus po impestadura ambientali, fartzu e àterus riatus is rapresentantis de s’impresa chi sa Protetzioni civili, intzaras ghiada de Guidu Bertolaso, iat intregau s’incàrrigu de bunificai su tretu de mari de s’ex Arsenali, e is ditas de subapaltu chi iant traballau po su G8 mancau de su 2009. Sighi a ligi ‘Buníficas fantàsima: in Sa Madalena “su mercúriu est dexi bortas prus artu de cussu chi iat a depi essi”’

“Rossella Urru libera”: s’apellu de sa comissioni “Pari opportunità” de sa Provìntzia de Casteddu

(IlMinuto) – Casteddu, 29 de su mesi de fiàrgiu – “Fai dógnia isfortzu diplòmaticu po lompi cantu primu a su liberamentu de Rossella Urru, Ainoha Fernandez de Rincon e Enric Gonyalons, coperantis in is campus saharawi in Algeria arrapignaus de 120 diris e prus”. Est custu s’apellu fatu de sa comissioni ”Pari opportunità” de sa Provìntzia de Casteddu, chi manifestat sa solidariedadi sua a sa coperanti de Samugheo e a is collegas ispagnolus arrapignaus su 22 de su mesi de ledàmini passau. Sighi a ligi ‘“Rossella Urru libera”: s’apellu de sa comissioni “Pari opportunità” de sa Provìntzia de Casteddu’

Progetu Lianora. Zuncheddu (Indipendentistas): “S’assessorau de s’Ambienti fatzat totus is anàlisi chi serbint”

(IlMinuto) – Casteddu, 29 de su mesi de fiàrgiu – Su responsàbili po s’Ambienti in sa Giunta regionali, Giorgio Oppi, “depit donai a s’Assessorau suus is dispostas netzessàrias po assegurai su màssimu profundamentu de is anàlisi po sa valutatzioni de is efetus ambientalis de su progetu Lianora”. Aici acabat sa motzioni presentada in Consillu regionali de Claudia Zuncheddu, rapresentanti de is Indipendentistas, apitzus de su progetu de circa de gas naturali in su tretu de Arborea presentau de sa Saras. Sighi a ligi ‘Progetu Lianora. Zuncheddu (Indipendentistas): “S’assessorau de s’Ambienti fatzat totus is anàlisi chi serbint”’

Protzessu Portovesme srl: cundennaus responsàbili de su sistema de sa gestioni ambientali e responsàbili de sa gestioni arrefudus

(IlMinuto) – Casteddu, 29 de su mesi de fiàrgiu – Est acabada ariseru cun duas cundennas su ligimentu de sa senténtzia de su protzessu a su responsàbili de su sistema de sa gestioni ambientali de sa Portovesme srl, Aldo Zucca, e a sa responsàbili de sa gestioni arrefudus de su mantessi istabilimentu, Maria Vittoria Asara. Is duus imputaus ant a depi iscontai s’unu e s’àtera 2 annus e 8 mesis e 2 annus e 2 mesis; ant a depi pagai puru 1.800 eurus de ispesas legalis e iscrobada licuidatzioni in sedi tzivili po sa paga in faori de is partis tzivilis. “Po sa primu ia in Sardigna – si ligit in su giassu de su Grupu de Interventu Giurídicu – est stétiu santzionau penalmenti unu tràvigu illìcitus aici mannu”. Sighi a ligi ‘Protzessu Portovesme srl: cundennaus responsàbili de su sistema de sa gestioni ambientali e responsàbili de sa gestioni arrefudus’

S’EDITORIALI. Comenti incuisiri unu movimentu políticu: aMpI a protzessu

(IlMinuto) – Casteddu, 29 de su mesi de fiàrgiu – Po cantu siant passaus mesis, certas acontéssias no s’ant a podi scaresci mai. Sa de s’Operatzioni Arcadia primu e agoa sa de su protzessu Bellomonte no funt de seguru acuntéssias disconnotas, antzis, frúminis de tinta de iscriri funt stétius impitaus scriendiddas prus de una bia in is pàginis de is giornalis. Protagonista est a Manca pro s’Indipendentzia, chi bit su nòmini suu sbatiu in d-un’artículu chi tenit po títulu “Terrorismu, a giudítziu 18 imputaus. Tucat su protzessu contra a a Manca pro s’Indipendentzia” bessiu ariseru in is pàginis de unu de is prus importantis cotidianus sardus. Ses is indagaus de sa manca indipendentista – no totus iscritus a aMpI – chi andat a s’aciungi a sa lista de personis giai trisinadas in is arrestus de su 2006 cun s’acusa de “assótziu avolotadori indiritzau a su terrorismu”. Sighi a ligi ‘S’EDITORIALI. Comenti incuisiri unu movimentu políticu: aMpI a protzessu’