> Supermercaus: a Manca apitzus de afàriu Tanit in Tàtari « ilMinuto – notizie Mediterranee – edizione Sardegna

Supermercaus: a Manca apitzus de afàriu Tanit in Tàtari

(IlMinuto) – Casteddu, 3 de su mesi de fiàrgiu – “A pagu diris de sa tucada de sa campagna ‘Sos supermercados bochint s’economia sarda’ si benit a sciri ca 36 personis, cun incàrrigus políticus de importu mannu, funt acusadas de essi conis in s’afàriu Tanit: consilleris comunalis, aministradoris e apaltadoris funt trisinaus in d-un’istória de tentada concussioni, tentada corrutzioni, aprofitu de ofítziu”. Est cantu scririt in d-unu comunicau a Manca pro s’indipendentzia.“No est ni cómpitu ni interessu nostru – pretzisat s’organizatzioni indipendentista – giudicai is acusas fatas a is indagaus po su prusuntu abusu edilitziu e po sa pràtiga edilitzia cuntrastada de sa galleria Tanit. Creeus a dógnia in modu ca at a tocai a castiai in diversas diretzionis, biu ca a pabas de su proliferai de is tzentrus comercialis in Tàtari s’iant a podi anniai ispantus e acórdius de dógnia ginia! Creeeus puru ca custa nova potzat agiudai a torrai a fai bolai cun prus fortza sa campagna nostra contra a custu modellu de dennegu de isvilupu, unu modellu de dipendéntzia chi nos arrefudaus assolutamenti”.

© RIPRODUZIONE RISERVATA

0 Arrespustas a “Supermercaus: a Manca apitzus de afàriu Tanit in Tàtari”


Is cummentus funt serraus.