Su Consillu comunali de Pòrtu Turre votat eja po su Galsi, aMpI: “Votu afrentosu e lingidori”

(IlMinuto) – Casteddu, 1 de su mesi de fiàrgiu – Lúnis a merì su Consillu comunali de Pòrtu Turre at aprovau a cuncórdiu – gràtzias a una proposta de su grupu “Sa Manca po Pòrtu Turre” – una motzioni chi est favoràbili a su fàbricu de su Galsi: su metanodotu Algeria Sardigna Itàlia. Apitzus de sa cosa fueddat cun d-una nota a Manca pro s’Indipendentzia, chi definit su votu “afrentosu”.“Própriu una Giunta acotzada de is fortzas políticas indipendentistas de sa bidda, de is ambientalistas e de is progressistas – si ligit in sa nota de imprenta – votat a cuncórdiu una dimanda lingidora po un’òpera dannosa e chi no serbit a s’ecunumia sarda. Su Galsi - sighit su comunicau – no at a betiri su metanu in s’Ísula, ma at essi un’àtera tzerachia energetica de passada a foras de su controllu de su pópulu sardu chi no at a tenni nisciunu profetu de sa cosa”