> Líburus: in Casteddu “L’inconfondibile tristezza della torta al limone” « ilMinuto – notizie Mediterranee – edizione Sardegna

Líburus: in Casteddu “L’inconfondibile tristezza della torta al limone”

(IlMinuto) – Casteddu, 16 de su mesi de fiàrgiu – «[…]

Ita tenis? Arrosa? Est sa crostada?

Tui t’intendis aici mabi, iu nau a s’arregiola de su pomentu.

Ita bolis nai? iat dimandau, tochendumì sa paba. Fueddas cun su pomentu? Ses narendu ancora a mei; Arrosa?

Ses aici trista innoi aintru, iu arrespoustu, est soba, e afamida, e trista…

Aintru aundi? iat pediu.

In sa truta, iat arremaciau, ispramendusì. Ita bolis nai, pitichedda?

Pitichedda no, iu nau, Pitichedda no prus. (Aimee Bender)

[…]»

Ariseru a merì, in is aposentus de sa libreria “Piazza repubblica libri”, is amantis de su ligimentu ant tentu s’ocasioni de tastai “L’inconfondibile tristezza della torta al limone”, unu romanzu chi no fait a ddu resisti in su cali s’autora Aimee Bender amesturat majia e cosas de dógnia diri. S’òpera est stétia presentada de Marco Cassini, editori de Minimum fax, e de Patrizio Zurru, libràju arrancadori de pàginis. Unu merì no scéti de fueddus, cussu aprontau de “Piazza repubblica libri”, ma puru de atastus. In S’atóbiu, difatis, is ligidoris ant “gustau fitas de truta a su limoni donadas [...] in pratus insolitus”. Po s’avenimentu funt stétias is mantessi pàginis de su líburu de sa Bender a poderai su druci i a essi allogadas po un’atastu de ligimentu.

© RIPRODUZIONE RISERVATA

0 Arrespustas a “Líburus: in Casteddu “L’inconfondibile tristezza della torta al limone””


Is cummentus funt serraus.