> Universidadi de Casteddu: su Consillu de Istadu donat arraxoni a is istudiantis in decadessimentu. PO su mamentu nisciuna nova in su giassu Unica.it « ilMinuto – notizie Mediterranee – edizione Sardegna

Universidadi de Casteddu: su Consillu de Istadu donat arraxoni a is istudiantis in decadessimentu. PO su mamentu nisciuna nova in su giassu Unica.it

(IlMinuto) – Casteddu, 6 de su mesi de fiàrgiu – Su Consillu de Istadu “bullat” a su Retori de s’Universidadi de Casteddu. Nisciuna nova, a su mamentu, est stétia publicada in sa primu pàgini de su giassu de s’Ateneu de Casteddu, ma una senténtzia depositada su 2 de su mesi de fiàrgiu passau donat arraxoni a is istudiantis in decadessimentu. Is artículus 37 e 57 de su regulamentu carrieras po is istudiantis de s’Universidadi de Casteddu, cussus apitzus de su decadessimentu de chini no est in cursu cun is esàminis, andant annullaus – acrarat sa senténtzia – ma scéti in is partis chi faint dannu a chini iat fatu ricursu in primu gradu.In su mesi de martzu de su 2011 su Tar de sa Sardigna iat difatis donau arraxoni, in primu gradu, a su Retori de s’Universidadi de Casteddu.

© RIPRODUZIONE RISERVATA

0 Arrespustas a “Universidadi de Casteddu: su Consillu de Istadu donat arraxoni a is istudiantis in decadessimentu. PO su mamentu nisciuna nova in su giassu Unica.it”


Is cummentus funt serraus.