(S’úrtima nova) – Casteddu, 30 de su mesi de martzu – Unu rispàrmiu bellu, su de sa Portovesme srl, chi po dissipai is fumus de atzarxeria iat a ai depiu spendi pagu prus de 400 milla eurus a su metru cubu, e chi, spendendiddus a sa cuada in su muntronaxu de Sètimu, bogàt de buxaca scéti cincu eurus. A ddu cunfirmai ainnantis de is giugis de su tribunali, presidenti Massimu Poddighe, est stétiu Marianu Natale, chi in su 2007 comandàt su Noe de is carabineris. Su costu de su trasportu – at acrarau Natale – furiat de 250-300 eurus a càrrigu. Epuru furiat prus fàtzili portai is arrefudus in su muntronaxu e ddus fai ammasturai cun àterus materialis, fadendi a manera chi is fumus de atzarxeria de s’istabilimentu s’essant tramudaus in materiali po su fundu de is istradas. Intre is imputaus de is riatus acapiaus a su manixu ddoi funt: s’aministradori únicu de sa Tecnoscavi Massimu Pistoia, is traballadoris de sa sotziedadi Istèvoni Puggioni e Giuannipaolu Puggioni e Larbi El Oualladi. A giudítziu puru su cordinadori de s’area chímicu-analìtica de sa Tecnochem Danilu Baldini e su gestori de su Gap service Lambertu Barca. Sighi a ligi ‘Portovesme srl: is rispàrmius chi ferrint a is sardus e sa Sardigna’
Pubblicau su 30/03/2012 a is
10:22 in Ecunumia, Sociedadi | 0 cummentus
Argumentus:
(IlMinuto) – Casteddu, 30 de su mesi de martzu – Ita est s’Imu? S’Imu est sa pagamenta Munitzipali Única, introdusia comenti tassa in cambiu de s’Irpef asuba de is réditus fundiarius de is segundus domus, e de s’Ici, introdusia in 1992 e diventada luegu una de is intradas prus importantis in su bilantzu de is Comunus, primu chi fessat annuddada po is primus domus. Est inerenti a s’Imu casteddaia s’apellu chi Maria Grazia Caligaris, presidenti de s’assótziu Sotzialismu diritus e reformas, fait a s’aministratzioni comunali de sa primu tzitadi de sa Sardigna. “Sa realidadi casteddaia – si ligit in d-una nota de imprenta – contat unu númeru mannu de tzitadinus disàbilis chi fatufatu bivint de una pensionedda de pagu prus de 270 eurus cun is babus e i mamas antzianus meris de s’imòbili innoia bivint. Sighi a ligi ‘“Imu prus bàscia po is disàbilis e is famílias insoru”: s’apellu de Sdr a su Comunu de Casteddu’
Pubblicau su 30/03/2012 a is
10:18 in Cultura, Imparu | 0 cummentus
Argumentus: Sardigna
(IlMinuto) – Casteddu, 30 de su mesi de martzu – Sa Giunta Regionali, a pabas de sa proposta de s’assessori de sa Pública Istrutzioni, Benis Culturalis, Informatzioni, Ispetàculu e Sport, Sergio Milia, at aprovau in is diris passadas su programa po is celebratzionis de sa festa de su pópulu sardu, “Sa Die de sa Sardigna“. Diversas is propostas comemorativas, culturalis e de ispetàculu po amentai is avenimentus chi culminànt su 28 de su mesi de arbili de su 1974 cun sa bogada de is Piemontesus. Is comemoratzionis prevìdias ant a animai teatrus, iscolas, comunus, pratzas, e diversas istradas de s’ísula. Sighi a ligi ‘”Sa Die de sa Sardigna”. Sa Giunta aprovat su programa de is celebratzionis’
Pubblicau su 30/03/2012 a is
09:53 in Cultura, Sport | 0 cummentus
Argumentus: mostras
(IlMinuto) – Casteddu, 30 de su mesi de martzu – Est stétia inaugurada su 9 de su mesi de martzu passau e s’at podi amirai fintzas a su 30 de su mesi de cabudanni de su 2012 in is aposentus de su Museu Naturalisticu de su Territóriu “G. Pusceddu”, a 4 chilómitrus de Biddanoa de Forru, sa mostra “De Ateni a oi: disfidas olimpicas”. Un’aparada, cussa dedicada a su tema de is Olimpiadis, chi ant otentu s’arreconnoscimentu de su C.O.N.I pighendi s’amparu morali. S’amigàntzia, sa disfida asuba de su fadiori, de is calidadis de sa personi e asuba de sa lealdadi, s’arrespetu po is símilis nostrus, s’arrefudu de dógnia ratzismu asuba de sa ratza, de sa religioni, de su pentzu políticu, asuba de su sessu, funt calencunu intre de is printzipius prus nóbilis de s’”olimpismo”. Sighi a ligi ‘Mostras: in su Museu Naturalisticu de su Territóriu G.Pusceddu “De Ateni a oi: disfidas olimpicas”’
(S’úrtima nova) – Casteddu, 29 de su mesi de martzu – In is tribunalis de sa Sardigna no si podit chistionai su sardu. Est cantu est acontéssiu gióbia passau a Doddore Meloni in su tribunali de Aristanis, po su protzessu chi ddu bit acusau, impari a àterus indipendentistas de Paris, de riatus ambientalis i edilitzius in s’ísula de Malu Entu, proclamada república in su 2008 de Meloni etotu. Su “presidenti” de Malu Entu at pediu de podi arraspundi a is acusas in sa língua de bratzolu sua, su sardu, ma sa dimanda sua at biu sa contrariedadi frima de su prúbbicu ministeru Armandu Mammone. Po is cunclusionis e sa senténtzia su protzessu est stétiu atrassau a s’11 de su mesi de làmpadas. Asuba de cantu est acontéssiu fueddat atressu de una nota de imprenta Su Comitadu pro sa limba sarda: “Su Comitadu pro sa limba sarda […] protestat cun fortza po s’intolleràbili ategiamentu de discriminatzioni linguìstica fata [...] de su prúbbicu ministeru Armandu Mammone in su protzessu a Doddore Meloni”. Sighi a ligi ‘Violatzioni de is diritus tzivilis po su protzessu contra a Meloni. Su Comitadu pro sa limba sarda: “Àtera violatzioni de is diritus tzivilis e linguìsticus de is sardus”.’
(IlMinuto) – Casteddu, 29 de su mesi de martzu – “Puru in Casteddu ddoi funt grupus políticus neofascistas e neonazistas, chi su 25 de su mesi de arbili marciant in is arrugas de sa tzitadi nostra po afestai a is cumbatidoris de sa repúbrica de Salò e po pediri s’annullamentu de sa festa po su Liberamentu de su nazifascismu”. Est cantu denuntziat cun d-una nota su Cordinamentu antifascista casteddaiu, chi po domínigu chi benit, primu de su mesi de arbili, aprontat un’assembrea antifascista (17.30, arruga Isonzo 26), cun s’obietivu de sighiri a fabricai unu caminu cumunu intre is diversas fortzas antifascistas in su territóriu, sèmpiri prus apretosu agoa de su “fogu chi at fertu a unu campu rom in Torinu e a su bocimentu de duus senegalesus in Firenzi, própriu de parti de unu rapresentanti de Domu Pound Itàlia”.
(IlMinuto) – Casteddu, 29 de su mesi de martzu – Est po domínigu 22 de su mesi de arbili a is 9.00 s’atopu cun su “Mandiari de su logu” aprontau de sardegnafilieracorta in su Parcu de Bunnari. Est sa II Diri de su “Mandiari de Calidadi de su Logu ” chi s’assótziu de is cunsumadoris arregalat a sa Sardigna. Fideli a su motu chi dda animat, Sardegnafilieracorta sighit su caminu suu de promotzioni po “una sana e contipizosa nurdiadura”, incorendi a is consumadoris de s’ísula a comporai is prodotus de calidadi de su logu. Sighi a ligi ‘“Cabaus sa mirada a sa terra e artziaus su pentzu”. In Tàtari II Diri de su Mandiari de su Logu’
Pubblicau su 29/03/2012 a is
09:56 in Sociedadi | 0 cummentus
Argumentus: sanidadi
(IlMinuto) – Casteddu, 29 de su mesi de martzu – Est stétia promòvia de s’Anpa (Assótziu Natzionali Personis Autisticas) sa caminada cun is fracas chi s’at a sboddiai in Tàtari su 2 de su mesi de arbili po sa Diri Mundiali po s’Autismu bófia de s’Onu. Sa manifestada “Is fillus de mudesa tenint babus e mamas chi tzerriant a su mundu intreu” at a tucai a is 20.00 de su Policlinicu tataresu de s’arburada Itàlia, innoi a is 18.00 ant essi donadas is fracas chi ant a sighiri su caminu chi at a passai po arruga Sardigna, arruga de is Milla, arruga Manno, po atravessai Cursu Margaida de Savoia, s’”emiciclo” Garibaldi, fintzas a artziai in Pratza de Itàlia, aundi de su palcu is espertus e is babus e mamas atressu de is testimónias isoru ant a donai a is ant pigaus parti istrumentus po atuai. Sighi a ligi ‘“Is fillus de mudesa tenint babus e mamams chi tzerriant a su mundu intreu”. In Tàtari manifestada in solidariedadi a is personis autisticas’
(S’úrtima nova) – Casteddu, 28 de su mesi de martzu – A pabas de un’istàntzia de is assótzius ecologistas Grupu de Interventu Giurídicu e Amigus de sa Terra, su Ministeru de s’Ambienti at pediu a s’assessorau regionali de sa Difesa de s’Ambienti de s’interessai de is serras fotovoltaicas de Narabuja. Su 1 de su mesi de martzu passau is duus assótzius ant difatis fatu dimanda de scedas de tipu ambientali pedendi puru de fai interventus adatus po su cumentzu de su “progetu po cumprimentu de òperas de melloria de is terras in amanniamentu agricolu” de parti de sa EnerVitaBio, po unu totali de 1611 serras fotovoltaicas asuba una subrafaci de 63 ètarus. Segundu cantu est prevìdiu de s’artículu 12 de su decretu legislativu 387 de su 2003 po su cumprimentu de su progetu serbit unu permissu únicu chi depit essi lassau de sa Regioni, ma “de is scedas disponìbilis – pretzisant is duus assótzius – su progetu parrit auturitzau scéti cun determinatzioni única n. 4 de su 12 de su mesi de gennàrgiu de su 2012 de su Responsàbili de su Serbítziu Area ténnica de su Comunu de Narabuja”. Sighi a ligi ‘Serras fotovoltaicas de Narabuja: fonti energética de agiudu económicu o interventu speculativu?’
(S’úrtima nova) – Casteddu, 30 de su mesi de martzu – Unu rispàrmiu bellu, su de sa Portovesme srl, chi po dissipai is fumus de atzarxeria iat a ai depiu spendi pagu prus de 400 milla eurus a su metru cubu, e chi, spendendiddus a sa cuada in su muntronaxu de Sètimu, bogàt de buxaca scéti cincu eurus. A ddu cunfirmai ainnantis de is giugis de su tribunali, presidenti Massimu Poddighe, est stétiu Marianu Natale, chi in su 2007 comandàt su Noe de is carabineris. Su costu de su trasportu – at acrarau Natale – furiat de 250-300 eurus a càrrigu. Epuru furiat prus fàtzili portai is arrefudus in su muntronaxu e ddus fai ammasturai cun àterus materialis, fadendi a manera chi is fumus de atzarxeria de s’istabilimentu s’essant tramudaus in materiali po su fundu de is istradas. Intre is imputaus de is riatus acapiaus a su manixu ddoi funt: s’aministradori únicu de sa Tecnoscavi Massimu Pistoia, is traballadoris de sa sotziedadi Istèvoni Puggioni e Giuannipaolu Puggioni e Larbi El Oualladi. A giudítziu puru su cordinadori de s’area chímicu-analìtica de sa Tecnochem Danilu Baldini e su gestori de su Gap service Lambertu Barca. Sighi a ligi ‘Portovesme srl: is rispàrmius chi ferrint a is sardus e sa Sardigna’
