> ‎”Sa Die de sa Sardigna”. Sa Giunta aprovat su programa de is celebratzionis | ilMinuto

‎”Sa Die de sa Sardigna”. Sa Giunta aprovat su programa de is celebratzionis

(IlMinuto) – Casteddu, 30 de su mesi de martzu – Sa Giunta Regionali, a pabas de sa proposta de s’assessori de sa Pública Istrutzioni, Benis Culturalis, Informatzioni, Ispetàculu e Sport, Sergio Milia, at aprovau in is diris passadas su programa po is celebratzionis de sa festa de su pópulu sardu, “Sa Die de sa Sardigna“. Diversas is propostas comemorativas, culturalis e de ispetàculu po amentai is avenimentus chi culminànt su 28 de su mesi de arbili de su 1974 cun sa bogada de is Piemontesus. Is comemoratzionis prevìdias ant a animai teatrus, iscolas, comunus, pratzas, e diversas istradas de s’ísula. “Po nos – at nau s’assessori Milia – est un’ocasioni de importu mannu po circai de torrai a promòviri, po cantu est possíbili, po mori de su bilànciu e de su mamentu de crisi económica grai chi seus bivendi, una manifestada chi, addia de dógnia propositu celebrativu, s’amentit su balimentu e sa fortza de essi unu pópulu beru”. Is avenimentus ant essi aprontaus cun s’agiudu de s’assótziu ”Prémiu Utieri de Literadura Sarda”.

© RIPRODUZIONE RISERVATA

0 Arrespustas a “‎”Sa Die de sa Sardigna”. Sa Giunta aprovat su programa de is celebratzionis”


Is cummentus funt serraus.