> 2012 mes’e marzu 05 | ilMinuto

Archíviu de sa diri 5/03/2012

Su balimentu mannu de is bingias e de su binu de Sardigna

Ascurta custa nova

(S’úrtima nova) – Casteddu, 5 de su mesi de martzu – Sa risossa naturali particulari de is sarmentus de satu e is bingias aradas e is istudius in campu istóricu e archeológicu amostant su balimentu chi tenint sa bingia e su binu in Sardigna. S’est fueddau de sa cosa giai su 5 de su mesi de arbili passau in Amburgu po “Sardinia insula vini”, atopu aprontau de is GAL sardus (Monti Linas, Logudoru Sa Costèra, Mari Monti e Montiferru Barigadu Sinis) e de s’Istitutu de Cultura de Amburgu, organizatzioni uficiali de su Guvernu Italianu ghiau de su Ministeru de is Esterus. S’atopu at fatu bessiri a pillu is particularidadis de is produtzioni sardas in matéria de binus. De importu mannu is arrasutaus otentus. In sa diri de istudius s’est cumprovau, difatis, ca sa Sardigna est unu primori puru in sa su traballu de sa bingia e in sa produtzioni de su binu. Ingunis, Mario Sanges, de sa Subrintendéntzia Archeológica de Tàtari e Nùgoro, at amostaru is proas istóricas e archeológicas de s’antigóriu de sa traballadura de sa bingia e de sa produtzioni de binu. Ma no est acabada innoi. Gràtzias a Gianni Lovicu, de su Dipartimentu po sa Circa de sa Coltivatzioni de is matas de s’agentzia Agris Sardigna, est stétiu postu in craru sa particulari risossa naturali de is sarmentus de satu e de is bingias traballadas in Sardigna, puru de cussas de prus pagu importu. Est cun s’iscopu de agiudai a s’avolaramentu de custa importanti risossa de sa messarítzia sarda chi s’agentzia Laore aprontat duus atopus chi tenint comenti títulu “Su traballu de sa bingia e is provas de traballadura cun interceppo”. S’idea est sa de donai assistu ténnicu a custu compartu de sa messarítzia. Protagonistas is cantinas de Durgali e de Santa Maria La Palma de S’Alighera. Is duas proas dimostrativas de sa traballadura de su terrenu funt prevìdias una po su 6 de su mesi de martzu e s’àtera po su 7 de su mesi de martzu. Sighi a ligi ‘Su balimentu mannu de is bingias e de su binu de Sardigna’

In Tàtari protesta de is traballadoris de su cumértziu contra a obertura de su domínigu

‎(IlMinuto) – Casteddu, 5 de su mesi de martzu – Si lamat “Salva Itàlia” su decretu chi at permìtiu a su Guvernu de oberri s’istrada a sa liberalizatzioni e chi at serrau is ecas a su domínigu de is traballadoris de su cumértziu. Cun sa tucada de is liberalizatzionis, difatis, is tzentrus cumertzialis ant a podi oberri totus is domínigus, custringiendi a is traballadoris a turnus de macus po lassai obertas is ecas a is supermercaus. Su motivu est custu: donai imbagas prus mannas a is clientis de fai còmporas, fai girai su dinai chi cumentzat a mancai in is càscias de is supermercaus. Sighi a ligi ‘In Tàtari protesta de is traballadoris de su cumértziu contra a obertura de su domínigu’

Prétzius in Casteddu: de su mesi de fiàrgiu pigai s’aereu est una carestia (+,6,2%)

(IlMinuto) – Casteddu, 5 de su mesi de matzu – In Casteddu carestia sighit a cresci puru in su mesi de fiàrgiu. Su mesi passau difatis, a cantu narat su comunicau de su Serbítziu Informàtica e Statìstica de su Comunu, is prétzius funt aumentaus de su 0,3 po centu (in su mesi de gennàrgiu furinat crescius de su 0,6). Sighi a ligi ‘Prétzius in Casteddu: de su mesi de fiàrgiu pigai s’aereu est una carestia (+,6,2%)’

Sanidadi: a letzioni cun s’Asarp, is cursus po su 2012

(IlMinuto) – Casteddu, 5 de su mesi de martzu – De unus cantu annus s’Assótziu sardu po s’atuatzioni de sa reforma pschiàtrica, impari a sa coperativa sotziali Asarp Unu, faint un’atividadi de imparu manna po is familiaris, is utentis, isvolonteris e is operadoris chi traballabt in totu su territóriu de sa Sardigna in su campu de is serbítzius de sa saludi mentali. Puru po su 2012 is entis presentant sa proposta formativa insoru. In programa diversus cursus. Su primu, apitzus de sa “residenzialità”, s’at a tenni su 10 de su mesi de martzu de su 2012 i est po operadoris de is istruturas residentzialis e de is serbítzius territorialis de sa saludi mentali. Su segundu cursu s’at a sboddiai de su 15 a su 17 de su mesi de martzu, e su tema at a essi “Cumprendi is boxis e traballai po sa sanadura”. Sighi a ligi ‘Sanidadi: a letzioni cun s’Asarp, is cursus po su 2012′

Avenimentus: in Ossi “Assazzende e Buffende”

(IlMinuto) – Casteddu, 5 de su mesi de martzu – Est po sàbudu 17 de su mesi de martzu, a cumentzai de is 18.30 s’atopu cun Assazzende e Buffende, sa manifestada de promotzioni e atastus de binus aprontada de s’Assessorau a sa Messarítzia e a su Turismo de su Comunu de Ossi imparia a is cantinas de su logu e a is assótziu. Assazande e Buffende a a tenni comentu coru sa Pratza de su Pópolu de Ossi po si sboddiai aoa atressu un’itineràriu chi at a trisinai is diversus bixinaus de sa bidda in provìntzia de Tàtari. Sa manifasta no previdit scéti atastus de binus. Sighi a ligi ‘Avenimentus: in Ossi “Assazzende e Buffende”’