> 2012 mes’e marzu 06 | ilMinuto

Archíviu de sa diri 6/03/2012

Su supermercau chi ti mandat a iscola, candu is diritus mudant in prémius

Ascurta custa nova

(S’úrtima nova) – Casteddu, 6 de su mesi de martzu – Agoa de is supermercaus chi si fadiant binci unu postu de traballu, lompit in Sardigna, a pustis de duus annus, su supermercau chi cun is bullixeddus de s’ispesa t’arregalat adderetura duus cursus de istudiu cumpletus in d-un’iscola privada de sa tzitadi de Casteddu. Sa cosa nascit de una bidea de sa mantessi fibera de butegas chi tempus fait premiànt a is clientis assotaus cun d-unu cuntratu de traballu, s’ispesa fata depiat essi assumancu de15 eurus. In àterus tempus s’istrutzioni no furiat unu comporat e binci, ma unu diritu, una cosa séria, aici séria de essi digna de arrispetu e imprastu. Totus calidadis pérdias cun is estremagiogus de su consumismu. Sighi a ligi ‘Su supermercau chi ti mandat a iscola, candu is diritus mudant in prémius’

“SNI, comenti a tui Angelo, no timit is Don Rodrigo pitius”. Sni est a su costau de Cremone

(IlMinuto) – Casteddu, 6 de su mesi de martzu – “No eus a lassai sa Sardigna in manu a is afaristas, mannus o míserus chi siant. Sardigna Natzione Indipendentzia est a su costau de Angelo Cremone, fillu líberu de sa Sardigna”. Cun custus fueddus sa scuadra indipendentista espressat solidariedadi a Angelo Cremone agoa de s’abertimentu ameletzosu chi ddu at biu comenti protagonista cida passada. Sighi a ligi ‘“SNI, comenti a tui Angelo, no timit is Don Rodrigo pitius”. Sni est a su costau de Cremone’

(Italiano) Documento. Lettera dalla Regione al Comitato non Bruciamoci il Furturo

Sighi a ligi ‘(Italiano) Documento. Lettera dalla Regione al Comitato non Bruciamoci il Furturo’

“No a is supermercaus obertus de domínigu. Sa protesta de Cgil, Cisl e Uil a faci de sa Rinascenti

(IlMinuto) – Casteddu, 6 de su mesi de martzu – Su 4 de su mesi de martzu passau is traballadoris e is traballadoras de su cumértziu si funt movius in protesta contra a is oberturas de su domínigu, de is festivus e po s’oràriu fatu de file pari de is butegas e de is supermercaus. In Sardigna ant pigau parti a sa mobilitada promòvia de s’”European Sunday Alleance” is sindacaus de categoria Cgil, Cisl e Uil. Is organizatzionis sindacalis ant donau paperis contra a is liberalizatzionis de is oràrius fata de su Guvernu Monti a faci de sa Rinascenti de bia Roma, in Casteddu. Sighi a ligi ‘“No a is supermercaus obertus de domínigu. Sa protesta de Cgil, Cisl e Uil a faci de sa Rinascenti’

Avenimentus: in Santu Lussurzu “Atóbius de paxi cun su mundu”

(IlMinuto) – Casteddu, 6 de su mesi de martzu – “[...] Is notis si sodigan
Connósciu custu spatziu comenti connósciu s’obréscida e su campu e sa cabitza
Aciapu is fueddus e ddus seminu [...]” (Ibrahim Nasrallah)

In s’Abitatzioni Antiga de s’Abioi de Santu Lussurzu cenàbara 9 de su mesi de martzu s’at a fai una cena ispeciali: no ddoi at essi scéti coxinu po s’istògomu, ma puru po s’ànima. S’atopu tenit comenti títulu “Atóbius de paxi cun su mundu” e sa protagonista at essi sa poesia de Ibrahim Nasrallah. Sighi a ligi ‘Avenimentus: in Santu Lussurzu “Atóbius de paxi cun su mundu”’