> 2012 mes’e marzu 07 | ilMinuto

Archíviu de sa diri 7/03/2012

In Sardigna arribat Tui Travel sa compagnia aérea giai connota de is Sardus

Ascurta custa nova



(S’úrtima nova) – Casteddu, 7 de su mesi de martzu – In Sardigna, mentras s’aparaguladura de is nais andat asiadamenti, parrit cunfirmada puru po su 2012 sa punna a si movi cun is aéreus, mancai si su primu bancu de proa at essi su de su períudu de Pascamanna. Perintantu s’aereoportu de S’Alighera fait registrai un’acórdiu nou cun sa Tui Travel, culossu mondiali de is férias chi, comenti arrallatau in su giassu italianu de sa compagnia aérea, registrat dógnia annu 20 milionis de biaxadoris, 70 puntus de arribu po is férias, 3.200 agentzias de viàgiu, prus de 100 tour operator e 120 ariopranus de propriedadi. De s’acórdiu intre sa Tui Travel e sa Sogeaal, Sotziedadi de Gestioni de s’aereoportu aligheresu nàscia in su 1994 po boluntadi de sa Provìntzia de Tàtari, s’ant a tenni 3 cullegamentus charter cun sa tzitadi sardu-catalana. Ativus intre de su mesi de martzu e de su mesi de ledàminis, is bolus ant a cullegai S’Alighera cun Billund (20 de su mesi de làmpadas, 8 de su mesi de austu), Goteborg (6 de su mesi de làmpadas, 8 de su mesi de austu) e Colonia (31 de su mesi de martzu, 27 de su mesi de ledàminis) e ant a permiti de radopiai su númeru de is passigeris chi lompint de s’Europa de Tramuntana. Sighi a ligi ‘In Sardigna arribat Tui Travel sa compagnia aérea giai connota de is Sardus’

Sindrome de Cuirra: sa denúntzia de “Gettiamo le basi” lompit in Bruxelles

(IlMinuto) – Casteddu, 7 de su mesi de martzu – su tema de s’ocupatzioni militari de sa Sardigna lompit in su coru de s’Europa. Oi a Bruxelles, in sa domu de su Parlamentu europeu, est difatis in programa unu dibàtidu asuba de sa chistioni. Su Comitau “Gettiamo le basi” fueddat in su chistioni a is aprontadoris de sa cosa, a is parlamentaris europeus e a diversus assótzius de su Belgiu, atressu de unu documentu asuba de sa Sindrome de Cuirra . “Cuirra – si ligit in su documentu imbiau a Bruxelles - funt pagu domus de campagna acanta de su poligonu prus mannu de Europa, su Pisq. Su númeru imminoricau meda de is residentis at amostau beni su peschentu malu de leucemias e alteratzionis geneticas. Sighi a ligi ‘Sindrome de Cuirra: sa denúntzia de “Gettiamo le basi” lompit in Bruxelles’

(Italiano) Documento: Lettera aperta al Sindaco ed al Presidente Consiglio di Assemini in merito installazione antenna di telefonia

Sighi a ligi ‘(Italiano) Documento: Lettera aperta al Sindaco ed al Presidente Consiglio di Assemini in merito installazione antenna di telefonia’

Ping Pong: Marcozzi Casteddu foras de is play off

(IlMinuto) – Casteddu, 7 de su mesi de martzu – Bitória inútili po sa Marcozzi Casteddu. Mancai s’afirmadura de cenàbara passau po 4 a 1 contra a su Carrara in su ”Palatennistavolo”, sa scuadra casteddaia – binta in classífica de s’Este – no at a intrai a is play off po su scudetu. Cussa contra a sa scuadra toscana est stétia puru s’úrtima partida con sa màllia de sa Marcozzi po su bulgaru Bohumil Vozicky, autori de su puntu de su 3 a 1. Sighi a ligi ‘Ping Pong: Marcozzi Casteddu foras de is play off’

Cursus: arribat “NPM-Non Profit Management, a serbítziu de s’idea tua po unu tempus benidori sustenìbili”

(IlMinuto) – Casteddu, 7 de su mesi de martzu – Si lamat “NPM-Non Profit Management, a serbítziu de s’idea tua po unu tempus benidori sustenìbili” i est unu Cursu asuba de sa gestioni de unu sugetu no profit. Sa proposta formativa s’at a tenni in is aposentus de su THotel de Casteddu i est aprontada de s’Assótziu TDM 2000 po is diris 15, 16, 17 e 24 de su mesi de martzu. Is letzionis apitzus de su No Profit s’ant a sboddiai in 4 módulus de 30 oras in totu. Sighi a ligi ‘Cursus: arribat “NPM-Non Profit Management, a serbítziu de s’idea tua po unu tempus benidori sustenìbili”’