> 2012 mes’e marzu 08 | ilMinuto

Archíviu de sa diri 8/03/2012

Comenti si podint afrontai is maladias raras? Is arrespustas de sa Asl de Casteddu

Ascurta custa nova

(S’úrtima nova) – Casteddu, 8 de su mesi de martzu – Is maladias raras ferrint unu númeru imminoricau de personis a petus de sa populatzioni generali. Po custa arrexoni funt difítzilis de diagnosticai e, medas bortas, funt pagus is tzentrus specialitzaus in sa diàgnosi e cura insoru. A oi is connoscéntzias scientíficas e médicas asuba de is maladias raras funt pagu medas e no funt adecuadas. Ignoradas po tanti tempus de is médicus, de is istudiosus e de is istitutzionis, custas maladias oi tenint fiamenti s’interessu chi ddis minescit puru gràtzias a sa “Diri mondiali de is maladias raras”, afestada ocannu su 29 de su mesi de fiàrgiu passau. In Sardigna, s’ispidali Microcitemicu de sa Asl de Casteddu, Tzentru de referimentu regionali po is maladias raras, cun s’agiudu de sa Regioni Sardigna, po sa diri de istudius at aprontau unu cunvegnu dedicau a is aficus nous asuba de custu tipu de maladias in s’ísula. Ant obertu is traballus su Diretori Sanitàriu de su Microcitemicu Maria Grabiella Nardi, su diretori generali de sa Asl de Casteddu Emili Simeone e su rapresentanti de s’Assótziu de is malàdius e de is familiaris Nicolau Cascioni. Sighi a ligi ‘Comenti si podint afrontai is maladias raras? Is arrespustas de sa Asl de Casteddu’

Innu de Mameli a sa marolla in iscola. Is Contrariedadis de aMpI e de su PSd’Az

(IlMinuto) – Casteddu, 8 de su mesi de martzu – Est de su 5 de su martzu sa nova ca s’innu de Mameli si preparat po intrai a sa marolla in is classis italianas. S’idea nascit de unu provedimentu fillu de sa Comissioni Cultura de sa Camera, chi impari a s’innu coativu in is iscolas previdit puru s’istitutzioni de una Diri de s’Unidadi natzionali, de sa Costitutzioni, e de sa bandera. Su provedimentu est acanta a sa raia, amancat scéti su parri de sa comissioni Afarius Costitutzionalis e agoa at a benni pedia sa legislativa. Unu caminu chi permitit, chentza de passai atressu de s’Áula, s’autorizatzioni de sa Camera. Totu custu naturalmenti po apressurai is tempus. Sighi a ligi ‘Innu de Mameli a sa marolla in iscola. Is Contrariedadis de aMpI e de su PSd’Az’

(Italiano) Documento: Paradura per Learco. Appello d’aiuto

Sighi a ligi ‘(Italiano) Documento: Paradura per Learco. Appello d’aiuto’

“Un sorriso oltre le sbarre”: de Buoncaminu un’abratzu simbolicu a totus is féminas presoneras

‎(IlMinuto) – Casteddu, 8 de su mesi de martzu – Fait 3 annus “Un sorriso oltre le sbarre”, sa proposta promòvia de s’assótziu “Socialismo Diritti Riforme” nàscia po sensibilitzai a s’opinioni pública asuba de sa situatzioni de is féminas presoneras. Partner de s’atopu po s’editzioni de su 2012 est sa setzioni casteddaia de sa Fidapa. In s’atóbiu aprontau in Buoncaminu, po afestai s’8 de su mesi de martzu, festa de sa fémina, dógnia presonera at a arriciri un pachixeddu cun prodotus po si sciacuai e po si pigai cura de sei. “Sa Festa de sa Fémina – cumentant is aprontadoris – tenit po nos unu sinnificau particulari prusatotu ocannu. Sighi a ligi ‘“Un sorriso oltre le sbarre”: de Buoncaminu un’abratzu simbolicu a totus is féminas presoneras’

Mostras: in Nùgoro “Tui de cali arratza ses? Umana o disumana?”

‎(IlMinuto) – Casteddu, 8 de su mesi de martzu – “Tui de cali arratza ses? Umana o disumana?” est custu su títulu de sa mostra inaugurada su 2 de su mesi de martzu passau in is aposentus de s’Assótziu “Nuovo Trittico” in s’Arburada Sardigna 35 in Nùgoro. S’aparada fotografica, aprontada de s’Assótziu Natzionali Amparu Animabis Natura Ambienti setzioni de Nùgoro nascit de intentu de sensibilitzai a is tzitadinus acrarat sa nota de imprenta “a su fenómenu de is animabis andariegus, chi est aumentendi sèmpiri de prus in sa tzitadi nostra”. Sighi a ligi ‘Mostras: in Nùgoro “Tui de cali arratza ses? Umana o disumana?”’