> 2012 mes’e marzu 09 | ilMinuto

Archíviu de sa diri 9/03/2012

Cumprendi e afrontai sa dislessia cun sa datoressa Nurchis

Ascurta custa nova

(S’úrtima nova) – Casteddu, 9 de su mesi de martzu – Ita est sa dislessia? Est unu Disturbu ispecíficu de s’annestru chi ferrit assumancu su 5 po centu de sa populatzioni iscolastica, epuru si ndi fueddat meda pagu e, prusatotu, si fait pagu po individuai e agiudai is scientis cun DSA. Est cun s’idea de fueddai de custu disturbu cun sa genti ca sa libreria Giunti de Tàtari, sàbudu 17, sàbudu 24, sàbudu 31 de su mesi de martzu e sàbudu 7 de su mesi de arbili de is 16.30 a is 19.30 aprontat unu ciclu de atopus, cun sa datoressa Nurchis, asuba de sa dislessia e de is DSA. In is atopus funt prevìdius cuntributus pigaus de su líburu “Comenti ligi sa dislessia e is DSA”, de Giacu Stella e Luca Grandi. Caratterìstica de custu disturbu est, difatis, sa particularidadi sua chi interessat un’area de intiga (lézida, scridura, càlculu) lassendu innotu su funtzionamentu intelletivu generali. Sighi a ligi ‘Cumprendi e afrontai sa dislessia cun sa datoressa Nurchis’

In Cuartuciu nenit mancu sa Giunta Murru. Farci (Prc): “Diàlogu cun sa manca de tzentru”

(IlMinuto) – Casteddu, 9 de su mesi de martzu – “S’istitutzioni aministrativa ghiada de Carlo Murru at amostau de pigai in cunsidériu meda de prus s’apariéntzia a petus de sa sustàntzia, cun inútilis sfiladas e festas, chi pagu furiant de importu po is tzitadinus, meritosus de arriciri arrespustas asuba de is chistionis printzipalis de una comunidadi”. Aici sa cordinadora de su círculu Prc Vittorio Manca, Marta Laura Farci, comentat is dimissionis de 11 consilleris comunali in Cuartuciu. Dimissionis chi oberrint sa crisi e chi in pagu tempus ant a portai a decumpòniri su Consillu Comunali, ghiau po duus annus de sa dereta de tzentru de Carlo Murru. Sighi a ligi ‘In Cuartuciu nenit mancu sa Giunta Murru. Farci (Prc): “Diàlogu cun sa manca de tzentru”’

Segundu atopu cun “Istória e istórias”. A letzioni cun Consuelo Costa

(IlMinuto) – Casteddu, 9 de su mesi de martzu – Est lompia a sa segunda editzioni “Istória e istórias”, ciclu de atóbius chi fueddant de s’istória de sa Sardigna. Sa manifestada culturali, nàscia de una bidea de assótziu Khorakhané, in su 2012 dedicat s’atentzioni sua a su raportu incolliosu intre Sardigna e Risorgimentu. Ant essi dexi is letzionis de custa editzioni. Sàbudu 10 de su mesi de martzu a is 18.00, in is aposentus de s’ex Montegraticu de Nuràminis, saina formativa previdit s’interventu de Cosuelo Costa, sperta in Istória Moderna e Contemporanea e archiviadora. Sighi a ligi ‘Segundu atopu cun “Istória e istórias”. A letzioni cun Consuelo Costa’

In Tàtari cuàturu atopus cun “Imigratzioni: s’àtera faci de sa seguresa”

(IlMinuto) – Casteddu, 9 de su mesi de martzu – At a cumentzai custu merì in Tàtari a is 18.30, in is aposentus de sa libreria Odradek, sa proposta culturali ”Imigratzioni: s’àtera faci de sa seguresa”. S’avenimentu at a presentai màginis, atopus e dibàtidus asuba de is 20 annus de Imigratzioni in Itàlia. Aprontadori de is atóbius, su grupu de is istudiantis E+, s’”Abracadabra Onlus”, s’”Andalas de Amistade Onlus”, sa libreria Odradek, s’Arci Tàtari, sa Cgil de Tàtari e s’Ersu. ”Imigratzioni: s’àtera faci de sa seguresa” previdit cuàturu atopus, su 9, su 14, su 20 e su 28 de su mesi de martzu. Sighi a ligi ‘In Tàtari cuàturu atopus cun “Imigratzioni: s’àtera faci de sa seguresa”’