> 2012 mes’e marzu 13 | ilMinuto

Archíviu de sa diri 13/03/2012

Abia de una messarítzia sana. In Casteddu si fueddat de ortus sinergicus

Ascurta custa nova

(S’úrtima nova) – Casteddu, 13 de su mesi de martzu – Su 16 de su mesi de martzu, de is 17.00 a is 19.00, s’Assótziu Musa aprontat in Casteddu, in su cuarteri de Mulinu Béciu, in is aposentus de su tzentru comunali genericu “Area tres” de bia Carpaccio, unu seminàriu de scedas, impari a su Datori Arrobertu Gessa, po chistionai de Messarítzia sinergica, metodu de coltivatzioni imbentau de messaja ispagnola Amillia Hazelip. “Is printzipius de sa Messarítzia sinergica funt pagus e simplis: fai a manera chi su terrenu no benzat furriau e compatau […], mantenni su pillu de sa terra sèmpiri amantau e no impitai nisciunu tipu de làdamini e diserbanti”. In pagus fueddus, mentris sa terra fait cresci is matas, is matas creant terra saliosa atressu de is arrestus orgànicus chi liberant e atressu se s’atividadi chímica. “Su sistema ambientali cumplessu chi si format in is annus chentza de istrobu in sa terra, – si ligit in d-una nota fata connosci de s’Assótziu Musa – est fillu de un’atzioni simultànea de is diversus orgànismus chi s’agatant ingunis, e chi funt impensàbilis in sa messarítzia conventzionali, e s’ispantu beru de custa ténnica est ca assegurat produtus bellus meda”. Sighi a ligi ‘Abia de una messarítzia sana. In Casteddu si fueddat de ortus sinergicus’

aMpI no si frimat. Sa denúntzia contra a megamercaus s’afortiat

(IlMinuto) – Casteddu, 13 de su mesi de martzu – Furiat cumentzada cun d-una campagna muraria e unu dossier, sa denúntzia de a Manca pro s’Indipendentzia contra a sa de sa Gdo chi “bochit s’economia sarda”. Sàbudu 10 de su mesi de martzu sa manca indipendentista est cabada in pratza, o mellus in su mercau cívicu de Tàtari, símbulu de su cumértziu prus pitiu de su logu, po mori de is efetus destruidoris de is tzentrus cumetzialis asuba de is fainas de is butegheddas. Is megamercaus, difatis, ant furau sèmpiri de prus sa vida a is butegas de su tzentru tzitadinu e a is mercaus de is cuarteris ponendi in crisi su caminu crutzu intre produtoris e consumadoris. Sighi a ligi ‘aMpI no si frimat. Sa denúntzia contra a megamercaus s’afortiat’

Poligonus militaris: su nou de su PdCI Sardigna

(IlMinuto) – Casteddu, 13 de su mesi de martzu – S’allargat su disacórdiu contra a su sceberu de is chi eligint sa Sartdigna a terra de tzerachia militari, filla ”cara” de chini comenti s’Itàlia, is Usa, Israeli, sa Nato ndi fait una basi de esercitatzionis po is próprius progetus de gherra o po is espansionis imperialistas. S’iscórriu ingíriu a custas “scacchiere” de sa morti est amanniau prusatotu in is úrtimas diris, agoa de is dichiaras fatas de su Senadori Gian Piero Scanu (Partidu Demogàticu) ingíriu a is poligonus, pedendu sa serradura de is de Cabu Frasca e de Cabu Teulada, ma proponendi de torrai a cunvèrtiri in “tzentru de circa issentífica e tennologica po sistemas de arma nous” su Poligonu de Cuirra. Sighi a ligi ‘Poligonus militaris: su nou de su PdCI Sardigna’

Trasportus. ProgRes: “Continuidadi territoriali dexinas de milionis in arregalu a is compagnias aéreas”

(IlMinuto) – Casteddu, 13 de su mesi de martzu – Is dexinas de milionis de eurus chi sa Finantziaria regionali donat po sa continuidadi territoriali funt un’àteru dispéndiu “in donus a is compagnias aéreas”. Est cantu narat in d-una nota de imprenta ProgRes. “Cun su dinai chi sa Regioni Autónoma de sa Sardigna ponit in custa operatzioni (47 milionis de eurus po tres annus) – si ligit in su comunicau fatu connosci de s’organizatzioni indipendentista ProgRes – iat essi possíbili, chentza de aciungi mesu tzentésimu (datus de su Cab, Civil Aeronautic Board), a si furniri de una compagnia aérea sarda, asuba de is tretus chi interessant a nos e chi serbint a is abisóngius económicus e culturalis”. Sighi a ligi ‘Trasportus. ProgRes: “Continuidadi territoriali dexinas de milionis in arregalu a is compagnias aéreas”’

Concursus: a sa XXVII editzioni su Prémiu Literàriu Ntzionali Giuseppe Dessì

(IlMinuto) – Casteddu, 13 de su mesi de martzu – “[...] Su bremi si papat totu sa prupa, lintu e pintu a un’arrentza; agoa bessit e si trasformat in d-una muschixedda chi fait milla e prus de milla ous. Iat a tocai a podi destruiri milionis de muscas. [...]” (Giuseppe Dessì, BIdda de Umbras ).

Lompit ocannu a sa XXVII editzioni su Prémiu Literàriu Ntzionali Giuseppe Dessì, aprontau de sa Fondatzioni Giuseppe Dessì e de de su Comunu de Biddacidru cun s’apógiu de su Consillu Regionali de sa Sardigna, de s’Assessorau Regionali a sa Pública Istrutzioni, de su Ministeru po is Benis e is Fainas Culturali, de sa Fondatzioni Bancu de Sardigna, de s’Aministratzioni Provintziali de su Campidanu de Mesu e de su Consortziu Industriali Provintziali de su Campidanu de Mesu – Biddacidru. Sighi a ligi ‘Concursus: a sa XXVII editzioni su Prémiu Literàriu Ntzionali Giuseppe Dessì’