> 2012 mes’e marzu 21 | ilMinuto

Archíviu de sa diri 21/03/2012

Prodúsiri e aprontai cultura teatrali a foras de is teatrus: is progetus de Carpe Diem

Ascurta custa nova

(S’úrtima nova) – Casteddu, 21 de su mesi de martzu – Una de is facis chi contradistìnghit sa faina de pagu prus de binti annus de is Progetus Carpe Diem est s’abiléntzia de prodúsiri e aprontai ocasionis de cultura a foras de is teatrus conventzionalis. In is annus passaus funt stétius diversus is logus animaus de is propostas culturalis de Carpe Diem: Casteddu e su tzentru istóricu suu cun su Progetu Cervantes; s’arburada Buoncaminu, su Bastioni Santu Remì e is Giardinus Públicus cun sa Rassegna de su Teatru Internatzionali de Arruga; Cuartu e is domus campidanesas, aundi unu mangasinu de binus in làdiri po duus annus est diventau s’Ispàtziu de Carpe Diem; is biddas de sa Marmidda; is Minieras de Monti Béciu cun su Festival Cantieris. Protagonista oi est sa Domu de is Istórias de arruga Ponchielli 39 in Casteddu, una residéntzia butega de maistu de pannu, unu logu de pentzu, de sperimentatzioni e produtzioni artística, ma puru un’ingruxeri de artistas e aspetadoris. Sighi a ligi ‘Prodúsiri e aprontai cultura teatrali a foras de is teatrus: is progetus de Carpe Diem’

(Italiano) Documento. Comunicazione congiunta ALeF, AIB Sardegna ANAI Sardegna e ANA Sardegna su selezione pubblica per incarico bibliotecario-documentalista

Custu artìculu s\\\\\\\’agatat sceti in %LANG:

Traballu: dexi incàrrigus ascititziu in Cuartu

(IlMinuto) – Casteddu, 21 de su mesi de martzu – Otu manòbaras e duus giardineris: funt custus is incàrrigus ascititziu po ses mesis, programaus de su Comunu de Cuartu Sant’Aleni in su cutestu de su Pranu de su logu po s’ocupatzioni de is giòvanus, su bandu est po personis chi funt cichendi traballu e chi no ant fatu tambeni 36 annus. Sighi a ligi ‘Traballu: dexi incàrrigus ascititziu in Cuartu’

Unu “Tzentru de sa Soberania económica”: su scioberu de aMpI a sa caserma de Pradu

(IlMinuto) – Casteddu, 21 de su mesi de martzu – Una petitzioni indiritzada a su Comunu e a sa Provìntzia de Nùgoro po torrai a donai sa vida, afortiendi e amodernendi, a is cumpartus produtivus vocatzioni de su territóriu barbaricinu. Est custu s’iscopu de s’arregorta de firmas promòvia de a Manca pro s’Indipendentzia, lúnis passau in Nùgoro, in d-una cuferéntzia de imprenta. “Is arragus orgànicus chi ferrint a s’ecunumia nostra depint essi afrontaus de fundamenta. [...] Po no tzèderi a petus de s’invasioni de is Megamercaus italianus i europeus – pretzisat s’organizatzioni de sa manca indipendentista – depeus cumentzai a fabricai un’industria de is produtzionis sardas, chi acotzit a un’ecunumia indipendenti e rispitosa de s’ambienti e de is resossas suas”. Su coru de proposta de aMpI tenit comenti pernu s’avaloramentu de s’agroalimentari, de sa pastoria, de s’artesanau e de su turismu, cumpartus chi, po sa manca indipendentista, si acotzaus ant a permiti de torrai a cumentzai a creai ecunumia e traballu. Sighi a ligi ‘Unu “Tzentru de sa Soberania económica”: su scioberu de aMpI a sa caserma de Pradu’

Mostras: in su Man de Nùgoro is bisionis artisticas de Primo Pantoli

(IlMinuto) – Casteddu, 21 de su mesi de martzu – Est stétia inaugurada cenàbara 16 de su mesi de martzu, in is aposentus de su Man de Nùgoro, sa mostra de Primo Pantoli ”Primo a su 2012″. S’artista est intre de is babus de importantis grupus de vànguardia in Sardigna, intre custus Istudiu ’58 in su 1958, Grupu de Iniziativa in su 1961, e Tzentru de Cultura Democràtica in su 1967. S’aparada fait parti de su progetu Soluchefera, chi at a ocupai po totu s’annu su pranu de bàsciu de su Museu cun d-una fibera de mostras personalis chi tenint comenti protagonistas un’inzénneru intreu de artistas. Sighi a ligi ‘Mostras: in su Man de Nùgoro is bisionis artisticas de Primo Pantoli’