> 23 « mes’e marzu « 2012 « ilMinuto – notizie Mediterranee – edizione Sardegna

Archíviu de sa diri 23/03/2012

“Su Binu in Sardigna” imprentau de Ilisso lompit terzu in su Gourmand International Award 2012

Ascurta custa nova

(S’úrtima nova) – Casteddu, 23 de su mesi de martzu – Un’àteru prémiu de importu mannu po s’enologia sarda. Su cuncursu internatzionali Gourmand International Award dedicau a is líburus de su cumpartu enogastronomia e coxina, in sa setzioni dedicada a is òperas chi fueddant de binu, sutasetzioni Europa bogada sa Francia, donat simportanti prémiu suu a su “Su Binu in Sardigna”, chi artziat in su podiu pighendusì su terzu postu in s’editzioni de su 2012. Medàllia de brunzu, duncas, a unu líburu chi documentat s’istória longa de su sarmentu e de su binu, e ddu fait atressu de is màginis prus bellas e de is pàginis de is istudiosus prus cumpetentis de su cumpartu. 600 pàginis arricas de scedas, cussas imprentadas de sa Illisso, innoia s’agatant notzionis chi andant de s’istória de su traballu de is bingias a s’esamu de is sarmentus originàrius de sa Sardigna. S’arrichesa, sa traditzioni e sa grannesa de sa coltivatzioni de sa bingia in s’ísula est perou acapiada puru a is numerosas cantinas e a is diversus coltivadoris chi cun incuru e passioni portant su binu sardu in su mundu. Sighi a ligi ‘“Su Binu in Sardigna” imprentau de Ilisso lompit terzu in su Gourmand International Award 2012′

In Assèmini sa petitzioni populari contra a s’antenna telefonica

(IlMinuto) – Casteddu, 23 de su mesi de martzu – Est cumentzada s’arregorta de firmas po pediri a su Comunu de Assèmini su monitoragiu de is radiatzionis bogadas de un’antenna telefonica. Ddu fait sciri Francesca Pili, boxi de su Comitau Spontaneu de is residentis de s’arruga Asproni in sa bidda in provìntzia de Casteddu. Ignorau de s’aministratzioni comunali, su Comitau determinat de fai pesai sa protesta, e ddu fait cun d-una petitzioni chi at a essi intregada a su Síndigu de una delegatzioni de tzitadinus. Sighi a ligi ‘In Assèmini sa petitzioni populari contra a s’antenna telefonica’

Ping Pong: un’àtera bitória po sa Marcozzi in sa Intercup

(IlMinuto) – Casteddu, 23 de su mesi de martzu – Bitória internatzionali po sa Marcozzi Casteddu. Sàbudu passau sa scuadra at bintu po 4 a 1 – in su ‘Palatennistavolo’ de arruga Crespelleni – a is belgas de su Chatelet lompendi a su cuartu turnu de sa TT Intercup. Una bitória otenta chetza de su campioni Guo Yu, in ferias in Cina. “Eus giogau – at nau su rapresentanti de sa Marcozzi Stefano Curcio – unu ping pong bellu, betendi a domu unu puntu de importu mannu. Sighi a ligi ‘Ping Pong: un’àtera bitória po sa Marcozzi in sa Intercup’

Música: po su Festival Narcau Blues unu cuncursu po is musicistas sardus

(IlMinuto) – Casteddu, 23 de su mesi de martzu – Unu cuncursu po is musicistas sardus istimadoris de su blues. A ghetai su bandu funt is aprontadoris de su Festival Narcau blues, est a nai s’assótziu culturali “Progetto Evoluzione”. Iscopu de su concursu est fai connosci is artistas sardus chi funt ispecialistas de custu tipu de música. Is interessaus ant a depi difatis essi residentis in Sardigna e ant a depi presentai sa dimanda po podi pigai parti a su cuncursu intru 30 de su mesi de arbili. Sighi a ligi ‘Música: po su Festival Narcau Blues unu cuncursu po is musicistas sardus’