> 2012 mes’e marzu 27 | ilMinuto

Archíviu de sa diri 27/03/2012

Ccsvi: sa Sardigna puru narat ca eja a sa Sperimentatzioni de su Métodu Zamboni

Ascurta custa nova

(S’úrtima nova) – Casteddu, 27 de su mesi de martzu – Ita est sa Ccsvi? Est sa sigla impitada po inditai s’Insufficiéntzia Venosa Crónica Cerbeddu-Spinali, una maladia iscoberta de su Professori Paulu Zamboni, diretori de su Tzentru Maladias de is Venas de Ferrara, cun s’agiudu de su datori Salvi, neurologu de s’ispidali Bellaria de Bologna. Sa Ccsvi est una patologia de is venas. Is tupamentus arteriosus ocasionat difatis un’iscurrimentu iscassu de su sàmbini de su cerbeddu e de su moeddu spinali abbia de su coru cun su corrispondenti incarreramentu de sa circulatzioni collaterali. Ndi derivat unu staniamentu crónicu de su sàmbini aintru de su sistema nervosu tzentrali, chi impedit sa supressioni giusta de iscórias e faneus, e favoressit puru un’irregulari muntoni de ferru chi si depositat aintru de su S.N.C. Sighi a ligi ‘Ccsvi: sa Sardigna puru narat ca eja a sa Sperimentatzioni de su Métodu Zamboni’

Karate: brunzu po Mocci e Piludu in sa copa Jka de Maranello

(IlMinuto) – Casteddu, 27 de su mesi de martzu – Bitória noa po is giòvanus de su Karate club Kanazawa in sa copa Jka: torneu in su cali podiat intrai scéti is primus otu classificaus, categoria po categoria, in is campionaus italianus de s’atongiu passau. Domínigu 11 de su mesi de martzu, in su palatzeddu de su Sport de Maranello, Simone Mocci e Alessandro Piludu ant difatis concuistau su terzu postu in su cumbatimentu categoria cinturas nieddas 15-17 annus cunfirmendi un’atera borta su balimentu de s’iscola de is maistus Alberto Piludu e Alberto Fogu.

Eletzionis: stop a is rimbussus de viàgiu po is sardus residentis in àterus istadus

(IlMinuto) – Casteddu, 27 de su mesi de martzu – Is sardus residentis in àterus istadus chi ant a bolli pigai parti a is eletzionis eletoralis benientis prevìdias in s’Ísula ant a depi pagai, totu de busciaca insoru, su viàgiu po tucai de sa Sardigna e po lompi in Sardigna. “S’assessorau regionali de is Afàriu Generalis – acrarat difatis su giassu de sa Regioni Sardigna in d-una nova pubblicada ariseru – at frimau in s’interis is cuntributus po is rimbussus de is ispesas de viàgiu po is eletoris sardus emigraus in àterus istasus. Sighi a ligi ‘Eletzionis: stop a is rimbussus de viàgiu po is sardus residentis in àterus istadus’

Saludi mentali: in Serdiana unu merì po agiudai a su comitau sardu “stop opg”

(IlMinuto) – Casteddu, 27 de su mesi de martzu – Est po su 31 de su mesi de martzu in Serdiana s’atopu po agiudai a su comitau Stop opg. “Ddoi funt logus de morti, de sunfrimentu aundi is personis benint inserradas asuba de unu penzu superau de sa maladia mentali. Funt is Ispidalis Psichiatricus Giuditziàrius”. Fatuvatu pagu nódidus a sa genti e po su prus cuaus de is printzipalis médius de scedas, is opg funt a oi unu de is primus logus de impresonamentu aundi sa vida de is personis presoneras est marcada de sa violéntzia cotidiana e de sa dennega de is diritus prue elemetaris. Contra a is opg e sighendi s’arruga de su Comitau “Stop opg” nàsciu in Roma, s’et costituiu su Comitau sardu chi traballat a manera chi custus logus de presonia acabint de esisti, contrariendi is internamentus, acumpangendi su caminu de dimissioni de is sardus internaus e mandendi a innatis una faina de interessamentu. Sighi a ligi ‘Saludi mentali: in Serdiana unu merì po agiudai a su comitau sardu “stop opg”’