> 28 « mes’e marzu « 2012 « ilMinuto – notizie Mediterranee – edizione Sardegna

Archíviu de sa diri 28/03/2012

Serras fotovoltaicas de Narabuja: fonti energética de agiudu económicu o interventu speculativu?

Ascurta custa nova

(S’úrtima nova) – Casteddu, 28 de su mesi de martzu – A pabas de un’istàntzia de is assótzius ecologistas Grupu de Interventu Giurídicu e Amigus de sa Terra, su Ministeru de s’Ambienti at pediu a s’assessorau regionali de sa Difesa de s’Ambienti de s’interessai de is serras fotovoltaicas de Narabuja. Su 1 de su mesi de martzu passau is duus assótzius ant difatis fatu dimanda de scedas de tipu ambientali pedendi puru de fai interventus adatus po su cumentzu de su “progetu po cumprimentu de òperas de melloria de is terras in amanniamentu agricolu” de parti de sa EnerVitaBio, po unu totali de 1611 serras fotovoltaicas asuba una subrafaci de 63 ètarus. Segundu cantu est prevìdiu de s’artículu 12 de su decretu legislativu 387 de su 2003 po su cumprimentu de su progetu serbit unu permissu únicu chi depit essi lassau de sa Regioni, ma “de is scedas disponìbilis – pretzisant is duus assótzius – su progetu parrit auturitzau scéti cun determinatzioni única n. 4 de su 12 de su mesi de gennàrgiu de su 2012 de su Responsàbili de su Serbítziu Area ténnica de su Comunu de Narabuja”. Sighi a ligi ‘Serras fotovoltaicas de Narabuja: fonti energética de agiudu económicu o interventu speculativu?’

“Sa vida nostra est acapiada a is arraspustas de sa profesoressa Fornero”. Apellu de is malàdius de ravivanentu a su Ministru de is Políticas Sotzialis

(IlMinuto) – Casteddu, 28 de su mesi de martzu – “Boleus bivi comenti cristianus, no podeus impresonai is familiaris nostrus a is bisóngius nostrus, duncas invocaus un’atopu cun su Ministru o a su postu suu, unu Viceministru o unu Sutasegretàriu”. Est custu s’apellu chi Salvatore Usala, boxi de is malàdius de Sla, at fatu a su Ministru pedendu un’atóbiu apretosu po chistionai de sa mancada cumpartzidura de is 100 milionis de euru finatziaus po sa Sla e po esaminai s’”assachizamentu chi infuriat asuba de su finantziamentu”. Diversus is puntus crítigus. Intre custus si pretzisat ca sa cumpartzidura de su dinai po regioni est stétia fata castiendi a sa populatzioni, una “cosa mala e assurda, chi at portau a donai 30.000 eurus a sa Lombardia e 10.000 eurus a sa Sardigna aundi – narat Usala – ddoi est un’incidéntzia manna” de sa maladia. Sighi a ligi ‘“Sa vida nostra est acapiada a is arraspustas de sa profesoressa Fornero”. Apellu de is malàdius de ravivanentu a su Ministru de is Políticas Sotzialis’

“Agiudaus a sa Família Murgia”. In Uda blocu po su segundu tentativu de dispaciu

(IlMinuto) – Casteddu, 28 de su mesi de martzu – “Seis totus cumbidaus a su blocu de su segundu tentativu de dispaciu de sa família Murgia in Uda”. Est custu s’apellu chi su sa Consluta de is Movimentus at fatu atressu de su social network Facebook. Una dimanda de agiudu fata a su pópulu sardu po ”iscabulli su sistema angariadori e asureri de Equitalia e de is bancas”. Unu sistema, comenti si scit giai, chi atressu de astas, ‘esecuzioni forzose’, scicutas e dispacius de is próprias terras, ponit in genugu aziendas e isciusciat is arresparmius de una vida. Sighi a ligi ‘“Agiudaus a sa Família Murgia”. In Uda blocu po su segundu tentativu de dispaciu’

Cuncursus: tucat “Imoi ti contu”

(IlMinuto) – Casteddu, 28 de su mesi de martzu – S’intitulat “Imoi ti contu…” su cuncursu literàriu po contixeddus bessiu po is scientis de is iscolas elementaris e medias de is Comunus de su Meilogu e de su Logudòro. Sa proposta, promòvia de s’Aministratzioni comunali de Padrìa cun s’agiudu de sa Biblioteca comunali e de su Sistema Bibliotecàriu Meilogu, est dedicata a su tema “Libertadi no est unu tretu líberu. Libertadi est pigai parti”. Sighi a ligi ‘Cuncursus: tucat “Imoi ti contu”’