> Mostras: in su Museu Naturalisticu de su Territóriu G.Pusceddu “De Ateni a oi: disfidas olimpicas” | ilMinuto

Mostras: in su Museu Naturalisticu de su Territóriu G.Pusceddu “De Ateni a oi: disfidas olimpicas”

(IlMinuto) – Casteddu, 30 de su mesi de martzu – Est stétia inaugurada su 9 de su mesi de martzu passau e s’at podi amirai fintzas a su 30 de su mesi de cabudanni de su 2012 in is aposentus de su Museu Naturalisticu de su Territóriu “G. Pusceddu”, a 4 chilómitrus de Biddanoa de Forru, sa mostra “De Ateni a oi: disfidas olimpicas”. Un’aparada, cussa dedicada a su tema de is Olimpiadis, chi ant otentu s’arreconnoscimentu de su C.O.N.I pighendi s’amparu morali. S’amigàntzia, sa disfida asuba de su fadiori, de is calidadis de sa personi e asuba de sa lealdadi, s’arrespetu po is símilis nostrus, s’arrefudu de dógnia ratzismu asuba de sa ratza, de sa religioni, de su pentzu políticu, asuba de su sessu, funt calencunu intre de is printzipius prus nóbilis de s’”olimpismo”. Fundamentus totus chi benint amostaus in s’aparada, aundi s’agatant unu númeru mannu de achipàgius impitaus in is garas, ma puru cussus impreaus de is atletas po s’allenai. S’aparada at a agiudai puru is prus curiosus a connosci s’istória olimpica spassiendusì, donenddis sa possibilidadi de concuistai is prémius postus in pàliu. S’ant a podi amirai puru unus cantu de avantzus de antighidadi chi benint de su mundu olimpicu

© RIPRODUZIONE RISERVATA

0 Arrespustas a “Mostras: in su Museu Naturalisticu de su Territóriu G.Pusceddu “De Ateni a oi: disfidas olimpicas””


Is cummentus funt serraus.