> 2012 mes’e arbili | ilMinuto

Archìviu de mes'e arbili 2012

“Sa Regione siat parti tzivili in su protzessu asuba G8″ de Madalena. In Consillu Regionali motzioni di SardignaLibera e Sel

(IlMinuto) – Casteddu, 30 de su mesi de arbili – Est stétiu atrassau a su mesi de cabudanni chi benit su protzessu asuba de s’afàriu G8 chi s’at a sboddiai in su Tribunali de Perugia. Agoa de diversas batallas e de unu recursu a su Tar de su Laziu, chi at donau una senténtzia chi at impostu a sa Presidéntzia de su Consillu de is Ministrus s’intrada a is atus, asuba de una dimanda de su Consilleri regionali de SardignaLibera Claudia Zuncheddu e de abogaus suus, Luigi Azzena e Renato Margelli, est stétiu possíbbili notai is abusus fatus de is “óminis” de su G8 de Madalena. Prusaprestu asuba de sa chistioni sa Ras est abarrada muda. “Est grai – pretzisat Zuncheddu - notai ca a oi, mancai is cumbidus numerosus fatus lompi a su Presidenti Cappellacci, no ddoi siat nova chi nerat ca issu si bolit costituiri parti tzivili in su protzedimentu penali chi s’at a oberri in su Tribunali de Perugia”. Sighi a ligi ‘“Sa Regione siat parti tzivili in su protzessu asuba G8″ de Madalena. In Consillu Regionali motzioni di SardignaLibera e Sel’

Ping Pong: bitória po is sardus e Oyebode a su Campionau italianu de Terni

(IlMinuto) – Casteddu, 30 de su mesi de arbili – Est oru po su ping pong sardu. Sàbudu in Terni Carolo Rossi e Jhon Oyebode ant conchistau su primu postu in su Campionau italianu giovuneddus. In is cuàturu match fatus in fasi finali sa copia sarda at perdiu scéti unu set in sa partida cun is lombardus Marco Frigeri e Filippo Mafei. ”Furiat de noi annus – “Furiat de noi annus – amentat una nota fata connosci de s’ofítziu de imprenta de sa scuadra casteddaia – ca sa Sardigna e sa Marcozzi no artziant in sa peagna prus arta de custa manifestada. Sighi a ligi ‘Ping Pong: bitória po is sardus e Oyebode a su Campionau italianu de Terni’

25 de su mesi de arbili. Usb: “su ministru de is Internus boghit a su prefetu de Casteddu”

(IlMinuto) – Casteddu, 30 de su mesi de arbili – “Po permítiri a is natzifascistas in sa diri de su 25 de su mesi de arbili de alabai a su natzifascismu su cuestori at determinau de fai isbaratzai [...] sa pratza Gramsci”. Est cantu denutziat s’Usb Sardigna cun d-una lítera mandada a su Ministru de is Internus. Su sindacau de basi pedit a su rapresentanti de su Governu de nci bogai a su Prefetu de Casteddu, responsàbili de ai donau s’autorizatzioni “a fai una manifestada natzifascista in sa diri de su 25 de su mesi de arbili”. Sighi a ligi ’25 de su mesi de arbili. Usb: “su ministru de is Internus boghit a su prefetu de Casteddu”’

“Rom, Campu de sa 554, cali insertamentu?” In Casteddu assembrea pública

(IlMinuto) – Casteddu, 30 de su mesi de arbili – Apu biu puru zíngarus ditzosus, currendusì a pari, fai s’amori e arrumbullonaisì a terra”, narant is fueddus de una cantzoni nódida meda de Claudio Lolli. Est cussu chi iaus a bolli biri puru nos in Casteddu, aundi su campu de is Rom de sa Ss 554 est in cunditzionis malas meda. In àterus fueddus, iaus a bolli ca is cuntzionis residentzialis de is Rom fessant decentis. Su chi difatis s’abetaus de s’aministratzionis comunali est chi diventit parti ativa de unu caminu chi dongat dignidadi a is cunditzionis de vida de custas ànimas. “Si podit circai un’arremédiu” – si ligit in d-una nota de imprenta de s’Assótziu sardu contra a s’assolamentu (Asce) – “afrontai is chistionis de sa comunidadi de is residentis e is cusseguéntzias po is tzitadinus totus, fadendi acabai s’isolamentu e agiudendi unu chistioni intre totus is partis sotzialis po incarrerai unu progetu beru de inclusioni sotziali cundividiu e partitzipau”. Sighi a ligi ‘“Rom, Campu de sa 554, cali insertamentu?” In Casteddu assembrea pública’

“Su bilinguismu de is pipius”: banalidadis e bideas faddias asuba de s’impitu de su sardu in família

(IlMinuto) – Casteddu, 30 de su mesi de arbili – Fai connosci un’informatzioni giusta asuba de su bilinguismu est possíbbili atressu de sa connoscéntzia de is profetus suus. Custa informatzioni iat a agiudai totus is línguas de minoria, intre custas su sardu, comenti una resossa e no comenti un’impedimentu. Pentzai ca fueddai sa língua sarda opugnit simpitu bellu e s’imparamentu bonu de s’italiana est, difatis, unu pregiuditziu istérriu chi est netzessàriu sderrexinai. Est custu su coru de su chistionu fatu de sa professoressa Antonella Sorace, istudiosa de bilinguismu de s’Universidadi de Edimburgo, chi sàbudu passau, po su seminàriu “Su bilinguismu de is pipius”, aprontau de sa Regioni po Sa Die de Sa Sardigna, in collegamentu Skype de sa Scozia, a petus de unu públicu atentu chi preniat sa saba de sa Biblioteca Regionali de Casteddu, at pretzisau cantu bideas faddias e banalidadis ddoi funt in is possibilidadis chi is pipus fueddint e intendant fueddai sa língua de minoria in família e a foras de sa família etotu. Sighi a ligi ‘“Su bilinguismu de is pipius”: banalidadis e bideas faddias asuba de s’impitu de su sardu in família’