> 2012 mes’e arbili 02 | ilMinuto

Archíviu de sa diri 2/04/2012

Acuntéssia Cuirra: Zuncheddu “bunífica e recuberu ambientali de is logus impestaus”

(IlMinuto) – Casteddu, 2 de su mesi de arbili – Torio 232 e Cerio in is ossus de is 12 cadaveris torraus a bogai de sa tumba. De is spricullitus de su procuradori de sa Repúbrica de Lanusèi Domenico Fiordalisi, s’impestadura mortali filla de is belenus de su Pisq, est sèmpiri prus maba. Asuba de sa chistioni, fueddat atressu de una nota de imprenta, su consilleri indipendentista Claudia Zuncheddu, “Sa fini de is spricullitus de su Procuradori de Lanusèi Domenico Fiordalisi apitzus de s’acuntéssia Cuirra, ponint un’àtera borta a sa política, sa netzessidai de si movi primu de totu cun sa bunífica [...] de is logus impestaus”. Sighi a ligi ‘Acuntéssia Cuirra: Zuncheddu “bunífica e recuberu ambientali de is logus impestaus”’

In Casteddu funt cumentzaus is Campionaus Mondialis de ping pong de is istudiantis

(IlMinuto) – Casteddu, 2 de su mesi de arbili – Funt stétius inauguraus ariseru a is 19.00 in su Palatzeddu de su Isport de arruga Rockefeller in Casteddu, is Campionaus Mondialis de Ping Pong de is Istudiantis. Sa manifestada isportiva, chi bit trisinadas pagu prus de 500 personis intre atletas, acumpantzadoris e membrus de su staf, at a acabai su 6 de su mesi de arbili. “S’únicu iscopu de sa manifestada – si ligit in d-una nota de imprenta – est fai cuntentus is istudiantis”. Presentis 17 delegatzionis chi lompit de diversus logus de su mundu e chi ant a movi s’editzioni de su 2012 de is giogus mondialis de Ping Pong de is istudiantis. Aprontadoris: sa Diretzioni iscolastica regionali, su Coni e su Fifet Sardigna, chi “ant dépiu fai is contus cun pagu dinai, coni – pretzisat su comunicau – sa crisi económica chi est trisinendu a su Continenti Béciu e no scéti a issu”. Sighi a ligi ‘In Casteddu funt cumentzaus is Campionaus Mondialis de ping pong de is istudiantis’

“Superai is apómpius a su cumprimentu de is caminus po is bicicretas in tzitadi”. In Molentargius su cunvegnu de “Città Ciclabile”

(IlMinuto) – Casteddu, 2 de su mesi de arbili – S’est tentu gióbia passau, in s’edifitziu Sabis Sceberaus de su Parcu de Molentargius, su cunvegnu aprontau de ”Città Ciclabile” onlus chi teniat comenti títulu “Su sistema de ‘ciclovie’ intre Molentargius Puetu e s’Area Metropolitana de Casteddu”. Ant pigau parti a is traballus s’assessori comunali a is Trasportus Mauro Coni, su presidenti de sa commissioni trasportus de sa provìntzia Luca Mereu, e, po sa Federatzioni Italiana Amigus de sa Bicicreta, Giulietta Pagliaccio. Presentis puru is rapresentantis de is comunus de Cuartu, Cuartuciu, Ceraxus e Pauli. In s’atopu s’est postu in ispicu su netzessitu de serrai sa fasi progetuali de is pistas po is bicicretas po passai a sa fasi de ddas fai. Sa firma asuba de s’acórdiu de programa, chi previdit su finantziamentu de 5,8 milionis de eurus a is comunus de s’area manna de Casteddu de s’Assessorau regionali a sa Programatzioni, iat a depi diventai cuncreta intru 15 diris. Sighi a ligi ‘“Superai is apómpius a su cumprimentu de is caminus po is bicicretas in tzitadi”. In Molentargius su cunvegnu de “Città Ciclabile”’

Progetu Lianora: est spaciendi su tempus po s’Avaloramentu de efetu ambientali. Fortuna po s’arregorta de is firmas contra a su pertusamentu

(IlMinuto) – Casteddu, 2 de su mesi de arbili – Funt spaciendi is diris po presentai is osservas e sa dimanda de Avaloramentu de efetu ambientali asuba de su progetu Lianora a is ofítzius regionalis cumpetentis. Prusaprestu, mancai su tempus siat spaciendi, su Síndigu de Arborea sighit a desogai sa chistioni “pertusamentu de S’Ena Arrubia”. De s’àtera parti, su Comitau cívicu “No a su Progetu Lianora” at sighiu a traballai chentza de pàsiu, fadendi arribai a su Serbítziu Savi (Serbítziu sustenibilidadi ambientali e avaloramentu efetus) 170 documentus e prus de Osservas e dimandas de V.i.a., a custus andant aciuntas is 300 firmas e prus contrarias a su progetu e chi funt stétias pigadas scéti in sa diri de martis 20 de su mesi de martzu, data chi inghitzu de s’arregorda de is firmas. Diversus is documentus arribaus in sa mesa de su Serbítziu Savi, medas de custus funt de tzitadinus e imprendidoris de Arborea e de sa Provìntzia de Aristanis, àterus arribant inderetura de is territórius de sa Lucania e de is logus de Rovigu, destruidus de is pertusamentus. Sighi a ligi ‘Progetu Lianora: est spaciendi su tempus po s’Avaloramentu de efetu ambientali. Fortuna po s’arregorta de is firmas contra a su pertusamentu’

“Fadeus arregalus.. de Pascamanna”: is atóbiu dedicadas a is pipius de su Man de Nùgoro

(IlMinuto) – Casteddu, 2 de su mesi de arbili – De su 5 a su 6 de su mesi de arbili, de is 10.00 a is 12.00, in Nùgoro at a cumentzai “Fadeus arregalus.. de Pascamanna”, butega creativa po pipius “chi po sa serradura de is iscolas bolint dedicai su mangianu a su cumprimentu de un’ogeteddu”. Su progetu, aprontau de su Dipartimentu Educativu de su Museu Man de sa tzitadi de barbarizina, po sa Pascamanna, at a imparai a prus pitius, castiendi a su ‘riciclo’, a traballai cun diversus materialis e ogetus chi no s’impitant prus. Is creatzionis fatas ant essi insertadas in d-un’ou de pasca. Sighi a ligi ‘“Fadeus arregalus.. de Pascamanna”: is atóbiu dedicadas a is pipius de su Man de Nùgoro’