> 2012 mes’e arbili 03 | ilMinuto

Archíviu de sa diri 3/04/2012

Traballu. Liori: “Pràtigas po amortitzadoris sotzialis prontas in pagu diris”. Sindacaus: “Assessori arraspetit is impignus o torraus a cabai in pratza”

‎(IlMinuto) – Casteddu, 3 de su mesi de arbili – “Congruiri intru de su mesi de martzu (duncas sàbudu passau, ndr) totus is pràtigas de su 2011 e incrichiri is traballadoris de is ofítzius po straviai àterus tardamentus po su 2012″. Est custu s’impignu printzipali pigau gióbia passau de s’assessori regionali de su Traballu, Antonello Liori, cun sa firma de unu verbali a s’acabu de un’atopu cun is sindacalistas de Cgil, Cisl e Uil, in rapresentàntzia de is traballadoris chi manifestànt a faci de sa domu de arruga XXIII fiàrgiu, in Casteddu, po denuntziai su tardamentu mannu in su pagamentu de is amortitzadoris sotzialis. Sighi a ligi ‘Traballu. Liori: “Pràtigas po amortitzadoris sotzialis prontas in pagu diris”. Sindacaus: “Assessori arraspetit is impignus o torraus a cabai in pratza”’

Industria: Assessori Zedda: “Duus grupus bolint pigai s’atabilimentu ex Unilever”. Is traballadoris: “No s’imbusteraus prus”

‎(IlMinuto) – Casteddu, 3 de su mesi de arbili – “Un’àteru annutziu de grupus imprenditorialis interessaus a s’istabilimentu no si fait isperai po nudda, antzis, seus apensamentaus meda po su tempus benidori nostru. “Aici is ex traballadoris Unilever cumentant cun d-unu comunicau de imprenta sa sceda scrita cun lestresa cida passada de s’assessori regionali a s’Industria, Alessandra Zedda: duus grupus imprenditorialis funt interessaus a pigai e a torrai a donai vida a sa fàbrica de gelaus de s’arburada Marconi, in Casteddu. Sighi a ligi ‘Industria: Assessori Zedda: “Duus grupus bolint pigai s’atabilimentu ex Unilever”. Is traballadoris: “No s’imbusteraus prus”’

Prétzius: in s’ou de Pasca billetus aéreus prus carus

‎(IlMinuto) – Casteddu, 3 de su mesi de arbili – In Casteddu sa carestia est aumentada puru in su mesi de martzu: su chi est acabau de pagu diris, difatis, a cantu narat su comunicatu fatu connosci de su Serbítziu Informatica e Statistica de su Comunu, is prétzius funt crescius de su 0,6 po centu (contra su 0,3 de su mesi de fiàrgiu). Sighi a ligi ‘Prétzius: in s’ou de Pasca billetus aéreus prus carus’

Avenimentus: in Macumère cumentzat s’editzioni 2012 de “Atobiausì in biblioteca”

(IlMinuto) – Casteddu, 3 de su mesi de arbili – At a cumetzai oi in is aposentus de sa Biblioteca comunali de Macumère, de is 16.30, su programa culturali “Atobiausì in biblioteca - mesi de arbili de su 2012″, chi previdit una fibera de atopus po pipius e mannus. Sa proposta si contradistinghit po sa variedadi sua: si passat de is lézidas creativas a is laboratorius de ingresu e de custus a is ligimentus a boxi arta. Sighi a ligi ‘Avenimentus: in Macumère cumentzat s’editzioni 2012 de “Atobiausì in biblioteca”’