> 2012 mes’e arbili 05 | ilMinuto

Archíviu de sa diri 5/04/2012

Interrogatzioni de Giuseppe Cuccu a s’assessori Milia “Sa língua sarda arriscat de iscumpàrriri po sèmpiri”

(IlMinuto) – Casteddu, 5 de su mesi de arbili – A cantu narat su coma 5 de s’artículu 4 de sa lei 482/99, norma chi amparat is minorias linguìsticas istóricas in apricu a s’artículu 6 de sa Costitutzioni italiana, “a su mamentu de sa de sa ‘preiscrizione’ is babus e is mamas comunicant a s’istitutzioni iscolastica interessada si tenint intentzioni de avalerisì po is próprius fillus de s’imparamentu de sa língua de sa minoria”. Ma comenti faint is babus e is mamas sardas a sceberai o a no sceberai po is próprius fillus s’imparamentu de sa língua sarda, si sa mantessi s’iscola, a su mamentu de s’iscritzioni no tenit su módulu complementari, módulu chi imbecis amostat regolarmenti po s’imparamentu de sa religioni catolica? Asuba de sa chistioni fueddat in Consillu Regionali su consilleri de su Pd Giuseppe Cuccu. Sighi a ligi ‘Interrogatzioni de Giuseppe Cuccu a s’assessori Milia “Sa língua sarda arriscat de iscumpàrriri po sèmpiri”’

Parcu Geominerariu. Lítera de Zuncheddu a Cappellacci: “Ddi pedu de informai in forma ufitziali ecantu primu su Consillu Regionali, is traballadoris de su Geoparcu”

(IlMinuto) – Casteddu, 5 de su mesi de arbili – Est datada 4 de su mesi de arbili de su 2012 sa lítera chi su consilleri regionali Claudia Zuncheddu at imbiau a su Presidenti de sa Regioni Autònoma de Sardigna Ugo Cappellacci. Su scritu interessat sa chistioni, denuntziada prus de una bia, de is inosservàntzias grais de sa gestioni commisariada de su Parcu Geominerariu. A pustis de diversus mesis de lota ghiada de is traballadoris de su Parcu Geominerariu, difatis, a oi sa Regioni sarda no at agatau tambeni is solutzionis chi satisfant is chistionis de su traballu, e nimancu is chi interessant sa salvaguàrdia de su mantessi Parcu, connotu de s’Unesco comenti beni identitàriu únicu de sa Sardigna. Sighi a ligi ‘Parcu Geominerariu. Lítera de Zuncheddu a Cappellacci: “Ddi pedu de informai in forma ufitziali ecantu primu su Consillu Regionali, is traballadoris de su Geoparcu”’

Ghetau su bandu po is contrubutus po sa manifestada de s’agroalimentari Sial 2012

(IlMinuto) – Casteddu, 5 de su mesi de arbili – Cun s’iscopu de promòviri s’imprenditoria agricula de is giòvunus, su Ministeru de is políticas agriculas alimentaris e forestalis donat unu contributu a is imprenditoris giòvanus de su cumpartu, po pigai parti a sa manifestada fieristica de s’agroalimentari Sial 2012, chi s’at a tenni in Parigi de su 21 a su 25 de su mesi de ledaminis de su 2012. Ant a podi pigai parti a sa manifestada parigina 50 impresas sardas. Is dimandas ant a depi essi imbiadas atressu de racumandada cun arricida de torrada intru de su 16 de su mesi de arbili de su 2012 a sa Diretzioni generali de sa “competitività” po s’isvilupu rurali – Ofítziu Cosvir 5, arruga XX settembre 20, 00187 Roma. Sighi a ligi ‘Ghetau su bandu po is contrubutus po sa manifestada de s’agroalimentari Sial 2012′

Avenimentus: in Borore “Cocoi su pani rituali de Pascamanna”

(IlMinuto) – Casteddu, 5 de su mesi de arbili – Su Comunu de Borore, su Museu Rituali de su Pani de sa bidda e su Tzentru de su Cumérciu Naturali “Imbertighe”, impari a is operadoris artesanus maistus de pani e druceris de su Tzentru italianu féminas, aprontant po su 9 de su mesi de arbili sa manifestada culturali “Cocoi su pani rituali de Pascamanna”. Mostras, atastus, convegnus, butegas ant a allirgai sa bidda in provìntzia de Nùgoro. At essi sa primu ocasioni, in sa cali, comenti si ligit in d-una nota de imprenta, s’ant a uniri ”su mundu de sa cultura e su de su ‘fai’ artesanali e de sa connoscéntzia passada atressu de is inzénnerus”. Sighi a ligi ‘Avenimentus: in Borore “Cocoi su pani rituali de Pascamanna”’

Avenimentus: a sa XXXII editzioni sa Sadra de su Turroni de Tonara

(IlMinuto) – Casteddu, 5 de su mesi de arbili – S’at a tenni sa diri de Lilloris, in Tonara sa XXXII editzioni de sa Sagra de su Turroni, unu druci diventau de fama internatzionali. Po totu sa diri at essi possíbili atastai su turroni callenti. Sa festa at essi puru s’ocasioni po podi amirai is àterus ispantus de sa bidda: is mobilis e is bancalis traballaus, is teruddas e taggeris, is cubedinas, is cubedinas, is fanugas e is fressadas e, is prus connotas sonagias. Sighi a ligi ‘Avenimentus: a sa XXXII editzioni sa Sadra de su Turroni de Tonara’