> 2012 mes’e arbili 12 | ilMinuto

Archíviu de sa diri 12/04/2012

In Casteddu su mesi de arbili est contra a su fascismu. Obertas is adesionis a sa proposta de su Cordinamentu

(IlMinuto) – Casteddu, 12 de su mesi de arbili – “Propòniri a sa tzitadi unu mesi de arbili contra a su fascismu aundi, dognunu cun is próprius métodus, cun sa própriu sensibilidadi, potzat espressai s’arrealia a sa spainadura e a s’espressamentu de isulamentu e intolleràntzia”. Est custa sa bidea promovia unus cantu de diris fait de su Cordinamentu casteddaiu contra a su fascismu. Una campagna longa unu mesi, duncas, fata de tantis atopus signalaus de chini ndi pigat parti: avenimentus unius de s’aburia a su fascismu. “Si ses un’assótziu culturali – si ligit in d-una nota – un’organizatzioni política, de voluntariau, un’onlus, un’artista, unu colletivu, unu grupu musicali, o calisisiat àtera realidadi chi tenit avenimentus in programa, po su mesi de arbili in Casteddu e in su cincondàriu, ti cumbidaus a pigai parti a sa campagna ‘Mesi de Arbili contra a su fascismu’”. Sighi a ligi ‘In Casteddu su mesi de arbili est contra a su fascismu. Obertas is adesionis a sa proposta de su Cordinamentu’

Poligonu de Cuirra: Sni apricu Determinu Comunu e “strúnciu e totalis po su stadu italianu”cundenna

(IlMinuto) – Casteddu, 12 de su mesi de arbili – Cun su pragoni n. 12/2012 po su sboddiamentu de is esercitatzionis a fogu, si fait connosci s’”abisóngiu” de su Pisq de fai esercitatzionis de tiru, in su territóriu de Cuirra, in is diris chi andant de su 1 a su 20 de su mesi de làmpadas de su 2012, cun armas, bolu de guetus, míssilis e artiglierias. Su provedimentu, aprontat duncas s’amparu de s’incolumidadi pública a su mamentu de is esercitatzionis militaris, s’isbaratzu de personis e animabis “de is 07.00 a sa una de s’area ingiriada” chi incluit is comunus de Foghesu, Iscalepranu, Armùnja, Tertenìa, Biddeputzi, Ballau, Jersu, Biddamànna Istrisàili, Arthana e Ulassa. Custu pregoni est sa cufirma, a cantu narat Bustianu Cumpostu, cordinadori Natzionali de Sardigna Natzione ca “sa Sardigna est sa Mururoa de s’Itàlia”. Sighi a ligi ‘Poligonu de Cuirra: Sni apricu Determinu Comunu e “strúnciu e totalis po su stadu italianu”cundenna’

In Aristanis 20 telecàmeras po cumbàtiri su fenómenu de is indillinchiteddus e de sa malafatia. Su no de is Comunistas Giòvanus

(IlMinuto) – Casteddu, 12 de su mesi de arbili – Is Comunistas Giòvanus – Partidu de su Prc Federatzioni de Aristanis, narant ca no a s’impiantu de videucàstiu in sa tzitadi. Sa bidea de s’istrutura no est noa, difatis est passada atressu de is progetus de diversas giuntas, agatendi cumprimentu in s’aministratzioni de su presenti ghiada de su Comissàriu Ghiani. “Su Comunu de Aristanis bolit afrontai is chistionis sèmpiri prus incolliosas acapiadas a sa seguresa urbana, dotendi sa Polizia de su logu de unu sistema de videucàstiu”. Sa gara de apaltu previdit, in prus de s’installatzioni de is 20 telecàmeras, su cumprimentu de su Tzentru de Cuntrollu de videucàstiu in sa domu de sa Polizia Municipali, innoia ant essi cullegadas is telecàmeras atressu de una retza in cirroni óticu. S’apaltu oviamenti benit finantziau cun su dinai de s’aministratzioni comunali. “Is indillinchiteddus aristanesus tanti tímius – si ligit in d-una nota de imprenta de is Comunista Giòvanus - no ant a dromiri prus sonnus tranchillus, is numerosas bandas chi faint tanti a timi a s’Aristanis perigulosa meda tenint pagu tempus e ant a depi andai in àterus logus a fai mabi”. Sighi a ligi ‘In Aristanis 20 telecàmeras po cumbàtiri su fenómenu de is indillinchiteddus e de sa malafatia. Su no de is Comunistas Giòvanus’

Sit in in Arborea e Cabu Frasca “In defesa de is benis comunus de sa Sardigna”

(IlMinuto) – Casteddu, 12 de su mesi de arbili – In su mangianu de domínigu 15 de su mesi de arbili, su comitau autónomu “Ddu scit su bentu”, nàsciu su 17 de su mesi de martzu passau po sensibilitzai a s’opinioni pública e a is partidus políticus asuba de sa chistioni de is tzerachias militaris e po pediri sa serradura de is poligonus de Cuirra, de Cabu Frasca e de Cabu Teulada, at essi presenti a su sit in aprontau de su comitau cívicu “No a su progetu Lianora” contra a is pertusamentus prevìdius de sa Sargas s.p.a, sotziedadi de su grupu Saras. Su progetu, ddu amentaus, est stétiu presentau de is Moratti a sa Regioni Autónoma de Sardigna, e previdit sa circa de gas e petróliu in terra e in mari, in d-un’un’area de 4430 ètarus aintru de sa provìntzia de Aristanis. Sighi a ligi ‘Sit in in Arborea e Cabu Frasca “In defesa de is benis comunus de sa Sardigna”’

“Mediterràneu Mari de vida” aprobiat in Roma po su Prémiu Ispeciali de su “Roma Film Festival”

(IlMinuto) – Casteddu, 12 de su mesi de arbili – Su film-documentàriu “Mediterràneu Mari de vida”, produsiu, dirigu e scritu cun sa produsidora, regista e autora sarda Caterina Ponti, at essi prentau cenàbara 12 de su mesi de arbili, a is 20.30, in is aposentus de su Tzínema Trevi de su Tzentru Isperimentali de Tzinamatografia – Tzineteca Natzionali de Roma. “Mediterràneu Mari de vida” aprobiat in sa capitali italiana a pustis de diversas frimadas, cumentzadas su 1 de su mesi de cabudanni de su 2011 cun sa fortuna de s’”anteprima” tataresa. Sighi a ligi ‘“Mediterràneu Mari de vida” aprobiat in Roma po su Prémiu Ispeciali de su “Roma Film Festival”’