> 2012 mes’e arbili 23 | ilMinuto

Archíviu de sa diri 23/04/2012

In Tàtari Sel PdCI e Prc s’unint po amentai is valori de sa Resisténtzia italiana

(IlMinuto) – Casteddu, 23 de su mesi de arbili – Su 25 de su mesi arbili tataresu at a biri unias, in is afestus, is setzionis tzitadinas de su PdCI e de su Prc cun su círculu de “Sinistra e Ecologia e libertà” Selz. Una diri arrica de atopus, sa aprontada de sa manca italiana in Tàtari. Is tres organizatzionis políticas s’ant a atobiai a is 9.00 in sa pratza de su Palatzu Ducali po sa cirimónia istitutzionali. Ant a sighiri agoa, in arruga Turritana 52, is lézidas asuba de sa Resisténtzia aprontadas de su círculu Selz. A s’acabu de is ligimentus, at essi amanitzau unu pràngiu buffet a prétzius bàscius. Is traballus ant a torrai a pigai a is 16.00 cun s’atóbiu dibàtidu asuba de is temas de sa resisténtzia. Ant a fueddai: Caterina Mura de s’Anpi provintziali, Vindice Lecis, giornalista e scriidori Sonia Pipia de s’assótziu Luigi Polano. Sighi a ligi ‘In Tàtari Sel PdCI e Prc s’unint po amentai is valori de sa Resisténtzia italiana’

“In nòmini de su dépidu”. In Ilàrtzi dibàtidu cun Cremaschi in s’amentu de Gramsci

(IlMinuto) – Casteddu, 23 de su mesi de arbili – Spricullitai asuba de su tema de su dépidu públicu de su parri de is traballadoris e de sa Sardigna. Custu s’obietivu de su dibàtidu in programa cenàbara 27 de su mesi de arbili (17.00, auditorium comunali de Ilàrtzi) po is 75 annus de sa morti de Antonio Gramsci. A s’atopu - aprontau de Domu Gramsci – at a pigai parti puru Giorgio Cremaschi, presidenti de su Comitau tzentrali de sa Fiom e intre is printzipalis rapresentantis de su Comitau No Dépidu. ”In sa manca sarda – si ligit in d-una nota – sa chistioni de su dépidu trigat a essi iscrucullada de unu parri anticapitalisticu e de classi. Sighi a ligi ‘“In nòmini de su dépidu”. In Ilàrtzi dibàtidu cun Cremaschi in s’amentu de Gramsci’

25 de su mesi de arbili: in Casteddu manifestada e concertu po su Liberamentu. Apellu nou po frimai su pichetu de su fascimu nou

(IlMinuto) – Casteddu, 23 de su mesi de arbili – Su no a su fascimu torrat a cabai un’àtera borta in pratza in Casteddu. Mérculis chi benit, po sa Festa de su Liberamentu de su 25 de su mesi de arbili, ddoi at essi difatis unu corteu cun tucada a is 9.00 de pratza Garibaldi. Sa diri – aprontada de su Comitau 25 de su mesi de arbili – at a sighiri a su merì cun d-unu cuncertu in pratza de su Cramu, a cumentzai de is 17.00. Ant a pigai parti a sa rassegna musicali Mister T, Ezechiele 25-17, Le Ragioni del viaggio, Tamanera revolution, Boghes de Bagamundos, Ex Dirigenti, Mamavibe. In sa mantessi diri – mancai is diversas dimandas fatas a is autoridadis de impediri manifestadas in “camisa niedda” – si iat a depi sboddiai unu pichetu de su fascismu nou a petus de su Monumentu de is caius. Sighi a ligi ’25 de su mesi de arbili: in Casteddu manifestada e concertu po su Liberamentu. Apellu nou po frimai su pichetu de su fascimu nou’

De 18 mesis suspendia sa pensioni a un’imbàlidu a su 100%

(IlMinuto) – Casteddu, 23 de su mesi de arbili – Imbàlidu a su 100% a cantu narat su giudítziu de una Comissioni Asl “integrata” e de su méicu, F. F., malàdiu oncologicu de 67 annus, agoa 18 mesis de s’arreconnoscimentu de s’imbalididadi a oi, no at pigau un’euru. Asuba de s’acontéssia fueddat cun d-una nota de imprenta sa presidenti de s’assótziu Sotzialismu Diritus e Reformas Maria Grazia Caligaris. “S’ómini, chi at iscobertu sa maladia agoa de duus mesis de su collocamentu in pensioni at cumentzau deretu is setziadas de chemioterapia e is àteras curas sutaponendusì a unu trapiantu “autologo” de mueddu puru. Dógnia fasi de sa maladia est stétia documentada cun is relatas de is ricoverus in s’ispidali e cun is relatas de is ematologus”. Prusaprestu, in su 2010, po mori de una recaida, su malàdiu at presentau a s’Inps dimanda de impeoramentu. De custu mamentu est cumentzada una segunda marturia. Cun verbali provisóriu, su tzitadinu s’est biu recònosciri, difatis, s’imbalididadi totali e s’indennidadi de acumpangiamentu, cunfirmaus ambadus cun d-una aberguada afetanti aundiu s’Inps at torra dimandau da documentatzioni e una bisita de cuntrollu. Tamen, pretzisat sa presidenti de Sdr, su tzitadinu “no at otentu nudda”. Sighi a ligi ‘De 18 mesis suspendia sa pensioni a un’imbàlidu a su 100%’

A sa VII editzioni sa Sagra “Su Pani Arrubiu” de Tuili

(IlMinuto) – Casteddu, 23 de su mesi de arbili – Est po domínigu 29 de su mesi de arbili in Tuili s’atopu cun sa VII editzioni de sa Sagra de “Su Pani Arrubiu”, ispetzialidadi de sa bidda de su Campidanu de Mesu. Pabassa e tzafanau funt is ingredientis printzipalis de custa dilítzia, fata, comenti bolit sa traditzioni, po sa festa de Santu Antiogu, su segundu lúnis a pustis de Pascamanna. No scéti Pani arrubiu in Tuili. Sa manifestada previdit difatis puru unu cunvegnu dedicau a unu de is temas prus importantis de su mamentu: s’impitu de is energias rennovàbilis in is tzentrus istóricus. Su dibàtidu at a cumentzai a is 10.00 in is aposentus de su palatzu Asquer. Sighi a ligi ‘A sa VII editzioni sa Sagra “Su Pani Arrubiu” de Tuili’