> 2012 mes’e arbili 27 | ilMinuto

Archíviu de sa diri 27/04/2012

Paperi de Convergéntzia indipendentista. Po sa festa de is sardus aMpI oberrit su dobàtidu a su Pópulu Sardu

(IlMinuto) – Casteddu, 27 de su mesi de arbili – Est in sa diri de sa festa de su pópulu sardu, po is afestus de sa Die de Sa Patria Sarda, chi a Manca Pro s’Indipendentzia aberrit su Paperi de Convergéntzia Indipendentista a “totus is indipendentistas e a is fortzas santzeras de sa terra nostra”. Un’abertura, custa chi iat a podi aberri scenarius insolitus biu ca est sa primu borta chi unu progetu políticu unitariu benit afidau a su pópulu. ”Est – acrarat sa boxi de aMpI Cristiano Sabino -, una baga istórica, s’ocasioni po cuncurriri a fabricai unu caminu de soberania, chi is indipendentistas scapus o in assótziu, is movimentus sotzialis e de categoria no ant mai tentu primu”. Sighi a ligi ‘Paperi de Convergéntzia indipendentista. Po sa festa de is sardus aMpI oberrit su dobàtidu a su Pópulu Sardu’

Narabuja afestat “Sa Die de sa Sardigna” manifestendu contra a s’industria de s’energia

(IlMinuto) – Casteddu, 27 de su mesi de arbili – Narabuja afestat su 28 de su mesi de arbili, “Sa Die de Sardigna”, movendusì contra a s’industria de s’energia. Est difatis prevìdia po cras a is 11.00 sa manifestada contra a is invasionis afaristicas de s’industria de s’energia in Sardigna. “Narabuja – si ligit in d-una nota de imprenta – est scéti unu de is casus prus evidentis de s’aciocu autzu fillu de s’abitúdini compradora annoada oi in sa política, in sa burocrazia, e in s’aministratzioni de s’ísula nostra”. “S’energia límpia – sighit su comunicau – coberendi investimentus pulius primu puru de sa produtzioni limpiada de s’invasioni de is capitalis brutus”. Sighi a ligi ‘Narabuja afestat “Sa Die de sa Sardigna” manifestendu contra a s’industria de s’energia’

Avenimentus: Terranòa puru afestat “Sa Die de sa Sardigna”

(IlMinuto) – Casteddu, 27 de su mesi de arbili – Po cras 28 de su mesi de arbili s’assótziu Antonio Simon Mossa, cun s’apógiu de s’Assessorau a sa Cultura de su Comunu de Terranòa, aprontat, in is aposentus de su museu archeológicu de sa tzitadi gadduresa, “Sa Die de sa Sardigna”. S’atopu est po is 16.30. In intrada su dibàtidu ”Dae sa Die de sa Sardigna a Antonio Simon Mossa”. A s’acabada de is traballus at a sighiri sa presentada de s’assótziu Antonio Simon Mossa Onlus, chi at a acrarai is obietivus culturalis e sotzialis suus. A is 20.00 at essi obertu su sipàriu a sa música cun su grupu de ballu “Animas Malas”. Sighi a ligi ‘Avenimentus: Terranòa puru afestat “Sa Die de sa Sardigna”’

Karate: in Maracalagonis in sa II Copa giovanili Jka Sardigna

(IlMinuto) – Casteddu, 27 de su mesi de arbili – S’annoat s’atopu cun su tempus benidori de su Karate traditzionali. Domínigu 6 de su mesi de maju in palatzeddu de s’Isport de Maracalagonis s’at a tenni difatis sa II Copa giovanili Jka Sardigna. A cumetzai de is 10.30 is giòvanus talentus de s’arti marziali giaponesa s’ant a cunfrontai in is duas ispecialidadis de su Kata (formas “preordinate”) e de su Kumite (cumbatimentu). Sa gara – aprontada de su Karate club Kanazawa de Cuartu Sant’Aleni e de su Shotokan Karatedo de Maracalagonis – at essi precedia de unu stage dirigiu de is maistus de sa Japan Karate Association Alberto Piludu e Alberto Fogu.

Avenimentus: in Tàtari su Festival de Música Insolita

(IlMinuto) – Casteddu, 27 de su mesi de arbili – Est cumentzada su 20 de su mesi de arbili passau in is aposentus de Su Mulinu Béciu in arruga Frigaglia 5 in Tàtari, sa manifestada musicali su Festival de Música Insolita. A oberri is tres atopus de sa proposta est stétia Rosella Faa, chi cun suu Sighi – Singhi, at fatu unu concertu ispetàculu cun s’acumpangiamentu de Giacomo Deiana a sa ghitarra e de Nicola Cossu a su contrabàsciu. Su festival at a sighiri su 3 de su mesi de maju, candu Gianni Piras, acumpangiau de su maistu Carlo Doneddu, at a presentai “Totu s’istadi in pàtinus”. Sighi a ligi ‘Avenimentus: in Tàtari su Festival de Música Insolita’