> In Casteddu funt cumentzaus is Campionaus Mondialis de ping pong de is istudiantis | ilMinuto

In Casteddu funt cumentzaus is Campionaus Mondialis de ping pong de is istudiantis

(IlMinuto) – Casteddu, 2 de su mesi de arbili – Funt stétius inauguraus ariseru a is 19.00 in su Palatzeddu de su Isport de arruga Rockefeller in Casteddu, is Campionaus Mondialis de Ping Pong de is Istudiantis. Sa manifestada isportiva, chi bit trisinadas pagu prus de 500 personis intre atletas, acumpantzadoris e membrus de su staf, at a acabai su 6 de su mesi de arbili. “S’únicu iscopu de sa manifestada – si ligit in d-una nota de imprenta – est fai cuntentus is istudiantis”. Presentis 17 delegatzionis chi lompit de diversus logus de su mundu e chi ant a movi s’editzioni de su 2012 de is giogus mondialis de Ping Pong de is istudiantis. Aprontadoris: sa Diretzioni iscolastica regionali, su Coni e su Fifet Sardigna, chi “ant dépiu fai is contus cun pagu dinai, coni – pretzisat su comunicau – sa crisi económica chi est trisinendu a su Continenti Béciu e no scéti a issu”. 230 is atletas, partius in 46 scuadras. De domu is altletas de su Litzeu Issentíficu Pacinotti de Casteddu, is mantessis chi ant bintu is garas regionalis: Marco Sarigu, Alessio Meloni (giogadoris de sa C1 in sa Marcozzi Casteddu), Andrea Meloni, Simone Serra, Monica Cabboi, Laura Di Domenico, Michela Rossi e Marta Casini.

© RIPRODUZIONE RISERVATA

0 Arrespustas a “In Casteddu funt cumentzaus is Campionaus Mondialis de ping pong de is istudiantis”


Is cummentus funt serraus.