> Traballu. Liori: “Pràtigas po amortitzadoris sotzialis prontas in pagu diris”. Sindacaus: “Assessori arraspetit is impignus o torraus a cabai in pratza” | ilMinuto

Traballu. Liori: “Pràtigas po amortitzadoris sotzialis prontas in pagu diris”. Sindacaus: “Assessori arraspetit is impignus o torraus a cabai in pratza”

‎(IlMinuto) – Casteddu, 3 de su mesi de arbili – “Congruiri intru de su mesi de martzu (duncas sàbudu passau, ndr) totus is pràtigas de su 2011 e incrichiri is traballadoris de is ofítzius po straviai àterus tardamentus po su 2012″. Est custu s’impignu printzipali pigau gióbia passau de s’assessori regionali de su Traballu, Antonello Liori, cun sa firma de unu verbali a s’acabu de un’atopu cun is sindacalistas de Cgil, Cisl e Uil, in rapresentàntzia de is traballadoris chi manifestànt a faci de sa domu de arruga XXIII fiàrgiu, in Casteddu, po denuntziai su tardamentu mannu in su pagamentu de is amortitzadoris sotzialis. “Su sindacau – si ligit in d-una nota - at a acastiai a manera chi no si avreguint àterus tardamentus, annuntziedi giai de imoi ca su mancau cumprimentu de is impignus pigaus oi de s’assessori at a portai a pigai sa mobilitada”.

© RIPRODUZIONE RISERVATA

0 Arrespustas a “Traballu. Liori: “Pràtigas po amortitzadoris sotzialis prontas in pagu diris”. Sindacaus: “Assessori arraspetit is impignus o torraus a cabai in pratza””


Is cummentus funt serraus.