(IlMinuto) – Casteddu, 2 de su mesi de maju – Ita funt is quiz Invalsi? Po chini no dd’essat scipiu funt beríficas fatas a sa fini de cuadrimestri po valutai, in peschentu, sa bravura de is classis. Una procedura chi ocannu at essi fata comenti esperimentu po diventai difinitiva in is annus iscolasticus chi benint. Sa cosa prus importanti est perou su fatu ca una parti de is finantziamentus donaus a is iscolas ant essi acapiaus a is arrasurtaus de custas proas. In àterus fueddus is istitutus iscolasticus ant essi “premiaus” po su livellu de is test Invalsi. Unu protzedimentu chi at a oberri iscenarius malus meda po s’istrutzioni pública. Po is datas fissadas po is test Invalsi is Cobas cumbidant maistus e traballadoris Ata a isciopirai. Sighi a ligi ‘“Disfavorèsseus is Quiz Invalsi”. In Aristanis assembrea pública primu de s’isciòpiru’
Archíviu de sa diri 2/05/2012
(IlMinuto) – Casteddu, 2 de su mesi de maju – Est stétiu batiau “Gustus de Marmidda” sa primu editzioni de su progetu aprontau e nàsciu de una bidea de su Cunsórtziu Duas Giaras chi s’at a sboddiai su 12 e su 13 de su mesi de maju intre Senis e Crucùris. Candu su sciri fai traditzionali si coiat cun s’innovatzioni si donant is nàscidas a duas diris in nòmini de sa cultura e de sa cosa de papai, aundi is protagonistas funt is prodotus de sa traditzioni culinària de sa Sardigna. “Gustus de Marmidda” si movit atressu de diversus binàrius. Su 12 e su 13 de su mesi de maju ant essi difatis diris cun avenimentus meda, ddoi ant essi seminàrius, atastus e butegas de coxina. Sighi a ligi ‘Intre Senis e Crucùris arribat “Gustus de Marmidda”’
(IlMinuto) – Casteddu, 2 de su mesi de maju – Su mesi de arbili no fait ecetzioni. Puru in su mesi acabau de pagu diris in Casteddu is prétzius funt aumentaus (+0,4%) e un’àtera borta ca carestia prus manna s’est registrada in su cumpartu de is trasportus (+1,6%). Po su prus in su mesi de arbili funt aumentaus de s’8,8% is prétzius de is billetus aéreu. Est cantu narat su comunicau de su mesi fatu connosci de su Serbítziu Informatica e Statistica de su Comunu de Casteddu.
(IlMinuto) – Casteddu, 2 de su mesi de maju – Est fissada po su 31 de su mesi de maju sa data de scadéntzia po pigai parti a sa sesta editzioni de su Prémiu Mediterràneu de su “Giallo” e de su Noir “Su Líburu in su cadàsciu”. Su cuncursu est obertu a totus i est a gratis. Su prémiu est po autoris chi no ant publicau mai un’òpera cumpleta. Tema de s’editzioni de su 2012 est “Su grogu e su nieddu in is caboris de sa tauledda de pintori sarda”. Su manuscritu ogetu de su Prémiu at a depi essi unu noir scritu in o asuba de sa Sardigna de chini bivit o at biviu in s’ísula. Sighi a ligi ‘Tucat sa VI editzioni de su Prémiu Mediterràneu de su “Giallo” e de su Noir’
(IlMinuto) – Casteddu, 2 de su mesi de maju – Donai is cumpeténtzias netzessàrias a incarrerai una carriera in su circùitu de sa Progetatzioni europea. Est custu s’obietivu de su cursu “Unu mestieri lamau Europa”, lompiu a sa Iv editzioni e aprontau, cometi sèmpiri, de s’assótziu Tdm 2000. Su cursu at a tucai cenàbara 11 de su mesi de maju in Casteddu e s’at a sboddiai – acrarat Tdm 2000 – in ses módulus fatus de espertus e professionistas. Sighi a ligi ‘“Unu mestieri lamau Europa”. Tucat sa IV editzioni de su cursu de Tdm 2000′
Social
