“‘Ecoscambi’ e Tràmudas in su Tirso”. Domínigu in Simaghis una diri dedicada a sa “cosa de papai chi curat sa Terra”.

(IlMinuto) – Casteddu, 21 de su mesi de làmpadas – “Sa cosa de papai chi curat sa Terra: ideas, atzionis, cosa de papai e pràtigas de cura”. At essi custu su tema printzipali de “‘Ecoscambi’ e Tràmudas in su Tirso”: sa diri de atopus, dibàtidus, butegas e giogus in pratza, in su parcu e in is arrugas de sa bidda, in programa domínigu 24 de su mesi de làmpadas in Simaghis. S’avenimentu est aprontau de sa Coperativa Sotziali Sinnos – Ispatziu Abbama chi, in custu progetu, at postu impari  - atentu a sa “green economy” – diversas realidadis sotzialis, culturalis, económicas e istitutzionalis e is giòvanus de cuàturu biddas chi faint parti de su Parcu ”fluviale” de su Tirso (Simaghis, Sabarussa, Bidda Noa Truschedu e Ollastra).