> 2012 mes’e làmpadas 11 | ilMinuto

Archíviu de sa diri 11/06/2012

aMpI contra a sa caserma de Pradu: “Fadeus unu movimentu de pópulu”

(IlMinuto) – Casteddu, 11 de su mesi de làmpadas – Sighit s’arregorta de is firmas promòvia de a Manca pro s’Indipendentzia po fai unu polu de soverania económica in Nùgoro comenti sceberu a sa militarizatzioni noa chi si cuncodrat a invadi sa tzitadi cun su fàbricu de sa caserma de Pradu. A faci de sa proposta de sa manca indipendentista s’arraspusta de is nugoresus de dógnia edadi est stètia bella meda. “Medas is mitus chi seus isciusciendi atressu de su cufrontu e de su chistionu a faci de pari cun sa genti – pretzisat una bota de imprenta de aMpI – seus cumentzendi a smuntai sa campagna e su pentzu nascius e mandaus ainnantis de annus meda de is partidus italianus”. Provìntzia e Comunu ant sèmpiri fueddau de su prexu mannu de sa genti po sa caserma noa. Sighi a ligi ‘aMpI contra a sa caserma de Pradu: “Fadeus unu movimentu de pópulu”’

Bullau referendum de Meloni. Sni: “s’indipendéntzia est unu trabllu colletivu, de fromigas, no isolau, de ungrullus sardus e nimancu italianus”

(IlMinuto) – Casteddu, 11 de su mesi de làmpadas – “Sa Repúbrica, una e ‘indivisibile’” narat s’artículu 5 de sa Costitutzioni italiana. Apitzus de custu assuntu s’Ofítziu Regionali de su Referendum, at declarau illegali su referendum consultivu asuba de s’indipendéntzia de sa Sardigna promòviu de Doddore Meloni. “Is sardus no podint nimancu espressai unu parri de lebertadi”, comentat Sardigna Natzione Indipendentzia, atressu de unu comunicau de imprenta. “Seus e eus a abarrai indipendentistas - sighit su cordinadori natzionali de Sni Bustianu Cumpostu – no pentzaus chi s’istória de su pópulu nostru s’at a frimai in s’italianidadi, oi o cras custa fasi istórica puru at a passai de su presenti a su passau e s’Itàlia s’at a aciungi a s’elencu de is dominadoris de sa terra nostra”. S’impignu de Sardigna Natzione no s’at a frimai a faci de is artículus de sa costitutzioni italiana o de su statutu sardu. Prusaprestu Sni criticat tempus e modus de sa proposta referendària de Meloni. Sighi a ligi ‘Bullau referendum de Meloni. Sni: “s’indipendéntzia est unu trabllu colletivu, de fromigas, no isolau, de ungrullus sardus e nimancu italianus”’

Contienda Intradas. Frocu Birdi pigat 31milla firmas

(IlMinuto) – Casteddu, 11 de su mesi de làmpadas – Funt 31milla is firmas pigadas de su comitau Frocu Birdi asuba de sa proposta de lei de determinu populari po s’Agentzia Sarda de is Intradas. Unu traballu de ses mesis in nòmini de una batalla po s’afirmadura de is diritus e de is interessus de is sardus. Gióbia passau unu grupu fatu de mebrus de su comitau at intregau a sa presidenti de s’Assembrea sarda, Claudia Lombardo, 24.625 firmas. In d-una nota longa su comitau ringratziat a is sardus scapus, a is assótzius e a is organizatzionis políticas chi at permitiu custu arresurtau. Sighi a ligi ‘Contienda Intradas. Frocu Birdi pigat 31milla firmas’

Tucat “Situations comiques”, s’iscola de teatru contemporàneu ghiau de Maria Benoni

(IlMinuto) – Casteddu, 11 de su mesi de làmpadas – Si lamat “Situations comiques” s’iscola de teatru contemporàneu aprontada de su “Movimentonetto” chi s’at a sboddiai in Santu Sparau in is diris 16 e 17 de su mesi de làmpadas. Dirigiu de Maria Benoni, atora e regista po tempus meda matza e assistenti de Etienne Decroux, is letzionis ant a tenni s’iscopu de aprontai un’ispetàculu comicu chi at a bessiri su 23 de su mesi de làmpadas. Sighi a ligi ‘Tucat “Situations comiques”, s’iscola de teatru contemporàneu ghiau de Maria Benoni’