> 2012 mes’e làmpadas 12 | ilMinuto

Archíviu de sa diri 12/06/2012

Friulanu in is iscolas. Su Comitadu: “Sardigna allupada de su disamparu e de s’arrialia de sa classi política italianista”

(IlMinuto) – Casteddu, 12 de su mesi de làmpadas – De su mesi de cabudanni is istudiantis friulanus ant a podi istudiai sa língua insoru puru in iscola. S’imparamentu de su friulanu, difatis, at a imbucai comenti metéria insertada in s’oràriu de letzioni. S’at a tucai in s’annu iscolasticu 2012-2013 cun s’insertamentu de sa língua in is iscolas de sa crialla e in s’iscola elementari, e s’at a sighiri s’annu infatu cun is iscolas médias. Su Comitadu pro sa limba sarda si ndi prexat de s’arrisurtau bellu meda. “Custa fortuna – si ligit in d-una nota de imprenta de su Comitadu – faina de su traballu de su Movimentu linguìsticu friulanu ca in annus meda at tentu ascurtu e acotzu in is partidus políticus e in su Guvernu de sa Regioni Friuli, fait resaltai is tardamentus, is mancàntzias e is arrialias chi ddoi funt in Sardigna in is cunfrontus de s’imparamentu de sa língua sarda in is iscolas”. Sighi a ligi ‘Friulanu in is iscolas. Su Comitadu: “Sardigna allupada de su disamparu e de s’arrialia de sa classi política italianista”’

Prétzius in Casteddu: in su mesi de maju prus carus is bistiris, is crapitas e is ristorantis

(IlMinuto) – Casteddu, 12 de su mesi de làmpadas – S’ant a cuncentrai prusatoru in is cumpartus de is “Serbitzius de acasàgiu e in is chi faint cosa de papai” (+0,9 po centu) e “bistimentas e cosignus” (+0,7) is aumentus de is prétzius in Casteddu in su mesi de maju. Est cantu fait sciri su comunicau de su mesi fattu connosci de su Serbítziu Informatica e Statistica de su Comunu de Casteddu. Sighi a ligi ‘Prétzius in Casteddu: in su mesi de maju prus carus is bistiris, is crapitas e is ristorantis’

Provìntzia de Casteddu promovit 25 amaistramentus de annestru e orientamentu

(IlMinuto) – Casteddu, 12 de su mesi de làmpadas – S’Assessorau a is políticas po su Traballu de sa Provìntzia de Casteddu promovit 25 amaistramentus de annestru e orientamentu po laureaus in sciéntzias políticas, materias giuridicas i económicas. Is amaistramentus s’ant a sboddiai in su Tribunali de Casteddu cun s’iscopu – si ligit in d-una nota – “de sufragai is isceberus professionalis atressu de una conoscéntzia in su campu de su mundu de su traballu. Sighi a ligi ‘Provìntzia de Casteddu promovit 25 amaistramentus de annestru e orientamentu’

Infertus 6: in Casteddu atopu cun Nacho Carbonell

(IlMinuto) – Casteddu, 12 de su mesi de làmpadas – S’at a tenni sàbudu 16 de su mesi de làmpadas a is 19.00 in is aposentus de su Thotel s’atopu cun Infertus 6, progetu finantziau de sa Fondatzioni Bancu de Sardigna “chi tenit s’iscopu de promòviri in sa tzitadi de Casteddu bagas de atopu, cunfrontu e circas cun artistas de importu internatzionali”. Sighi a ligi ‘Infertus 6: in Casteddu atopu cun Nacho Carbonell’