> 2012 mes’e làmpadas 14 | ilMinuto

Archíviu de sa diri 14/06/2012

In Benetùtti sa XII editzioni de sa Rassegna de is binus de Sa Costèra-Logudòro

(IlMinuto) – Casteddu, 14 de su mesi de làmpadas – S’agentzia Laore Sardigna, cun s’agiudu de s’Universidadi de is Istùdius de Tàtari e de su Comunu de Benetùtti aprontat sa “Rassegna de is binus de Sa Costèra-Logudòro”, chi lompit ocannu a sa XII editzioni sua e previdit una tzerimónia de premiatzioni chi s’at a tenni in Benetùtti, in is aposentus de su Tzentru de Agregamentu sotziali, su 16 de su mesi de làmpadas a is 17.30. S’avenimentu – si ligit in d-una nota de imprenta – “tenit s’iscopu de avalorai is produtzionis de is bingians de calidadi de is cucurus artus e de is bacus, de trubai a is categorias interessadas a mellorai sèmpiri is prodotus insoru, a orientai su consumadori in s’isceberu de is binus, po podi tenni un’impitu prus bellu in sa gastronomia”. Sighi a ligi ‘In Benetùtti sa XII editzioni de sa Rassegna de is binus de Sa Costèra-Logudòro’

Football Americanu. Po is Crusaders Casteddu lompit sa terza bitória de s’istaxoni in s’úrtima gara de campionau

(IlMinuto) – Casteddu, 14 de su mesi de làmpadas – Is Crusaders si dispedint de su campionau A2 cun d-una bitória bella meda otenta gioghendi contra a is romanus de Legio XII. S’arrisurtau prenu est torrau, comenti in su tempus andau in S’Eliseu Corona. Emanuele Garzia, presidenti de sa scuadra, cumentat aici sa gara: ”Scidiaus cali furiat sa situatzioni de is Legio XII balu a zeru puntus, duncas scuadra chi si podiat afrontai e chi s’annu passau iaus bintu po duas bortas. Sighi a ligi ‘Football Americanu. Po is Crusaders Casteddu lompit sa terza bitória de s’istaxoni in s’úrtima gara de campionau’

A sa XI editzioni sa sagra de su pani de Gonnosfanadiga

(IlMinuto) – Casteddu, 14 de su mesi de làmpadas – Ocannu puru su Comunu de Gonnosfanadiga rennoat s’atopu suu cun sa sagra de su pani, chi in su 2012 lompit a sa XI editzioni sua. S’avenimentu, chi s’at a sboddiai in is diris 23 e 24 de su mesi de làmpadas, at a biri atóbius, dibàtidus e s’organizatzioni de una butega didàtica dedicada a sa sueta. Sighi a ligi ‘A sa XI editzioni sa sagra de su pani de Gonnosfanadiga’

“Sa solidariedadi est un’arma. Nisciunu depit abarrai a solu”. In Casteddu assembrea contra a su fascismu po nai ca no a su scontróriu

(IlMinuto) – Casteddu, 14 de su mesi de làmpadas – Chistionai impari de comenti iat essi mellus agiudai is antifascistas casteddaius chi su 25 de su mesi de arbili passau, in pratza Gramsci, circànt de s’opòniri a chini afestàt is nazifascistas de Salò e chi imoi funt possíbilis destinatàrius – comenti narant diversas novas de s’imprenta – de unu decretu penali de cundenna. Sighi a ligi ‘“Sa solidariedadi est un’arma. Nisciunu depit abarrai a solu”. In Casteddu assembrea contra a su fascismu po nai ca no a su scontróriu’