> 2012 mes’e làmpadas 19 | ilMinuto

Archíviu de sa diri 19/06/2012

Tucat Campidanu Music Lab. Su primu contest de is Terras de su Campidanu

(IlMinuto) – Casteddu, 19 de su mesi de làmpadas – Tucat su primu Contest musicali de is Terre de su Campidanu. Si lamat Campidanu Music Lab i est unu cuncursu chi si sboddiat in cuàturu frimadas musicalis chi ant a tocai is comunus de Serrenti, Samassi, Santu ‘Engiu, Serramanna. S’avenimentu est prevìdiu po su mesi de argiolas e is primus diris de su mesi de austu de su 2012. “Su bincidori de su contest – pretzisat sa nota de imprenta fata connosci de is aprontadoris – at a pigai parti a una rassegna, cuncursu o avenimentu musicali in su territóriu natzionali o europeu”. Po pigai parti a su Campidanu Music Lab no si pagat. Sa manifestada est oberta a is solistas o a is grupus chi tenit un’edadi média no prus arta de is 30 annus e chi assumancu unu de is sonadoris depit essi residenti in unu de is comunus innoia s’at a frimai s’avenimentu. Sighi a ligi ‘Tucat Campidanu Music Lab. Su primu contest de is Terras de su Campidanu’

Su Prc Sardigna eligit a Alessandro Serra a segretàriu nou

(IlMinuto) – Casteddu, 19 de su mesi de làmpadas – Funt acabaus domínigu passau is traballus de su VIII regionali de sa Rifondatzioni Comunista. Aprovau a majoria de un’assembrea de incarrigaus, a pabas de una proposta de s’ex segretàriu Laura Stochino, “unu determinu políticu chi impignat su partidu in su progetu de su fàbricu de unu sogetu ’plurale’ de manca sarda”. Custu sogetu “bolit fueddai – si pretzisat in d-una nota de imprenta fata connosci de su Comitau políticu regionali Prc Sardigna – a is partidus organitzaus de sa manca autonomista e indipendentista sarda chi cundividant cun is comunistas s’abisóngiu de binci a custu sistema económicu capitalista”. Una diri cumpria sa chi at serrau su congressu. Is incarrigaus ant difatis elìgiu su comitau políticu regionali de su partidu, chi agoa at elìgiu a su segretàriu regionali nou, Alessandro Serra. Sighi a ligi ‘Su Prc Sardigna eligit a Alessandro Serra a segretàriu nou’

(Italiano) Documento. Lettera dei malati di Sla al Sottosegretario Ministero Lavoro e Politiche Sociali Maria Cecilia Guerra

Sighi a ligi ‘(Italiano) Documento. Lettera dei malati di Sla al Sottosegretario Ministero Lavoro e Politiche Sociali Maria Cecilia Guerra’

Universidadi de Casteddu- Agentzia Ispatziali Italiana- Crs4: de s’Ofítziu europeu a is brevetus de su Progetu Cosmic

(IlMinuto) – Casteddu, 19 de su mesi de làmpadas – Est ativu de su mesi de paschixèdda de su 2009 su progetu Cosmic finatziau de s’Agentzia Ispatziali Italiana cun 500milla eurus, chi istudiat sa circa umana in s’ispatziu. Su progetu, cordinau de su Professori Giacomo Cao, istudiosu de su Crs4 e maistu de su Dipàrtimentu de Mecànica, Chímica e de is Materialis de s’Universidadi de Casteddu, trisinat puru a su Dipàrtimentu Energia e Trasportus de su Cnr, a s’Istitutu Ténnicu Industriali ”Enrico Fermi” de Fuscaldo e sa Corem Srl. Sighi a ligi ‘Universidadi de Casteddu- Agentzia Ispatziali Italiana- Crs4: de s’Ofítziu europeu a is brevetus de su Progetu Cosmic’

Progetu Lianora. De Seneen donat audiéntzia a sa Saras

(IlMinuto) – Casteddu, 19 de su mesi de làmpadas – Est prevìdia po oi, martis 19 de su mesi de làmpadas, s’atopu de sa Comissioni Ambienti de sa Provìntzia de Aristanis. S’atóbiu est stétiu dimandau craru craru de su Presidenti de sa Giunta provintziali Massimiliano De Seneen po ascurtai sa presentada de su Progetu Lianora de sa sotziedadi Saras . “Una dimanda foras contu – comentat su Comitau Cívicu No a su Progetu Lianora – ma prusatotu chi no arrespetat a su Comitau e a s’opinioni pública totu, chi de otu mesis gherrat po frimai custa àtera intentzioni de afàriu e de arriuna ambientali apitzus de su territóriu de sa Sardigna”. Sa sotziedadi de is Moratti, de sèmpiri ausenti a is atopus públicus aprontaus cun is tzitadinus de Arborea e de sa Provìntzia, pedit audiéntzia a su presidenti De Seneen: “No bideus nisciuna arrexoni poita sa sotziedadi depat otèniri un’ascurtu po presentai su progetu a sa Comissioni ambienti – pretzisat su comitau – sa sotziedadi at giai fueddau in totus is domus chi spetant cun sa presentada de su primu istúdiu ambientale”. Sighi a ligi ‘Progetu Lianora. De Seneen donat audiéntzia a sa Saras’