> 2012 mes’e làmpadas 20 | ilMinuto

Archíviu de sa diri 20/06/2012

Rimbussu consilleris regionalis. Salis Idv: “No apu pigau parti a s’iscritura, a sa discussura e a su votu asuba de sa lei fata po torrai a ponni is rimbussus. aMpI: “Is pagas insoru funt amparas beni meda”

(IlMinuto) – Casteddu 20 de su mesi de làmpadas – “Is babus de sa bufonadura e de is agràbius in pratza contra de mimi ndi ant a depi arrapundi in totus is domus”. Est cantu afirmat Adriano Salis, capugrupu Idv in consillu regionali, po s’insertamentu de su nòmini suu in s’elencu de is consilleris ligiu a boxi manna in su sit in chi s’est sboddiau in is diris passadas asuta de sa domu de su Consillu. “No potzu aguantai is modus de fai amaletzosus e is afrentas, chi s’acostant a su ‘squadrismo’” – pretzisat Salis - ”No apu pigau parti a s’iscridura, a sa discussura e a su votu asuba de sa lei fata po torrai a ponni is rimbussus de is consilleris regionalis”. A petus de is agràbius, de is tzerrius e de is aigus su consilleri de s’Idv s’abetat “is iscusas de is autoris e de is aprontadoris de su trumbullu”. Apitzius de sa chistioni rimbussus s’espressat a Manca pro s’Indipendentzia puru: “Is chi funt andaus a votai funt stétius trampaus, – afirmat aMpI cun d-una nota de imprenta – comenti iaus circau de nai nos, e a sa faci de issus etotu ant afortiau a is meris de is partidus italianus, àteru ca ‘bitória manna de su pópulu sardu’ […]. Sighi a ligi ‘Rimbussu consilleris regionalis. Salis Idv: “No apu pigau parti a s’iscritura, a sa discussura e a su votu asuba de sa lei fata po torrai a ponni is rimbussus. aMpI: “Is pagas insoru funt amparas beni meda”’

Sdr: apellu a su Diretori de su presoni Santu Serbestianu de Tàtari po unu presoneri in isciòpiru de su fàmini e de su sidi

(IlMinuto) – Casteddu 20 de su mesi de làmpadas – Funt giai 10 is diris de isciòpiru de su fàmini de Pasquale Concas, 44 annus, de Tortolì, inserrau in su presoni Santu Serbestianu de Tàtari. “Un’atzioni de ‘autolesionismo’ estremu comenti s’arrefudu de sa cosa de papai e de s’àcua, – afirmat Maria Grazia Caligaris, presidenti de s’assótziu Sotzialismu Diritus e Riformas – prusatotu si a ddu fai est unu presoneri, no si podit lassai cun is ogus serraus”. “No serbint induressimentus ma est netzessàriu su chistionu”. Concas arrefudat sa cosa de papai e s’àcua po protesta, poita ddi est stétia arreusada, po mori de essi stétia giudicada ‘inammissibile’ de su Tribunali de Castiamentu de Tàtari, sa dimanda de semilibertadi, agoa de un’annu de sa rèvoca de su provedimentu”. Sighi a ligi ‘Sdr: apellu a su Diretori de su presoni Santu Serbestianu de Tàtari po unu presoneri in isciòpiru de su fàmini e de su sidi’

Lompit a sa XI editzioni su Rally de is Nuraxis e de su Vermentinu

(IlMinuto) – Casteddu 20 de su mesi de làmpadas – Est cumentzada cun s’obertura de is iscritzionis su Rally de is Nuraxis e de su Vermentinu. Sa gara, chi de annus meda interessat a isportivus e amantis, at a tucai su 23 de su mesi de làmpadas chi benit. Duas diris fortis cun 10 proas ispecialis, antzipadas po sa primu borta de su shakedown, su primu atu de sa gara. S’editzioni passada abarrat in sa mamória po is númerus mannus fatus: in 81 ant passau su caminu assentau in su coru de su tzentru gadduresu, 20 màchinas fortis meda capassus de fai sa difaréntzia e 12 echipàgius e prus, lompius de foras, prusatotu de su Piemonte e de sa Liguria. Sighi a ligi ‘Lompit a sa XI editzioni su Rally de is Nuraxis e de su Vermentinu’

“Difèndiri is risossas nostras est unu doveri”. Irs impari a sa comunidadi e a is piscadoris de Bosa

(IlMinuto) – Casteddu 20 de su mesi de làmpadas – “Beneus a sa sciri de una nova ca su guvernu italianu, atressu de su Ministeru de sa Messarítzia e de is Catzas at autorizau su piscagiolu “Is Dexi Angelillo” chi benit de sa Toscana a sboddiai is próprius fainas in su mari chi s’agat ananti de su litorali de Bosa”. Cumentzat aici su comunicau de imprenta, firmau Indipendentzia Repubrica de Sardigna, chi denuntziat un’àteru isfrutamentu foras de contu de su territóriu e de su mari de is sardus. Sighi a ligi ‘“Difèndiri is risossas nostras est unu doveri”. Irs impari a sa comunidadi e a is piscadoris de Bosa’

In Casteddu butega de culturas diversas “Mudamentus: cambiai in sa tzitadi chi cambiat”

(IlMinuto) – Casteddu 20 de su mesi de làmpadas – Est prevìdiu po sàbudu 23 e domínigu 24 de su mesi de làmpadas sa butega de culturas diversas po piciocus e piciocas de is 18 a is 30 annus. Is traballus s’ant a sboddiai in sa saba “Polifunzionale” de su Parcu de Monti Claro in Casteddu e ant a cumetzai a is 9.30 sighendi fintzas a is 19.30. ”Mudamentus: cambiai in sa tzitadi chi cambiat” est aprontau de sa Coperativa Sotziali Sa Caravia. Po pigai parti a sa butega no si pagat, ma abisongiat s’iscritzioni. “Cun su trisinamentu ativu de chini s’at a iscriri – si ligit in d-una nota fata connosci de sa coperativa – s’ant a isperimentai modu diversus de amaistramentu asuba de su tema de is furesteris, asuba de is ‘pregiudizi’ e de is ‘stereotipi’ e asuba de is raportus Meridioni/Tramuntana e “s’atuai asuba de is cambiamentus e de is mudamentus de sa tzitadi nostra, e asuba de is formas noas de ‘convivenza ‘ chi si funt isperimentendu”. Sighi a ligi ‘In Casteddu butega de culturas diversas “Mudamentus: cambiai in sa tzitadi chi cambiat”’