> 2012 mes’e làmpadas 21 | ilMinuto

Archíviu de sa diri 21/06/2012

In Gonnosfanadiga un’atopu po fueddai de trigu

(IlMinuto) – Casteddu, 21 de su mesi de làmpadas – Est prevìdiu po sàbudu 23 de su mesi làmpadas, a cumentzai de is 10.15, in is aposentus de s’iscola elemetari de arruga Vittorio Emanuele in Gonnosfanadiga, s’atopu aprontau de s’Agentzia Laore Sardigna asuba de su tema “S’avaloramentu de sa ‘Filera’ de su trigu in Sardigna formas ténnicas i económicas”. S’atopu, chi si sboddiat aintru de sa IX Sagra de su pani de Gonnosfanadiga, bolit promòviri sa produtzioni e su consumu de pani otentu de símbua de trigu sardu tzertificau. “Su pani traditzionali prodúsiu de simbuas de trigu sardu cun s’impitu de framentu, – si ligit in d-una nota de imprenta – est circau sèmpiri de prus i est apretziau meda de su consumadori, po is primoris de agradessimentu, is dieteticus e is de saludi, chi bessius a pillu de circas issentíficas”. Sighi a ligi ‘In Gonnosfanadiga un’atopu po fueddai de trigu’

Fortza Paris e Urn Sardinnya faint sa proposta a sa Ras de promòviri una lei antitrus

(IlMinuto) – Casteddu, 21 de su mesi de làmpadas – In nòmini de s’avaloramentu de sa territorialidadi de s’impresa e de s’amparu de is comsumadoris sardus, Fortza Paris e s’assótziu Urn Sardinnya faint apellu a is fortzas políticas, sindacalis e a is assótzius de is consumadoris po “cuncúrriri unius, a sa promotzioni de una legislatzioni Antitrust Sarda, autónoma de sa italiana, chi s’et amostada de pagu profetu e de parti”. Una proposta chi at a depi essi insertada aintru de reformas istitutzionalis comenti sa de su Statutu Autónomu Regionali. “Una normativa noa e prus ispecífica – si pretzisat in d-una nota de imprenta – acumpagiada de un’Autoridadi Fiantzera de sa Cuncurréntzia e de su Mercau chi siat capassu de portai a càstiu e de assagliai sa seriedadi de is operadoris chi ddoi funt in s’ísula”. Sighi a ligi ‘Fortza Paris e Urn Sardinnya faint sa proposta a sa Ras de promòviri una lei antitrus’

“‘Ecoscambi’ e Tràmudas in su Tirso”. Domínigu in Simaghis una diri dedicada a sa “cosa de papai chi curat sa Terra”.

(IlMinuto) – Casteddu, 21 de su mesi de làmpadas – “Sa cosa de papai chi curat sa Terra: ideas, atzionis, cosa de papai e pràtigas de cura”. At essi custu su tema printzipali de “‘Ecoscambi’ e Tràmudas in su Tirso”: sa diri de atopus, dibàtidus, butegas e giogus in pratza, in su parcu e in is arrugas de sa bidda, in programa domínigu 24 de su mesi de làmpadas in Simaghis. Sighi a ligi ‘“‘Ecoscambi’ e Tràmudas in su Tirso”. Domínigu in Simaghis una diri dedicada a sa “cosa de papai chi curat sa Terra”.’

Mostras: in Casteddu “Is Logus de s’arti. De sa pop art a su ‘concettuale’”.

(IlMinuto) – Casteddu, 21 de su mesi de làmpadas – At a essi inaugurada oi a is 19.00 in Casteddu sa mostra “Is Logus de s’arti. De sa pop art a su ‘concettuale’”. In sa domu su Palatzu Antigu de Tzitadi at essi aparada difatis una primu setzioni de sa colletzioni de arti contemporànea de is Museus Cívicus. Sa mostra, aprontada de Anna Maria Montaldo, torrat a tressiri su clima chi iat rapresentau unu de is períodus prus fértilis de is avanguardias artístigas. Sighi a ligi ‘Mostras: in Casteddu “Is Logus de s’arti. De sa pop art a su ‘concettuale’”.’

Tucat de Tàtari “TRA…mare” caminu de imparu po laureaus e pochi s’est po laureai

(IlMinuto) – Casteddu, 21 de su mesi de làmpadas – Ddoi est balu una diri po s’iscriri a su caminu de imparu “TRA…mare incontri: conflitto – innovazione – sviluppo” po 25 giòvanus sardus laureaus e po is chini s’est po laureai , unu progetu prusatotu po chini est  residenti in su tataresu. Su progetu est promòviu de sa Provìntzia de Tàtari cun s’agiudu de s’Assótziu Arrúndini, desa “Cittadella” de paxi Onlus, de sa Cciaa de Tàtari, de sa Ces, de su Comunu de S’Alighera e de sa fondatzioni Bancu de Sardigna. Sighi a ligi ‘Tucat de Tàtari “TRA…mare” caminu de imparu po laureaus e pochi s’est po laureai’