> 2012 mes’e làmpadas 22 | ilMinuto

Archíviu de sa diri 22/06/2012

“Furat chie benit dae su mare”: aMpI at a pigai parti a sa mobilitada de is piscadoris de Bosa

(IlMinuto) – Casteddu, 22 de su mesi de làmpadas – Su Ministeru de sa Messarítzia e de is Catzas autorizat, comenti denuntziau giai de Irs in is diris passadas, ”Is dexi Angelillo”, piscagiolu toscanu, a fai s’atividadi sua in su fundu de su mari de Bosa atressu de sa pisca cun su “cianciolo”, una pràtiga chi no arrespetat s’”ecosistema”. “Est de annus meda chi si chistionat de is solutzionis po s’isvilupu de s’ecunumia e de sa pisca nostra, chi – acrarat a Manca pro s’Indipendentzia in d-una nota de imprenta – iat a podi rapresentai po nos sardus un’intrada de importu mannu”. Prusaprestu custa faina “no benit scéti incurada, ma inderetura bendia po duus soddus, a su primu chi benit, de sa classi política italianista”. Un’esperiéntzia aplicada a sa pisca de sa tunnina arrúbia, liada a sa genti de Carluforti e donada a is Greco de Genova. “Agoa de su sdorrobatóriu de is risorsas de sa terra, de su sutaterra e de s’energia eolica e de su soli – sighit sa manca indipendentista – lompit s’arrelantzu de su mari”. Sighi a ligi ‘“Furat chie benit dae su mare”: aMpI at a pigai parti a sa mobilitada de is piscadoris de Bosa’

Recuberu istipéndius consilleris Ras. Zuncheddu: “no mi abarràt àteru ca sa renúntzia argumentada cun d-una declaratzioni de votu”

(IlMinuto) – Casteddu, 22 de su mesi de làmpadas – “No mi abarràt àteru ca sa renúntzia argumentada cun d-una declaratzioni de votu”. Est cantu afirmat Claudia Zuncheddu, consilleri regionali indipendentista, ingíriu a s’atacu arrepenti, acontéssiu de su 12 de su mesi de làmpadas passau, po torrai a ponni is istipendius de is consilleris regionalis, cuntantu ca su 6 de su mesi de maju passau is sardus si siant espressaus in faori de s’abolitzioni de s’artículu de lei chi previdit su rimbussu fintzas a s’80% de is ispesas de is rapresentantis in Consillu. Sa mudífica asuba de su recuberu de sa paga de is consilleris regionalis, in su puntu duuu narat: “su rimbussu de càrria est irminorigada de su 20%”. Est apitzus de custu puntu ca su consilleri de SardignaLibera s’acrarat: “Asuba de su rimbussu de càrria, personalmenti pentzu ca no depat essi irminorigau, ma liau totu, aici comenti apu nau de sa primu diri de sa legislatura”, mentris ” asuba de s’irminorigamentu de su 20% de su istipéndiu, api tentu su dúbiu chi ddoi fessat calencunacosa pagu crara poita prevediat su càlculu apitzus de du dinai pigau in su 2003 e no asuba de s’istipéndiu de su 2012″. Sighi a ligi ‘Recuberu istipéndius consilleris Ras. Zuncheddu: “no mi abarràt àteru ca sa renúntzia argumentada cun d-una declaratzioni de votu”’

“No a sa spartzidura de is benis archeológicus de Monti Prama”. Dimanda on line promovia de unu grupu de intelletualis

(IlMinuto) – Casteddu, 22 de su mesi de làmpadas – Sa risorsa archeológica de Monti Prama no depit essi spartzia, ma depit abarrai in su territóriu de Crabas, logu innoia est stétia agatada, aintru de una domu museu chi siat dignia de s’importu de s’iscoberta. Est cantu pedit una dimanda on line chi bit intre de is aprontadoris Marcello Madau, Carlo Tronchetti, Fabio Isman, Giulio Angioni, Paolo Bernardini e Alberto Moravetti. A oi funt stétias pigadas pagu prus de 140 firmas in acotzu de sa proposta. Sighi a ligi ‘“No a sa spartzidura de is benis archeológicus de Monti Prama”. Dimanda on line promovia de unu grupu de intelletualis’

Lompit a sa IV editzioni “Sonos de Fogu”, sa manifestada culturali de s’assótziu Artisende de Utieri

(IlMinuto) – Casteddu, 22 de su mesi de làmpadas – Lompit ocannu a sa IV editzioni “Sonos de Fogu”, sa manifestada culturali nàscia de una bidea de s’assótziu Artisende e aprontada cun su cuntributu de su Comunu de Utieri, de sa Provìntzia de Tàtari, de s’Unioni de is Comunus de su Logudòro, de sa Banca de Tàtari e cun s’agiudu de sa Retza Italiana de Cultura Populari, de s’assótziu Pro Loco Utieri e de s’istitutzioni Santu Miali. Ma ita est “Sonos de Fogu”? Est una manifestada pentzada cun s’iscopu de torrai a fai bivi una festa antiga chi torrit a bogai a foras is traditzionis passadas comenti sa de “is foghidonis” (Fogus de Santu Giuanni), su rituali de su santuanni chi si movit ingíriu de su fogu chi limpiat e trasformat in cinusu totu su chi est mali”. Sighi a ligi ‘Lompit a sa IV editzioni “Sonos de Fogu”, sa manifestada culturali de s’assótziu Artisende de Utieri’