> 2012 mes’e làmpadas 25 | ilMinuto

Archíviu de sa diri 25/06/2012

Cantu religioni in Tv? In Casteddu su dibàtidu de sa Cgil asuba de sa “laicità” de s’Istadu

(IlMinuto) – Casteddu, 25 de su mesi de làmpadas – Cali est sa preséntzia de is diversas religionis in is telegionalis e in is programas televisivus? A custa pregunta at arraspundi s’atopu asuba de sa “laicità” de s’istadu aprontau de s’Ofítziu Diritus Nous de sa Cgil po su 26 de su mesi de làmpadas a is 17.00 in s’àula magna de sa Facoltadi de Giurisprudéntzia de Casteddu. Po s’atopu at essi presentau puru su “VII relatu asuba de sa ‘secolarizzazione’”, fatu de su cumpartu Diritus Nous de sa Cgil cun s’agiudu de sa ribista Crítiga Liberali. Sighi a ligi ‘Cantu religioni in Tv? In Casteddu su dibàtidu de sa Cgil asuba de sa “laicità” de s’Istadu’

Avenimentus. In s’Istitutu Europeu de su Design atopu “Intrada oberta e comunicatzioni issentífica: s’istória, is pratigas e is printzipius”

(IlMinuto) – Casteddu, 25 de su mesi de làmpadas – S’at a sboddiai de is 9.15, in is aposentus de s’Istitutu Europeu de su Design in Casteddu s’atopu-dibàtidu ”Intrada oberta e comunicatzioni issentífica: s’istória, is pratigas e is printzipius”. Un’atóbiu, si ligit in d-una nota de imprenta, dedicau a sa “obertura líbera in sa retza de sa literadura issentífica” e a sa “possibilidadi po dógnia ligidori de ligi, scàrrigai, copiai, imprentai, distribuiri, circai, fai de is link”. Sighi a ligi ‘Avenimentus. In s’Istitutu Europeu de su Design atopu “Intrada oberta e comunicatzioni issentífica: s’istória, is pratigas e is printzipius”’

Sdr: “Acórdiu apretosu Dap Postas italianas po pagamentu pensionis

(IlMinuto) – Casteddu, 25 de su mesi de làmpadas – “Unu ‘protocollo d’intesa’ intre su Diretori regionali de postas Italianas e su proveditori de s’aministratzioni penitentziària de sa Sardigna iat a permiti a is tzitadinus privaus de sa libertadi de is 12 presonis de s’ísula de intrai inderetura e duncas prus allestru in is serbítzius de ‘Bancoposta’ po su prus po pigai is pensionis de antzianidadi o de imbalididadi”. Est cantu narat cun d-unu comunicau de imprenta Maria Grazia Caligaris, presidenti de s’assótziu Sotzialismu Diritus Reformas, denuntziendi is arragus chi is presoneris tenint candu circant de fai operatzionis bacàrias e postalis. “Sa pensioni – pretzisat Caligaris – benit donada de s’Inps atrassu de bonificus postalis chi is presoneris perou no podint coberai inderetura. Sighi a ligi ‘Sdr: “Acórdiu apretosu Dap Postas italianas po pagamentu pensionis’

Tucant is cursus de imparu professionali po avenimentus culturalis, marketing e istruturas de acatu

(IlMinuto) – Casteddu, 25 de su mesi de làmpadas – S’ant a sboddiai in is comunus de Samatzai, Nuràminis, Serrenti, Guasìlla, Pramantèllu e Otacesus is cursus professionalis po aprontadori de avenimentus culturalis, ténnicu de design e marketing de s’artesanau artísticu e ténnicu po sa gestioni de istruturas de acatu-albergu ispainau. A ddu fai sciri est su tzentru po s’orizontamentu a su traballu Cesil de is comunus in chistioni. Is interessaus s’ant a depi iscriri intru e no prus a tradu de su 9 de su mesi de argiolas. Sighi a ligi ‘Tucant is cursus de imparu professionali po avenimentus culturalis, marketing e istruturas de acatu’

Concertus: in Bolotana lompint Overkill e Exodus, maistus de su primu thrash

(IlMinuto) – Casteddu, 25 de su mesi de làmpadas – Atopu de no pèrdiri po is amantis de su metal de is annus otanta. In su fine de cida chi benit Overkill i Exodus, duas band protagonistas de s’iscena thrash Usa, ant a sonai in su palcu de su Rock’n’Bol, festival aghilliu aintru de su campu isportivu de Bolotona. Cenàbara 29 de su mesi de làmpadas is Overkill de New York ant a presentai su traballu nou insoru “The electric age” publicau a sa fini de su mesi de martzu de sa Nuclear Blast Records. Sighi a ligi ‘Concertus: in Bolotana lompint Overkill e Exodus, maistus de su primu thrash’