> 2012 mes’e làmpadas 26 | ilMinuto

Archíviu de sa diri 26/06/2012

(Italiano) “Basta con le pressioni alla Comunità Rom”. L’appello al sindaco di Cagliari – documento

Custu artìculu s\\\\\\\’agatat sceti in %LANG:

“Ideas Foras de s’Arbutzu”. Is brebeis in s’ecunumia guspinesa

(IlMinuto) – Casteddu, 26 de su mesi de làmpadas – Est prevìdiu po su 29-30 de su mesi de làmpadas e po su 3-4 de su mesi de argilas s’avenimentu ”Ideas Foras de s’Arbutzu”, nàsciu de su traballu públicu-privau intre s’Aministratzioni comunali, su tzentru Naturale Apice, s’Assótziu turisticu Pro Loco Guspini e s’Agentzia Regionali po s’isvilupu de sa messarítzia Laore. Una manifestada chi bit su trisinamentu de Provìntzia de su Campidanu de Mesu, se du casifítziu Bussu, de s’Armentizia Moderna e de is diversas aziendas chi ant pigau parti a osa donendi su própriu agiudu culturali e produtivu in nòmini de “un’idea comuna de ecunumia sostenibili”. Sighi a ligi ‘“Ideas Foras de s’Arbutzu”. Is brebeis in s’ecunumia guspinesa’

In Nùgoro s’Isre aprontat su video workshop de “antropologia visuale”

(IlMinuto) – Casteddu, 26 de su mesi de làmpadas – Unu video workshop de “antropologia visuale” de seti diris, de su 7 de su mesi de cabudanni a su 13 de su mesi de cabudanni de su 2012, po genti chi tenit pagu o nisciuna esperiéntzia e chi bolit impitai su médiu “audiovisivo” po iscopus de circa. Est custu s’obietivu de su progetu de imparu aprontau de s’Istitutu Superiori Etnograficu de sa Sardigna, cun s’agiudu de David e Judith MacDougall de sa Research School of Humanities & the Arts, Australian National University. Su workshop est obertu a laureaus e a istudiantis chi apant acabau assumancu tres annus de istúdius universitàrius e previdit imparamentus elementaris pràtigus in s’impitu de su video, cun chistionadas teóricas apitzus de s’ impitu suu in is circas e in is iscritus de antropologia e de is matérias a issa acapiadas. “Su workshop – si ligit in d-una nota de imprenta – chi pigat totu sa diri, is sessionis de su mangianu ant essi letzionis de grupu, proietzionis e chistionus, mentris is su meigama s’ant a tenni is fainas individualis chi s’ant a sboddiai in Nùgoro e in is biddas acanta. Su workshop no previdit istudius ispecíficus asuba de su montagiu video, mancai at essi impitau unu métidu adatu a sa ripresa e a s’editing in the camera in modu chi is istudiantis imparint a fai meteriali chi potzant essi montaus diaderus”. Sighi a ligi ‘In Nùgoro s’Isre aprontat su video workshop de “antropologia visuale”’

In Usìni sa segunda editzioni de “Ambientiamoci”. Duas diris dedicadas a s’ambienti

(IlMinuto) – Casteddu, 26 de su mesi de làmpadas – “Ambientiamoci”. Est custu su nòmini de s’atopu dedicau totu a s’ambienti chi s’at a sboddiai de su 6 a su 7 de su mesi de argiolas in s’Exmà de Usìni. Aprontadoris de sa manifestada funt unu grupu de giòvanus de sa bidda. Is duas diris, a sa segunda editzioni insoru, s’ant a oberri cun su mercau dedicau a sa cosa de torrai a impitai e a is fugimentas e previdit unu programa arricu de dibàtidus, proietzionis, mostras e ispetàculus musicalis. Sighi a ligi ‘In Usìni sa segunda editzioni de “Ambientiamoci”. Duas diris dedicadas a s’ambienti’

In su scaru Poetu “Casteddu Pride 2012″ primu gay pride de sa Sardigna

(IlMinuto) – Casteddu, 26 de su mesi de làmpadas – Sa Sardigna at a tenni su primu Gay Pride suu, a ddu apogiai ant essi su Comunu e sa Provìntzia de Casteddu. S’at a sboddiai, difatis, su 30 de su mesi de làmpadas in su scaru Poetu “Casteddu Pride 2012″. Sa manifestada at a tenni comenti protagonista a sa comunidadi g.l.b.t.: gay, lesbicas, bisessualis e trans gender. Sighi a ligi ‘In su scaru Poetu “Casteddu Pride 2012″ primu gay pride de sa Sardigna’