> 2012 mes’e làmpadas 27 | ilMinuto

Archíviu de sa diri 27/06/2012

Cosa de papai de su logu. Sa Domu de su pópolu de Bosa aprontat “Genuino Clandestino”

(IlMinuto) – Casteddu, 27 de su mesi de làmpadas – “Genuino Clandestino”. Est custu su nòmini de sa rassegna asuba de sa cosa de papai de su logu, campu  custu, de is fainas noas de sa Domu de su pópolu de Bosa. Su 30 de su mesi de làmpadas s’avenimentu at essi aghilliu in sa domu de s’assótziu busincu a cumentzai de is 19.00. In su primu atóbiu s’at a fueddai de is efetus de sa cosa de papai cun d-una cuferéntzia-dibàtidu asuba de su nodriamentu, s’ischirru e sa “celiachia” chi at a biri su relatu de Michele Calvisi, Presidenti Adms. Sighi a ligi ‘Cosa de papai de su logu. Sa Domu de su pópolu de Bosa aprontat “Genuino Clandestino”’

In Ispagna est lota de classi. Is minadoris sardus a is collegas ispagnolus: “seus cun bosàterus e seus de acórdiu cun su tipu de lota chi seis fadendi”

(IlMinuto) – Casteddu, 27 de su mesi de làmpadas – Funt pagu prus de 10milla is minadoris de su craboni chi in Ispagna gherrant contra a sa bruschesa de su dinai liau de su bilantzu de su guvernu Rajoy po pagai su dépidu de is bancas e chi ant a fai milla e prus de milla lissentziamentus. Sa protesta, chi at aguantau diversus atacus coritostus e arrebecus, est cumentzada a sa fini de su mesi de maju passau cun d-unu sit-in in is metropolitanas e sighit oi cun dógnia médiu chi abisongiat e chentza de pàsiu, poita est netzessàriu a si difendi puru de is iscontrórius de sa Guardia Civil. S’apógiu e sa solidariedadi arricius de is minadoris de s’Ispagna de tramuntana at propassau is lacanas ispagnolas. Sighi a ligi ‘In Ispagna est lota de classi. Is minadoris sardus a is collegas ispagnolus: “seus cun bosàterus e seus de acórdiu cun su tipu de lota chi seis fadendi”’

Ballotagius Sardigna. Fds: “satisfatzioni prena po sa bitória de Tendas e Lubrano”

(IlMinuto) – Casteddu, 27 de su mesi de làmpadas – “Po sa dereta de tzentru sarda est sonada s’ora de su requiem, s’amostat difatis, si balu no fessat abastàntzia craru, unu progetu políticu perdidori e chi est andendu in disacatu”. Est cantu narat sa Federatzioni de sa manca a pustis de is ballotagius de domínigu passau, chi ant biu comenti protagonistas is tzitadis de S’Alighera e de Aristanis. Sa bitória est de sa manca de tzentru, is síndigus nous ant essi difatis Tendas in Aristanis e Lubrano in S’Alighera. Custa sa lézida unitaria de su segretàriu de su Prc Alessandro Serra e de cussu de su Pdci Alessandro Corona: “su messagiu chi custa sciorta aministrativa si donat est totu po sa manca de tzentru. Is tzitadinus – pretzisant is duus segretàrius in d-una nota de imprenta - ant premiau sa solutzioni diversa, in is métidus e in is programas chi sa manca de tzentru est arrenescia a fai in is tzitadis de Aristanis e de s’Alighera. Sighi a ligi ‘Ballotagius Sardigna. Fds: “satisfatzioni prena po sa bitória de Tendas e Lubrano”’

Casteddu: in pratza San Sepolcro su Museu de is Marioletas de Antonio Marchi

(IlMinuto) – Casteddu, 27 de su mesi de làmpadas – Su 28 de su mesi de làmpadas chi benit, in Casteddu in pratza San Sepolcro 5, at essi inaugurau su Museu de is Marioletas de Antonio Marchi, s’istóricu buratineri, pintori e isculpidori chi tenit sa butega in arruga Dritta, in su tzentru istóricu de Aristanis. S’atopu est po is 18.30, candu,  Marchi at a allirgai sa pratza San Sepolcro cun d-un’ispetàculu, a s’avenimentu at a assisti puru s’editori Judikissas. Sighi a ligi ‘Casteddu: in pratza San Sepolcro su Museu de is Marioletas de Antonio Marchi’