> Sdr: “Acórdiu apretosu Dap Postas italianas po pagamentu pensionis | ilMinuto

Sdr: “Acórdiu apretosu Dap Postas italianas po pagamentu pensionis

(IlMinuto) – Casteddu, 25 de su mesi de làmpadas – “Unu ‘protocollo d’intesa’ intre su Diretori regionali de postas Italianas e su proveditori de s’aministratzioni penitentziària de sa Sardigna iat a permiti a is tzitadinus privaus de sa libertadi de is 12 presonis de s’ísula de intrai inderetura e duncas prus allestru in is serbítzius de ‘Bancoposta’ po su prus po pigai is pensionis de antzianidadi o de imbalididadi”. Est cantu narat cun d-unu comunicau de imprenta Maria Grazia Caligaris, presidenti de s’assótziu Sotzialismu Diritus Reformas, denuntziendi is arragus chi is presoneris tenint candu circant de fai operatzionis bacàrias e postalis. “Sa pensioni – pretzisat Caligaris – benit donada de s’Inps atrassu de bonificus postalis chi is presoneris perou no podint coberai inderetura. Po podi tenni su benefítziu, in auséntzia de parentis o amigus fidaus, depint pediri s’agiudu de unu volonteri chi andindit personalmenti in s’Ofítziu Postali chi tenit s’incàrrigu de su pagamentu e, cun d-una dèlega, pighit su dinai chi agoa, seguntu cantu narat sa personi interessada, at a depi essi posta in su contu currenti de su presoni o intregau a is familiaris”. No tenni sa possibilidadi de si pigai sa pensioni est po su prsoneri una pena in prus, chi ddu iscrobat e ddu degogliat: “Si unu tzitadinu perdit sa libertadi – acrarat su presidenti de Sdr – e tenit sa post-pay podit difatis sighiri a dda impitai chini imbecis no dda tenit no dda podi pigai”.

© RIPRODUZIONE RISERVATA

0 Arrespustas a “Sdr: “Acórdiu apretosu Dap Postas italianas po pagamentu pensionis”


Is cummentus funt serraus.