> Contienda Intradas. Frocu Birdi pigat 31milla firmas | ilMinuto

Contienda Intradas. Frocu Birdi pigat 31milla firmas

(IlMinuto) – Casteddu, 11 de su mesi de làmpadas – Funt 31milla is firmas pigadas de su comitau Frocu Birdi asuba de sa proposta de lei de determinu populari po s’Agentzia Sarda de is Intradas. Unu traballu de ses mesis in nòmini de una batalla po s’afirmadura de is diritus e de is interessus de is sardus. Gióbia passau unu grupu fatu de mebrus de su comitau at intregau a sa presidenti de s’Assembrea sarda, Claudia Lombardo, 24.625 firmas. In d-una nota longa su comitau ringratziat a is sardus scapus, a is assótzius e a is organizatzionis políticas chi at permitiu custu arresurtau. Frocu Birdi, “at a sighiri a mantenni arta sa mobilitada ingíriu a custu tema e cumbidat a totus is sardus a sighiri a si sighiri e a essi protagonistas de custa batalla manna po sa soverania e sa fortuna de sa terra nostra”.

© RIPRODUZIONE RISERVATA

0 Arrespustas a “Contienda Intradas. Frocu Birdi pigat 31milla firmas”


Is cummentus funt serraus.