> 02 « mes’e argiolas « 2012 « ilMinuto – notizie Mediterranee – edizione Sardegna

Archíviu de sa diri 2/07/2012

In S’”Argentiera” torrat “Lébius in sa terra”

(IlMinuto) – Casteddu, 2 de su mesi de argiolas – De su 25 a su 29 de su mesi de argiolasin  s’Argentiera torrat s’atopu cun “Lébius in sa terra”, manifestada culturali bófia de s’aministratzioni comunali de Tàtari cun s’iscopu de avalorai unu de is logus prus bellus de is costeras de sa Sardigna de tramuntana. Aprontadoris de su festival s’Assótziu culturali Càmara a sud e sa coperativa Is Piciocas Mabas. Ant a pigai parti a s’editzioni 2012: Daria Bignardi, Michele Serra, Luca Telese e Maria Bellu. E balu Piero Dorfles, Fabio Genovesi e Claudio Morici, chi ant a donai unu cuadru de sa literadura de su tempus nostru. Sighi a ligi ‘In S’”Argentiera” torrat “Lébius in sa terra”’

Prétzius in Casteddu: in su mesi de làmpadas aumentu annuaali a su 3%. Prus caurus ispetàculus e comunicatzioni

(IlMinuto) – Casteddu, 2 de su mesi de argiolas – Si cuntzentrant prusatotu in is cumpartus “Comunicatzioni” (+0,7 po centu) e “Ricreu, ispetàculus e cultura” (+0,5) is aumentus de is prétzius in Casteddu tentus in su mesi de làmpadas. Ddu fait sciri su comunicau fatu connosci de su Serbítziu Informatica e Statistica de su Comunu. In totu, in su mesi acabau de pagu diris, is prétzius po is consumadoris funt abarraus frimus, mentris in su mesi de maju su mantessi índixi est aumentau de su 0,1. Sighi a ligi ‘Prétzius in Casteddu: in su mesi de làmpadas aumentu annuaali a su 3%. Prus caurus ispetàculus e comunicatzioni’

Karate: in Cuartu su torneu Jka Sardigna. Su Club Kanazawa afestat is 35 annus cun Takeshi Naito

(IlMinuto) – Casteddu, 2 de su mesi de argiolas – Cuartu Sant’Aleni si cunfirmat sa “capitali” sarda de su Karate traditzionali. Domíniguchi benit, a is 10.45, su palatzeddu de s’Isport de arruga Beethoven at a aghilliri difatis su torneu Jka Sardigna. Un’atopu innoia ddoi ant essi numerosas palestras de totu s’ísula. Sa gara at essi atzipada in su meigama de sàbudu e in is primus oras de su domínigu de unu stage cun su maistu Takeshi Naito, diretori ténnicu de sa Jka Itàlia. Residenti in Milano de su 1977, su maistu giaponesu est de diversu tempus una ghia po totus is karaketas de su shotokan in Europa. Cun Naito, a s’atopu sardu, ddoi ant essi su campioni Stefano De Bartolomeo (capitanu de natzionali) e su responsàbili de is àrbitrus Carlo Bianchi. Sighi a ligi ‘Karate: in Cuartu su torneu Jka Sardigna. Su Club Kanazawa afestat is 35 annus cun Takeshi Naito’

“Unu mundu prus giustu e simpli po totus”: in Casteddu su cunfrontu de ArtEco

(IlMinuto) – Casteddu, 2 de su mesi de argiolas – “Nisciunu sunfrit su fàmini poita nos papaus meda, ma poita no pentzaus abastàntzia; su problema nostru no est su de donai de prus, ma su de furai de mancu; si boleus chi su mundu mudit calencunacosa, tocat ca primu de totu is cosas mudint innoi de nos”. Benit presentau aici, cun d-una frasi pigada de Alexander Langer, s’avenimentu “ArtEco: candu s’ecologia diventat arrexoni de dógnia diri”. Aprontada de AseCon Ong – Amigus chentza làcanas cun s’agiudu de s’Assótziu sardu po su cumprimentu de sa reforma psichiatrica (Arsap) e de sa Coperativa Sotziali ”Su Giardinu de Clara”, sa manifestada s’at a sboddiai in Casteddu su 18, 19, 24, 25, 30, 31 de su mesi de argiolas de su 2012, de is 19.00 a is 23.00 in sa saba “Polifunzionale” de su parcu de Monteclaro. “Si ndi boleus stresiai de is arroris fillus de s’ecunumia de mercau chi – pretzisat sa nota de AseCon Ong – impoberat su prus de sa genti e chi fai arrica a pagu genti. Nos no boleus prus pigai parti a una sotziedadi chi tenit is arrexinis in is privilégius, asuba de is isperdítzius e apitzus de is difaréntzias”. Est custu su coru de su pentzu chi ddoi est ingíriu a ArtEco. Sighi a ligi ‘“Unu mundu prus giustu e simpli po totus”: in Casteddu su cunfrontu de ArtEco’

(Italiano) A Montevecchio la XIII edizione del Premio qualità Mieli tipici della Sardegna

Sighi a ligi ‘(Italiano) A Montevecchio la XIII edizione del Premio qualità Mieli tipici della Sardegna’