> 03 « mes’e argiolas « 2012 « ilMinuto – notizie Mediterranee – edizione Sardegna

Archíviu de sa diri 3/07/2012

Sa Regioni no firmat s’acórdiu de programa ‘ciclabilità’ in su tretu de Casteddu. S’assótziu “Città Ciclabile”: “eus a billai a manera chi s’acórdiu bengat firmau”

(IlMinuto) – Casteddu, 3 de su mesi de argiolas – “Ita fini at fatu s’acórdiu de programa asuba de sa ‘ciclabilità’ de su tretu de Casteddu?”. Est cantu pedit s’assótziu ”Città Ciclabile” a s’assessori La Spisa ingíriu a is progetus presentaus de is 16 comunus de su tretu de Casteddu apitzus de sa ‘ciclabilità’. A pustis de pellongus de mesis, difatis, sa Ras insertat in s’odg de sa giunta de su 26 de su mesi de làmpadas passau, s’aprou de s’acórdiu de programa chi iat ai depiu trasferiri su dinai (dinai Europeu Por 2006-2013) de sa Regioni a is Comunus. Un’acórdiu chi a s’acabada no est stétiu firmau, mancai s’assessori a su Bilantzu etotu, su 30 de su mesi de arbili passau iat definiu apretosa sa delibera chi si at essi depia firmai in diris benientis. Sighi a ligi ‘Sa Regioni no firmat s’acórdiu de programa ‘ciclabilità’ in su tretu de Casteddu. S’assótziu “Città Ciclabile”: “eus a billai a manera chi s’acórdiu bengat firmau”’

Avenimentus. Torrat in Bacu Abis sa Sagra de is malloreddus e de sa petza de brebei

(IlMinuto) – Casteddu, 3 de su mesi de argiolas – Ocannu puru su 4 de su mesi de austu Bacu Abis at a a mentai Santa Brabara, patrona de sa vidda, cun sa sagra de is malloreddus e de sa petza de brebei chi at a oberri is afestus. At essi su comitau in onori de sa santa patrona de is minadoris a donai su benibeniu a isfuresteris donenddis un pratu de malloreddus cun bagna fata cun petza de brebei. Sighi a ligi ‘Avenimentus. Torrat in Bacu Abis sa Sagra de is malloreddus e de sa petza de brebei’

(Italiano) Militarizzazione. Cao (Gettiamo le basi): “Non ingoieremo il boccone avvelenato dei poteri forti”

Sighi a ligi ‘(Italiano) Militarizzazione. Cao (Gettiamo le basi): “Non ingoieremo il boccone avvelenato dei poteri forti”’

No a s’irminorigamentu iscolàsticu. Cenàbara sit-in a petus de s’Assessorau de sa Pública Istrutzioni

(IlMinuto) – Casteddu, 3 de su mesi de argiolas – Funt stétius diversus is irminorigamentus chi is úrtimus annus ant fertu a is traballadoris de s’iscola sarda, ma s’úrtimu corpu malu patiu dd’est s’istrutzioni isulana est stétiu tzacau de su pranu regionali de impiticamentu de sa retza bófiu de sa Regioni Autónoma de Sardigna. Sa Ras e s’assessori a sa Pública Istrutzioni - denuntziant is Precàrius Iscola Casteddu cun d-una nota de imprenta – “sighint a no pigai in cunsidériu is dimandas de atopu de is sindacaus, e sighint sa faina insoru de cumpartzidura de is autonomias iscolàsticas, amenguadas meda”. Su chi acorat de prus su personali de s’iscola “Est ca in pagu annus sa calidadi de s’oferta de imparu est impeorada, po mori de is irminorigamentus de is traballadoris ma po mori puru de s’aumentu de is iscientis po classi. A custu s’aciungit – pretzisant is precàrius de s’annestru – sa mancàntzia de is interventus fatus de sa Regioni Sardigna a amparu de sa retza iscolàstica nostra e de s’amaistamentu” Su Pranu de impitacamentu,,cunsedaru arbitràriu de sa Corti Costitutzionali, no est stétiu impugnau de sa Ras. Sighi a ligi ‘No a s’irminorigamentu iscolàsticu. Cenàbara sit-in a petus de s’Assessorau de sa Pública Istrutzioni’