> 09 « mes’e argiolas « 2012 « ilMinuto – notizie Mediterranee – edizione Sardegna

Archíviu de sa diri 9/07/2012

Gigantis de Mont’e Prama. Pdci: “Pregantai custa àtera befa a is dannus de territóriu”

(IlMinuto) – Casteddu, 9 de su mesi de argiolas – Agoa de sa cundierra chi unus cantu de diris fait est stétia artziada de su Comitau naturali “Gherradoris de Mont’e Prama” contra a su síndigu de Crabas Cristiano Carrus, chi at firmau un’acórdiu chi previdit sa cumpartzidura de is Gigantis de Mont’e Prama intre Casteddu e Tàtari, asuba de sa chistioni fueddat puru, cun d-una nota de imprenta, sa segreteria de su Pdci. “Su Ministeru po is benis e is fainas culturalis – afirmat su segretàriu Alessandro Corona – [...] est fadendu un’aerru mannu meda a pratziri su beni de Monti Prama. [...] S’atzioni nascit de is políticas de su guvernu Berlusconi, cun su ministru Bondi, cun su supermanager Mario Resca e sa sotziedadi Arcus, ogetu de diversas inchiestas. Su ‘volume finaziario’ po s’operatzioni est adecuau, e po custu at essi difítzili a dda frimai”. Sighi a ligi ‘Gigantis de Mont’e Prama. Pdci: “Pregantai custa àtera befa a is dannus de territóriu”’

Carbosulcis. Sinistra critica sarda denuntziat sa multíprica de is cadiras

(IlMinuto) – Casteddu, 9 de su mesi de argiolas – “Mario Porcu tenit s’incàrrigu de Diretori Generali de sa Carbosulcis i est presidenti de Sotacarbo (ddoi est po nos unu conflitu de interessus), ma est acabada innoi est puru assessori comunali in Crabònia. Si pedeus comenti fait traballai beni cun totus custus incàrrigus? Est fortzis Superman?”. Cun custus fueddus Sinistra critica sarda espressat arrénnegu contra a sa multíprica de is incàrrigus de is manager de sa Carbosulcis. S’acuntéssia de Porcu no est s’única. “Un’àteru manager – pretzisat sa nota est Luigi Zucca fatu de pagus tempus aministradori únicu, aici passau de fiantzeri de is contus a sa ghia de s’azienda. Difatis Zucca furiat giai Presidenti de su Colléziu de is Síndigus revisoris e comenti Porcu puru issu tenit incàrrigus in àterus entis”. A sa denúntzia po su “valzer de is cadiras”, Sinistra Critica Sarda acostat s’apensamentu po su tempus benidori de sa Carbosulcis agoa de is fueddus de s’assessori regionali a s’Industria Alessandra Zedda e de is funtzionarius de su Guvernu”. Sighi a ligi ‘Carbosulcis. Sinistra critica sarda denuntziat sa multíprica de is cadiras’

“No a su trasferimentu a sa marolla de istudiantis”. Sa de denúntzia de su Consillu de Istitutu de su Deledda de Cuartu

(IlMinuto) – Casteddu, 9 de su mesi de argiolas – Unu nono frimu a su trasferimentu a sa marolla in àteras iscolas de is istudiantis de arruga Misennori Angioni e de is iscientis de s’iscola de sa Crialla de arruga Santu Antoni. Est su pentzu espressau de su Consillu de Istitutu, de is famílias, de is profesoris e de is traballadoris ténnicu aministrativus de s’Istitutu Ténnicu “comprensivo” 3 Deledda de Cuartu Sant’Aleni in d-unu documentu votau a cuncórdiu e imbiau a s’imprenta. Su paperi gherrat contra a su trasferimentu de is ofítzius de presidéntzia e de segreteria de arruga Misennori Angioni. “S’amistratzioni comunali de Cuartu Sant’Aleni – si ligit in sa nota chi bullat su determinu aprovau de sa Giunta Contini su 5 de su mesi argiolas – abisongiat de logus de donai a s’iscola média Rosas (chi at essi sutaposta a acontzus, ndr), ma custu motivu no giustificat su determinu de privai a is iscientis de sa Deledda de sa domu insoru, aprontendi […] su trasferimentu insoru in d-un’àteru bixinau e ocasionendi unu sderrexinamentu a iscientis e famílias. Sighi a ligi ‘“No a su trasferimentu a sa marolla de istudiantis”. Sa de denúntzia de su Consillu de Istitutu de su Deledda de Cuartu’

Sa bitória de is malàdius grais meda. Salvatore Usala “Ddoi est chini gherrat, e ddoi est chini arragollit dinai e laréddias”

(IlMinuto) – Casteddu, 9 de su mesi de argiolas – “Ddoi est chini gherrat, e ddoi est chini arragollit dinai e laréddias”. Est cantu at nau Salvatore Usala a pustis de ai arragortu is frutus de is tratativas cun su Guvernu Monti po fai ponni in su decretu spending Review s’art. 23 de su “Fondo Letta”. In sa primu stérrida si fueddàt scéti de is malàdius de Sla, “apu pediu e otentu – acrarat Usala – s’insertamentu de totus is patologias chi donant istrobus mannus, mi parrit una cosa de importu mannu”. Mancai s’acórdiu, su 10 de su mesi argiolas sa lota de is disàbilis grais meda no si frimat. Is malàdius ant essi difatis ananti de su Ministeru de s’Ecunumia po una cuferéntzia de imprenta e po atopai a su Sotosegretàriu Polillo. Sighi a ligi ‘Sa bitória de is malàdius grais meda. Salvatore Usala “Ddoi est chini gherrat, e ddoi est chini arragollit dinai e laréddias”’

Cuncursus. A sa II editzioni Protata sa sostenibilidadi Ogiastra

(IlMinuto) – Casteddu, 9 de su mesi de argiolas – Ddoi est tempus fintzas a su 31 de su mesi de argiolas po pigai parti a sa II editzioni de su cuncursu asuba de sa sostenibilidadi promòviu de su Gal Ogiastra e de su Comunu de Biddamànna Istrisàili. Su prémiu, insertau in sa III editzioni de sa Fiera de sa Produtividadi Sostenibili si pratzit in duas categorias: “confetzionis sostenibilis” e “prodotus innovativus”. Una gara oberta a progetistas e creativus chi bolint presentai sa própriu bidea a solus, in assótziu o cun d-un’impresa. Títulu fundamentali est sa residéntzia de sa domu legali de s’assótziu o de s’atividadi in Ogiastra. “Po prémiu ddoi at essi – si ligit in d-una nota de imprenta – s’acumpaginamentu a sa ‘prototipizzazione’ cun d-un’agiudu in dinai o cun furnidura e s’aparada in su Saloni de s’Innovatzioni de Biddamànna Istrisàili”. Sighi a ligi ‘Cuncursus. A sa II editzioni Protata sa sostenibilidadi Ogiastra’