> 16 « mes’e argiolas « 2012 « ilMinuto – notizie Mediterranee – edizione Sardegna

Archíviu de sa diri 16/07/2012

Progetu Galsi. aMpI: “efetus disastrosus asuba de s’ambienti e asuba de s’ecunumia sarda”

(IlMinuto) – Casteddu, 16 de su mesi de argiolas – “Su Progetu Galsi est un’àteru bidoni coloniali”. Est cantu afirmat a Manca pro s’Indipendentzia agoa de ai scipiu de  sa nova ca sa Sonatrach, Sotziedadi Natzionali Algerina Idrocarburus, primu atzionista de su progetu, at determinau de atrassai in su mesi de totussantus dógnia ditzisioni apitzus de sa bagas de “lassai o ponni in pràtiga su progetu Galsi”. Est própriu asuba de is determinus leulaleula de sa Sonatrach chi fueddat cun d-una de imprenta sa manca indipendentista, pretzisendi “comenti custa siat sa terza borta chi su grupu algerinu torrat agoa, fortzis timendi puru àterus problemas legalis chi iant a infossai de unu totu a unu grupu giai speculitau”. Sa Sonatrach, 12° compagnia petrolifera mondiali, 2° esportadori de Gnl e Gpl in su mundu e 3° po su gas naturali, est difatis asuta de inchiesta po corrutzioni internatzionali e fura. A faci de custus datus ddoi at pagu se abarrai trancuillus. Sighi a ligi ‘Progetu Galsi. aMpI: “efetus disastrosus asuba de s’ambienti e asuba de s’ecunumia sarda”’

Portovesme srl, una nui de anidridi tzulfarosa asuba de Portuascusi. Ambientalistas: “Cantu balit po is istitutzionis sa vida de chini bivit in s’area?”

(IlMinuto) – Casteddu, 16 de su mesi de argiolas – Allarmi ambienti a Portuascusi. Sàbudu a mangianu unu guastu a un’impintu de sa Portovesme srl at portau a sa fua de una nui manna de anidridi tzulfarosa chi, ispinta de su bentu, est lompia in su tzentru abitau de sa bidda de su Surcis-Igresienti. Su síndigu de Portuascusi, Giorgio Alimonda, e is sindacaus ant refrancau a sa polulatzioni. Est stétiu – est scritu in d-unu documentu sindacali arremonau de s’Unioni Sarda – “unu ‘acadessimentu banali’ chi no at fatu nisciunu dannu a s’ambienti e a is personis”. Ma po s’assótziu Adiquas, is “Carlofortini preoccupati” e a Manca pro s’Indipendentzia is contus no torrant. ”Is assótzius ambientalistas – si ligit in su comunicau de Adiquas e ‘Carlofortini preoccupati’ – cumentzant a si pediri cali siat su balimentu donau a sa vida de is personis chi bivint in custa area, e si dimandant poita is istitutzionis públicas sigant a essi latitantis, diventendi issas etotu conis, impari a is fabricas chi impestant, de is dannus fatus a sa saludi de totus is creaturas e a s’ambienti de su territóriu nostru”. Sighi a ligi ‘Portovesme srl, una nui de anidridi tzulfarosa asuba de Portuascusi. Ambientalistas: “Cantu balit po is istitutzionis sa vida de chini bivit in s’area?”’

In Pirri unu merì de blues cun Buddy Whittington

(IlMinuto) – Casteddu, 16 de su mesi de argiolas – Su bluesman texanu famosu meda Whittington at lompi in Sardigna su 20 de su mesi de argiolas e at a sonai in sa Vetreria de Pirri po agiudai a Abos Onlus (assótziu de volonteris po is pipius sardus chi s’agantant s’ispidali). A cumentzai de is  21.30 s’istella internatzionali at a cantai in d-unu concertu, únicu in s’ísula, acumpangiau de sa bateria de Darby Todd, de Pete Stroud a su bàsciu e de Roger Cotton a is tastieras. Unu concertu in nòmini de sa solidariedadi: “At essi un’ispetàculu de cabali artísticu mannu – narat Marco Cresci, aprontadori de s’avenimentu musicali – [...] po sa primu borta agiudaus a s’Abos, chi agiudat apetotu a is pipius sardus chi sunfrint de maladias malas. Un’impignu grai, mandau ainnantis de is volonteris cun apíchiu mannu. Sighi a ligi ‘In Pirri unu merì de blues cun Buddy Whittington’

“No disgàrrigas e no incinixadoris”. S’abóxinu de Sinistra Critica Sarda s’unit a sa lota contra a is mostrus de su smartimentu

(IlMinuto) – Casteddu, 16 de su mesi de argiolas – “No disgàrrigas e no incinixadoris”. S’abóxinu de Sinistra Critica Sarda s’unit a sa lota contra a is mostrus de s’ismartimentu acotzendi is lotas de is Comitaus chi funt contra a sa discàrriga de Decimu Mannu, de pagu diris bincidoris de sa batalla fata in difesa de Pranu Mannu e de su territóriu totu. Unu fantàsimu, su de is discàrrigas e de is incinixadoris, chi no depit essi sutastimau, ma chi po Sinistra Critica pèndiri asuba de sa conca de is sardus. Po custu s’organizatzioni política espressat totu s’arrealia política sua a custus mostrus in totu s’ísula: “nos creeus a una política de ‘arremasulla zeru’ - afirmat s’organizatzioni anticapitalista – chi no depit essi parallela a su fàbricu de disgàrrigas mannas meda o de incinixadoris batacolladus de intelletualis e issentziaus de importu mannu e de is Comitaus popularis puru”. Sighi a ligi ‘“No disgàrrigas e no incinixadoris”. S’abóxinu de Sinistra Critica Sarda s’unit a sa lota contra a is mostrus de su smartimentu’

Concertus: in Mòres su metal “medioevali” de is Folkstone

(IlMinuto) – Casteddu, 16 de su mesi de argiolas – “Un’improddu alcolicu de Medieval Rock”. Is fueddus de sa band arresumint beni meda sa proposta musicali chi is Folkstone ant a presentai in Morès su 21 de su mesi de argiolas (20.00, Anfiteatru comunali) po s’única frimada sarda de “Su Làcana tour”. A sa manifestada, promòvia de sa proloco de sa bidda, ant a pigai parti puru is Kaos, is Silent, is Raikinas, is Megahera e is Souls of Diotima.