> 20 « mes’e argiolas « 2012 « ilMinuto – notizie Mediterranee – edizione Sardegna

Archíviu de sa diri 20/07/2012

Brothers of Rock IV: su 27 de su mesi de argiolas torrat s’atopu cun su memorial Luca&Bobo

(IlMinuto) – Casteddu, 20 de su mesi de argiolas – Solidariedadi, amigàntzia, e rock’n’roll in s’amentu de Luca e Bobo Chiarelli, “piciocus ispecialis – custus is fueddus impitaus de is amigus po amentai a is duus fradis cun d-un’amori apicigosu po sa música – chentza de is calis no iaus a essi su chi seus”. Ocannu puru ant essi custus is ingredientis de su Brothers of Rock, su memorial in programa cenàbara 27 de su mesi de argiolas in su Corto Maltese, Poetu de Casteddu, a cumentzai de is 21.30. In sa IV editzioni puru su Brothers at a propòniri unu menù fatu de su rock de sèmpiri. Band protagonistas de su merì ant essi is Brothers of Rock, su grupu fatu de unus cantu de amigus de Luca e Bobo, is Signs of life, cover band de is Pink Floyd, su rock diversu de is Var, s’hard rock de Io, Lisa e sa ciculata e is SoftLoud, chi ant a presentai su discu nou “Emotional Anatonomy”. Sighi a ligi ‘Brothers of Rock IV: su 27 de su mesi de argiolas torrat s’atopu cun su memorial Luca&Bobo’

In iscadéntzia su bandu de s’universidadi de Tàtari po assignai unu cuntratu po fainas in agiudu de sa didàtica

(IlMinuto) – Casteddu, 20 de su mesi de argiolas – Ddoi funt balu pagu diris po podi presentai sa dimanda a s’Universidadi de is Istúdius de Tàtari po pigai parti a su bandu po unu cuntratu de ‘collaborazione continuativa’ po fainas in agiudu de sa didàtica. Títulus dimandaus: sa laurea in comunicatzioni. Su cuntratista at a depi sboddiai fainas de agiudu po su Diretori e po is profesoris de s’Iscola de Dotorau in sa programatzioni e organizatzioni de is seminàrius de is profesoris chi lompit de foras, de is letzionis pràtigas e de is amaistramentus in is istruturas foranas cunventzionadas, at a depi fai documentus po fai connosci is argumentus de imparu puru atressu de s’agiudu de s”interfaccia e-learning’ e a sa fini at a depi insertai is documentus in intranet e at a depi sboddiai fainas de comunicatzioni interna po sa programatzioni didàtica. Sighi a ligi ‘In iscadéntzia su bandu de s’universidadi de Tàtari po assignai unu cuntratu po fainas in agiudu de sa didàtica’

Basket femininu: su Cus Casteddu in A1 puru in sa istagioni chi benit

(IlMinuto) – Casteddu, 20 de su mesi de argiolas – Su Cus Casteddu at a pigai parti s’annu chi benit puru a sa serie A1 de su campionau de Basket femininu. S’iscuadra sarda agoa de essi torrada asegus in su campionau passau at arriciu difatis in is diris passadas sa nova de su ‘ripescaggio’ po s’istagione 2012-13. “Unu prémiu - si ligit in d-una nota de imprenta – po s’impinniu chi s’iscuadra univertitària at tentu s’annu passau donendi totu in su campu, torrendi asegus scéti po unu puntu”

Un’imaginariu intre Libano e Sardigna. A sa Mem is òperas de Rima Jreich

(IlMinuto) – Casteddu, 20 de su mesi de argiolas – At essi oberta oi, in is aposentus de sa Mediateca de su Mediterràneu de arruga Mameli in Casteddu, sa mostra aprontada de s’assótziu Culturali Hermaea Archeologia e Arti chi tenit comenti títulu “Su Càntigu de is Càntigus, unu ponti intre Libano e Sardigna”. “Un’interpretatzioni – si ligit in su comunicau de imprenta – pintada de su ‘Su Càntigu de is Càntigus’ de su Rei Salomone innoia Libano e Sardigna s’atopant in d-un’unioni perfeta de emutzionis e sentimentus”. Sighi a ligi ‘Un’imaginariu intre Libano e Sardigna. A sa Mem is òperas de Rima Jreich’

Cuirra. Su Gup arrafudat sa costitutzioni de parti civili de Sni, Gettiamo le Basi, Su Zassu, Wwf

(IlMinuto) – Casteddu, 20 de su mesi de argiolas – Furiat su 20 de su mesi de làmpadas de su 2012 candu po s’udiéntzia preliminari po su protzessu contra a is 20 speculitaus po is belenus de Cuirra, Sni impari a Gettiamo le Basi, a Su Zassu e a su Wwf si furiat costituia parti civili in difesa de is sardus e de su territóriu de Cuirra atressu de s’abogau Chicco Paolini. Est de pagu diris fait su derteminu marigosu de su giugi de udiéntzia preliminari. Su Gup, difatis, at arrafudau sa costitutzioni de parti civili de Sni, Gettiamo le Basi, Su Zassu, Wwf e àterus movimentus ambientalistas poita no funt trisinaus inderetura in is fatus ogetu de giudítziu.

Sighi a ligi ‘Cuirra. Su Gup arrafudat sa costitutzioni de parti civili de Sni, Gettiamo le Basi, Su Zassu, Wwf’