> 25 « mes’e argiolas « 2012 « ilMinuto – notizie Mediterranee – edizione Sardegna

Archíviu de sa diri 25/07/2012

“Trenitalia isciusciat is ferruvias in Sardigna”. Sa denúntzia Filt Cgil. Liada sa línia po Pòrtu Turre

(IlMinuto) – Casteddu, 25 de su mesi de argiolas – Trintaduus collegamentus de mancu, sa línia po Pòrtu Turre est stétia liada de su totu, amenguaus is viazus intre Aristanis, Campidanu de Mesu e Surcis Igresienti. Est cantu previdit su pranu nou de Trenitalia po sa Sardigna intrau lúnis passau. Ddu fait sciri cun d-una nota de imprenta su segretàriu de sa Filt Cgil Sandro Bianco, denuntziendi is istrobus nous e grais chi ant a depi patiri is pendulais de totu s’ísula. ”Trenitalia – pretzisat Bianco – sighit a destruiri e ddu fait in sa medesa generali de is istitutzionis regionalis. Sighi a ligi ‘“Trenitalia isciusciat is ferruvias in Sardigna”. Sa denúntzia Filt Cgil. Liada sa línia po Pòrtu Turre’

Língua sarda. Presentatzioni ortogràficu e seminàriu

(IlMinuto) – Casteddu, 25 de su mesi de argiolas – S’at a tenni oi a is 16.00, in saba cunvegnus de sa Biblioteca Regionali de s’arburada 137 in Casteddu, sa presentada de su Curregidori Regionali Ortogràficu (Cros), agoa at a sighiri unu seminàriu de profundamentu asuba de sa terminologia in sa língua sarda.

Basket femininu: prontu su calendàriu 2012/2013. Su Cus Casteddu cumentzat de Sesto San Giovanni

(IlMinuto) – Casteddu, 25 de su mesi de argiolas – At a cumentzai de Sesto San Giovanni su 14 de su mesi de ledàminis su campionau de Basket femininu serie A1 de su Cus Casteddu. In is diris passas est stétiu difatis fatu connosci su calendàriu de s’istagioni 2012-13 de serie A1. Po is altletas sardas a sa primu prova in trasferta contra a sa lombarda Gear, su 14 de su mesi de ledàminis, at a sighiri sa gara in domu contra a is abritzesas de su Cus Chieti, scuadra promovia ocannu in A1. Sighi a ligi ‘Basket femininu: prontu su calendàriu 2012/2013. Su Cus Casteddu cumentzat de Sesto San Giovanni’

“A giru in Sardigna”. Su girixeddu de Calaudia Aru

(IlMinuto) – Casteddu, 25 de su mesi de argiolas – Cras 26 de su mesi de argiolas su girixeddu de Claudia Aru “A giru in Sardigna” s’at a frimai in Lungone. Sa cantanti, boxi de sa copia “electro-folk” Bentesoi, s’at a presentai in públicu de “solista” acumpangiada de su ghitarreri suu Marcello Pilleri in d-unu live acùsticu dedicau a sa “decrescita felice”. At essi s’ocasioni po presentai a su públicu su primu sìngulu de s’artista, prodùsiu de nootempo factory “Aici”. Sighi a ligi ‘“A giru in Sardigna”. Su girixeddu de Calaudia Aru’

Tàtari: Torrat su festival “In terra lébius”

(IlMinuto) – Casteddu, 25 de su mesi de argiolas – Ocannu puru torrat “In sa terra lébius – su festival de s’Argentiera” chi cumentzat oi e at a acabai su 29 de su mesi de argiolas, unu festival de literadura, música, giornalismu e dantza “in d-unu logu miríficu de sa Sardigna, totu de s’àtera parti de is costeras a de is ’bilionari’ cun paxi e paisagius de ndi liai su súlidu e chentza nimancu yacht atracaus”. Intre is ospitis de su mundu de s’imprenta, ddoi ant essi Daria Bignardi, Michele Serra, Luca Telese e Giovanni Maria Bellu, mentris a contai su mundu de s’aràdiu is boxis de Arràdiu Deejay. Diversus is atopus po fueddai de literadura acumpangiaus de sa música cun su cantautori Dente e Brunori Sias. Sighi a ligi ‘Tàtari: Torrat su festival “In terra lébius”’