> 30 « mes’e argiolas « 2012 « ilMinuto – notizie Mediterranee – edizione Sardegna

Archíviu de sa diri 30/07/2012

Ambienti. Costa (Cgil): “Prontus a cabai in pratza contra a sa revisioni de su Ppr”

(IlMinuto) – Casteddu, 30 de su mesi de argiolas – “Trumbullai su Ppr no at a betiri nudda de bonu a is sardus e a sa Sardigna”. Cun custus fueddus su segretàriu regionali de sa Cgil, Enzo Costa, bullat a is línias ghia de su Pranu regionali de su paisagiu aprovadas cida passada de s’assembrea de bia Roma. “Un’atu fatu contra a su beni de sa colletividadi – pretzisat Costa – chi donat ispérius fartzus, prusatotu intre is 17milla traballadoris de fàbricu abaraus disimperaus”. Po sa Cgil cantu determinau de su Consillu regionali no at a donai postus de traballu, ma at a fai dannu a sa Sardigna, po custu s’organizatzioni sindacali annuntziat iniziativas públicas, mobilitadas e protestas po nai ca no a sa revisoni de su Ppr. Sighi a ligi ‘Ambienti. Costa (Cgil): “Prontus a cabai in pratza contra a sa revisioni de su Ppr”’

Po salvai su territóriu de s’abusivismu oi in Carluforti su dibàtidu “Stop a su cossumu de su territóriu”

(IlMinuto) – Casteddu, 30 de su mesi de argiolas – A pagus diris de s’aprou de parti desa Giunta Regionali de is línias ghias de mudífica de su Ppr, Carluforti at essi movimentada de su dibàtidu “Stop a su cossumu de su territóriu” aprontau de su grupu Tabarchin pau ben in cumun. S’atopu est po custumerì a is 21.30 in arruga XX Settembre. Primu de su dibàtidu at essi presentau, cun s’autori, su líburu de Domenico Finiguerra “Sa Terra est de fillus nostrus”. A s’atóbiu ant a fuddai Graziano Bullegas de Itàlia Nostra Sardigna e Antonello Meli puru, istudiosu de Zeografia Económica. Sighi a ligi ‘Po salvai su territóriu de s’abusivismu oi in Carluforti su dibàtidu “Stop a su cossumu de su territóriu”’

Rifondazione comunista: Deriu segretàriu nou de sa Federatzioni de Casteddu

(IlMinuto) – Casteddu, 30 de su mesi de argiolas – Giovannino Deriu est su segretàriu nou de su Prc de sa Federatzioni de Cadeddu. Elìgiu cenàbara passau de su Comitau políticu federali, Deriu pigat su postu de Giuseppe Stocchino, segretetàriu provìntziali in is úrtimus tres annus. De sa segreteria federali noa faint parti puru Simone Seu, Giulia Suella e Riccardo Cocco.

S’Universidadi de Tàtari contra a sa discriminatzioni de su sardu. Su cuntentu de Su Majolu

(IlMinuto) – Casteddu, 30 de su mesi de argiolas – Sighit sa protesta contra a sa discriminatzioni de sa língua sarda bófia de su guvernu italianu. S’Universidadi de Tàtari puru, atressu de una delíbera de su Senau Académicu, at espressau su pentzu suu denuntziendi s’atacu malu a su sardu. Comenti scideus sa Spending Review (d.l. 95/12, art. 14, Irminorigamentu de is ispesas de personali, coma 16) at difatis liau sa Sardigna de is areas chi tenit particularidadi linguìstica. In su decretu lei asuba de sa “rimodulazione” de s’ispesa no ddoi est difitas nisciunu amparu po su sardu mancai siat sa mantessi lei 482 de su 1999 a ddu amparai comenti língua a su própriu livellu de su tedescu, de su francesu e de su slovenu. Ma ita est acontessendi? Si sa Spending Review istabilidit ca in Sardigna no ant a podi essi assignaus dirigentis a tempus indeterminau a is istitutzionis iscolàsticas chi tenint de mancu de 600 iscritus, sa cosa prus grai est ca su provedimentu ndi liat s’ísula de is areas cun particularidadi linguìstica, po is calis si aplicat su númeru minimu de 400 iscritus comenti acontessit in su Sud-Tirolo, in sa Valle d’Aosta e in is areas de língua slovena de su Friuli. Un’esclusioni chi at apensamentau a sa Comissioni de s’ateneu po sa língua sarda de s’Universidadi de Tàtari, chi at signalau luegu su “scornu” a su Senau Académicu. Sighi a ligi ‘S’Universidadi de Tàtari contra a sa discriminatzioni de su sardu. Su cuntentu de Su Majolu’

Caserma de Pradu. aMpI “Sa lota populari no s’at a frimai!”

(IlMinuto) – Casteddu, 30 de su mesi de argiolas – “[Medas] pentzant ca unu fatu siat acontéssiu diaderus poita est imprentau in líteras nieddas mannas; cunfundint sa beridadi cun su mesura doxi”. Est cantu, in su 1952, scririt su Borges de “Àteraa incuisitzionis”. Un’ocasioni útili po atuai asuba de unu comunicau de imprenta fatu connosci de a Manca pro s’Indipendentzia a propositu de su giornalismu o de unu tzertu tipu de giornalismu. Su referimentu est a unus cantu de artículus bessius in is diris passadas in is giornalis, chi cun malítzia parrint essi “acusatorius”,  artículus bessius a pustis de sa lítera anónima cun amaletzus de morti arricia de su síndigu de Nùgoro Alessandro Bianco. “Cundennaus cun fortza e cun arrealia – scririt sa manca indipendentista – s’ambiguidadi chi ant tentu in custas diris is giornalis, chi, chentza de tenni atrevimentu de s’arringherai e de fueddai cun craresa, circant asuta asuta de donai sa crupa de is amaletzus (misteriosus in su chi ddoi est iscritu e in s’apróliu) a s’area populari manna chi de diversus mesis lotat contra a s’isperdítziu inútili e chentza de torrada chi iat a portai su fàbricu de sa Caserma. Nos is cosas ddas naraus in faci!!”. “Est po custu chi s’auguraus – pretzisat sa nota de imprenta – ca sa lítera anónima cun amaletzus de morti recapitada a su síndigu in is diris passadas no siat s’arreghèscia po creai unu clima de abusu in is cunfrontus de su disacórdiu. Sa protesta contra a su fàbricu de una Caserma in Pradu est stétia populari [...] de sèmpiri, fata de is tzitadinus nugoresus abertamenti e a sa luxi de su sobi, cun volantinagius públicus, manifestadas e arregorta de firmas in is pratzas”. Si iaus a podi preguntai, sighenti s’anàlisi fata connosci de sa manca indipendentista, si s’agataus diaderus a faci de cussu modu de fai políticu conotu comenti “Strategia de sa tensioni” de sèmpiri conota comenti strategia de sa contrarivolutzioni preventiva. Nos no scideus arrespundi. Sighi a ligi ‘Caserma de Pradu. aMpI “Sa lota populari no s’at a frimai!”’