> Impresas sardas a Smau de Milano « ilMinuto – notizie Mediterranee – edizione Sardegna

Impresas sardas a Smau de Milano

(IlMinuto) – Casteddu, 19 de su mesi de argiolas – In programa de su 17 a su 19 de su mesi de ledàminis de su 2012, sa Smau, fiera de s’Ict de Milano, at donai boxi a is impresas sardas puru. Sardigna Circas de acórdiu cun s’assessorau regionali de sa Programatzioni, Bilantzu, Créditu e assetidura de su territóriu, bolit apronai difatis unu stand colletivu po startup, spin-off e àteras impresas innovativas sardas chi s’interessant de Information and Communication Technology. Est custu unu mamentu de atopu de importu mannu intre is printzipali sogetus acapiaus a su mundu de is tennologias noas: un’atóbiu de tres diris innoia benint contadas totus is novidadis in campu tennologicu e is apricus a su business. “Su stand – si ligit in d-una nota – at essi postu in su tretu prus importanti de sa Smau: ‘Caminus de s’Innovatzioni. De sa bidea a su Business”, unu logu aundi is impresas sardas puru s’ant a podi amostai e ant a podi presentai is próprius progetus e ant a podi intrai in cuntatu cun potentzialis finantziadoris.

© RIPRODUZIONE RISERVATA

0 Arrespustas a “Impresas sardas a Smau de Milano”


Is cummentus funt serraus.