> Progetu Galsi. aMpI: “efetus disastrosus asuba de s’ambienti e asuba de s’ecunumia sarda” | ilMinuto

Progetu Galsi. aMpI: “efetus disastrosus asuba de s’ambienti e asuba de s’ecunumia sarda”

(IlMinuto) – Casteddu, 16 de su mesi de argiolas – “Su Progetu Galsi est un’àteru bidoni coloniali”. Est cantu afirmat a Manca pro s’Indipendentzia agoa de ai scipiu de  sa nova ca sa Sonatrach, Sotziedadi Natzionali Algerina Idrocarburus, primu atzionista de su progetu, at determinau de atrassai in su mesi de totussantus dógnia ditzisioni apitzus de sa bagas de “lassai o ponni in pràtiga su progetu Galsi”. Est própriu asuba de is determinus leulaleula de sa Sonatrach chi fueddat cun d-una de imprenta sa manca indipendentista, pretzisendi “comenti custa siat sa terza borta chi su grupu algerinu torrat agoa, fortzis timendi puru àterus problemas legalis chi iant a infossai de unu totu a unu grupu giai speculitau”. Sa Sonatrach, 12° compagnia petrolifera mondiali, 2° esportadori de Gnl e Gpl in su mundu e 3° po su gas naturali, est difatis asuta de inchiesta po corrutzioni internatzionali e fura. A faci de custus datus ddoi at pagu se abarrai trancuillus. “Calisisiat rapresentanti políticu sériu e cun sa conca in is pabas – arremaciat su Diretivu Políticu Natzionali de aMpI – iat a lassai su progetu Galsi e ddu iat a bullai comenti fumu in is ogus. Imbecis sa classi política unionista sighit a si fai coni de s’ispàtzu e de s’umiliamentu de sa terra nostra”.

Fotografia de RobertoGuido pigada Flickr

© RIPRODUZIONE RISERVATA

0 Arrespustas a “Progetu Galsi. aMpI: “efetus disastrosus asuba de s’ambienti e asuba de s’ecunumia sarda””


Is cummentus funt serraus.